Yoshuwa 24:2 - Luganuzi Luswanu Kuli Wanhu Wose 2002

² Nayo Yoshuwa yakawalonjela wanhu wose yakawatya, “Azi zo yakulonga Muwaha Mulungu, u Mulungu we Waisilayeli, yakutya, ‘Ikatali walezi wenyu wekalaga ku nhumbi nzagwe ye likolongo lya Efulata. Nawo wahembaga milungu yinji. No yumonga wa muli wawo walezi yo Tela, ne wanagwe we cilume, Abulahamu na Naholi.

Yoshuwa 24:2 ပူးပေါင်းရင်းမြစ်များ

Mwamulizo 11:22

Lono Selugi nayo, yali yaficila mu myaka makumi madatu, yakamulela Naholi.

Mwamulizo 11:24

Nayo Naholi lono yali yaficila mu myaka makumi mejete ne 'cenda, yamulela Tela.

Mwamulizo 11:26

Nayo Tela lono yali yaficila myaka makumi mupunghati, yakawalela Abulamu, Naholi na Halani.

Mwamulizo 11:27

Azi ahano zo ndelo ze wana wa Tela, u sogo ya wa Abulamu, Naholi na Halani. Yuyu Halani yali yo sogo wa Loti.

Mwamulizo 31:19

Na mwi'daha lilyo, Labani yali yabitile ku wucenyenha zingholo zakwe. Kono nyuma, Laheli nayo yakatuga cilejeho co kuhiza i vihwani vye milungu yo wulambi yo sogwe.

Mwamulizo 31:30

Ane manyile vyono agwe watuluka cinyele ku soko ye cisukwa co kusaka wuwuye ku kaya kuli sogo. Ninga alu socici kuhiza vihwani vye milungu yangu?”

Mwamulizo 31:32

Ninga hamba nhavivyo, munhu wo wose mono kokwijela yena vivyo vihwani vye milungu yako, munhu yuyo yawulagwe. Holeka nghukunena wulajile ha mwande ya wawa wandugu zetu, cinhu cono cako, wucisole.” Ninga Yakobo hamba si yali yamanyile vyono mugolece wakwe Laheli yali yavihizize vihwani vye milungu yo walumbi ya Labani.

Mwamulizo 31:53

U Mulungu wa Abulahamu no Mulungu wa Naholi, u Mulungu wo sogo yawo, yo yalamule mweneco muli'se.” Hodu, Yakobo yakawa kwilahiza kuli Mulungu mono u sogwe Isaka, kamogopaga.

Mwamulizo 35:4

Hodu, wakawa kumupela Yakobo vihwani vyose vye milungu mijenzi vyono wali wena navyo, hamonga ne viheleni vyono wali wavwalile mu makutu gawo, nayo yakavifuciliza he'sina lyo mubici wo Munghola wono wali wuli behi na Shekemu.

1 Zinghomo 1:27

na Abulamu, (mono yamanyice kwe 'tagwa lya Abulahamu.)

Isaya 51:2

Kanyhi mwihwese na zo mulezi wenyu Abulahamu, na za Sala mono yamulelenyi. Kanyhi mumanye na vyono lono namucemela Abulahamu, lulo yali yasina hamba mwana monga, ninga ane nghamulugutiza, nghamupela ne wana. Nghawanoza wanagwe wawe wenji muno muno.

Ezekiyeli 16:3

Wuyilonjele Yelusalemi zono u Muwaha Mulungu yakuyilonjela yakutya, ‘Agwe Yelusalemi, u wimo wako no lulelo lwako, walawa mu yisi ya Kanani. U sogo yali Mwamoli, u nyina yako yali Muhiti.

Luka 3:34

mono yali mwana wa Yakobo, mwana wa Isaka, mwana wa Abulahamu, mwana wa Tela, mwana wa Naholi,

Wukumbucize wo Wulajilize 26:5

Nagwe wuwe kulonga hali Muwaha Mulungu, u Mulungu wako, wuwe kutya nhavi; ‘U mulezi wangu yali Mwalamu, mono yawasola we mhuga yakwe wose, wakahamila ku Misili. Nawo wali wacefu muno lono wabitaga kuko, ninga hanyuma yayo, wakonjelezeka muno, kanyhi wakawa yikungugo yiwaha, kanyhi wali vilungo muno.

Yoshuwa 24:15

Na hono muwe si mukusaka kumwitumamila Muwaha Mulungu, ale muhagule zuwalili, mono momwitumamila. Hamba moyitumamila i milungu yono walezi wenyu wayihembaga ku Mesopotamiya, hamba milungu ye Waamoli wono na mu yisi yawo mo mwikaye. Langa ane na wa mu nyumba yangu, comwitumamila Muwaha Mulungu.’ ”