Yoshuwa 3:1 - Luganuzi Luswanu Kuli Wanhu Wose 2002

¹ Ale, Yoshuwa ne Waisilayeli wose, i mitondo yaco hakali mitondo muno, wakelawa kuyikula nghambi ha Akasiya, wakawa kubita sunga he 'kolongo lya Yoludani, wakayisimya nghambi baho, walindiye ku wulowoka likolongo.

Yoshuwa 3:1 ပူးပေါင်းရင်းမြစ်များ

Mwamulizo 21:14

Nayo Abulahamu yakawa kwilawa hakali mitondo muno muno, yakasola ndigwa ne citungu ce malenga, yakamupiciza Hagali mwi'wega, yakawa kumuwinga mu kaya, hamonga no mwanagwe Ishumayeli. Nayo Hagali yakawa kutuluka, hamonga no mwanagwe, yakawa yakuyega yega mu nyika ye Belisheba.

Mwamulizo 22:3

Ale, imitondo yaco, Abulahamu yakelawa kwinuka hakali mitondo muno muno. Yakayiwikaniza ndogowe yakwe, yakawasoleleza ne wazelelo wakwe wejete, hamonga no mwanagwe Isaka. Ale du, yakawikaniza ne zingwagu so lilyo likumbiko, hodu wakawa kutuluka ku wubita i hanhu hono Mulungu yamulonjela.

Zabuli 119:60

Nane hamba si nocela yaye, ku wutyatya malajilizo gako,

Yelemiya 25:3

“Nye wayangu! Mumanyile nha vyono mu myaka yiyi yose makumi mejete ne 'datu, ku wulawilila mu mwaka we likumi ne 'datu wo mutemi Yosiya, u mwana wa Amoni, lono yali yatemile mu yisi ya Yuda, sunga mwi'zuwa lye zuwali u Muwaha Mulungu kanonjelaga zinghani zakwe, ho nimulonjelenyi nanye. Nane nghali si naleka hamba kamonga ku wulawa lulo, kumulonjelenyi zose zono yakuwa kunhuma nimulonjelenyi. Ninga 'nye, hamba si muzityatililaga yaye.

Yelemiya 26:5

Kanyhi na vyono, munojeye muzicelelele zinghani ze wetumami wangu i wawizi, wono nikalaga nghumuletelenyi ku wulawa na katali. Ninga anye si mwazicelelela yaye zono wamulonjelajenyi.

Yelemiya 7:13

Nanye mwetuma u wubi wuwu wose, hamba niwe namulonjelenyi zizi zose kali kenji na kenji, ninga nye mukalema kuhulika 'ne. Yali yiwe yili ciba le, hono mwali mulece kwidika, lono nali kumucemenyi.

Mika 6:5

Anye nyo wanhu wangu, mukumbucile zizo zono Balaki u mutemi wa Mowabu, yali yewikanize ho yamutendelenyi 'nye, na vyono Balamu mwana wa Beyoli yamupitula. Kanyhi mukumbucile zono zejela, lono mwali muli mu nzila, ku wulawa ku nghambi ya Shitimu sunga ku Giligali. Holeka momanya zono nghamutendelenyi ho nimuponyenyi 'nye.

Wuwale 25:1

Nawo Waisilayeli lono wali wali mu nghambi mwi'lolo lya Shitimu, i wanhu we cilume, wakawa wakusenyha ne wahinza we Cimowabu wono wali wali mumo.

Maluko 1:35

I mitondo yaco lono kwali kukali nadandawuka, Yesu yakenuka yakabita kulomba i hanhu ha cilejeho hono hasina wanhu.

Yoshuwa 2:1

Baho Yoshuwa mwana wa Nuni, yakawatuma watandizi wejete ku wulawilila baho ha nghambi ya Shitimu, ho wabite cinyele wakayitandile yisi ya Kanani, na ko muno likaya lya Yeliko. Nawo wali weza kufika mwi 'kaya, wakenjila mu nyumba yo mucekulu musenyha, mono yacemwaga Lahabu, wakagona baho.

Yoshuwa 6:12

Ne mitondo yaco, Yoshuwa yakelawa kwinuka hakali mitondo muno muno ne wakohani nawo wakalidinghula Lisanduku lye Cilagane lyo Muwaha Mulungu. Na mwi'zuwa lilyo lye kejete, i wakohani ne wasilikale, wakalipilima kanyhi likaya mu wityatye wu wulya du wono wanoza mwi'zuwa lilongozi. Wakalongola i wasilikale wono wena vitwalo vyo wulugu, hanyuma wakatyatya wakohani mupunghati wono watowaga zindulele mupunghati.

Yoshuwa 6:15

Mwi'zuwa lyo mupunghati, wakelawa hakali mitondo muno muno. Wakalipilima likaya kali mupunghati. Ne lizuwa lili, lyali lyo lizuwa limonga du, lyono walipilimila likaya kali mupunghati mwizuwa limonga.

Yoshuwa 7:16

Hobaho i mitondo yaco, hakali mitondo muno muno, Yoshuwa yakawaleta Waisilayeli, no mulango wa Yuda wukahagulwa.

Yoshuwa 8:10

I mitondo yaco, Yoshuwa yakenuka hakali mitondo muno muno, yakawakongholela wasilikale wose hamonga. Hobaho mwene hamonga ne walongola wose we Waisilayeli, wakawa kutuluka, wakawa kubita ku Ayi.

Walamuzi 20:19

Hobaho Waisilayeli wakatuluka i mitondo yaco, hakali mitondo muno, wakayisimya nghambi yawo behi ne likaya lya Gibeya.

1 Samwili 17:20

Nayo Dawudi i mitondo yaco, yakawa kwilawa hakali mitondo muno muno, yakamulecela yunji yazilanjilile zingholo. Mwene yakawa kuzisola zindigwa zi zilya, yakawa kubita ku nghambi nha vyono sogwe Yese yamulajiliza. Yakafika ha nghambi mwidaha lyono Waisilayeli watulukaga akuno wakuzoza so milewo wewikanize so wihomi.