Yoshuwa 22:9 - Luganuzi Luswanu Kuli Wanhu Wose 2002

⁹ Ale baho i wanhu wo mulango wa Lubeni na wa Gadi, ne we nusu yo wo mulango wa Manase, wo lubavu lwa kucilima ya Yoludani, wakawa kuwuya kwawo. Wakawaleka i wayawo, Waisilayeli, wono wasigala kuko ku Shilo, mu yisi ya Kanani. Wene wakawa kwinjila mu yisi yawo, yisi ya Gileyadi, yono wali wakondya kupegwa nha vyono Muwaha Mulungu yali yakondya kuwalajiliziza muli Musa.

Yoshuwa 22:9 ပူးပေါင်းရင်းမြစ်များ

2 Samwili 2:9

Abineli yakawa kumunoza Ishibosheti mwana wa Sawuli yawe mutemi we yisi ya Gileyadi, na ya Asheli, na ya Yezeleli, na ya Efulayimu, na ya Benyamini, nha cinji mu Isilayeli yose.

1 Zinghomo 5:9

Nawo wali wena matewa mawaha ge mitugo mu yisi ya Gileyadi. Na ku soko yiyo, wakayisola yisi yose ya Gileyadi, sunga ko ku lubavu lwa kucilima ku nyika yono yali yitambalaye sunga ko kwi'kolongo lya Efulata.

Zabuli 60:7

Gileyadi yo yangu, sunga na Manase nayo yangu nhavivyo, ayi nayo Efulayimu, nha yo kofiya yangu ye cuma, nayo Yuda, yo nghome yangu yo wutemi.

Wuwale 32:1

Nawo wo mulango wa Lubeni, na wo mulango wa Gadi, wakawa wena matewa mawaha ge zimitugo. Holeka wali weza kuyiwona yisi ya Yezeli, ne yisi ya Gileyadi, vyono yo yowakwila ku so mitugo zawo,

Wuwale 32:20

Nayo Musa yakawapitula yakatya, “Hono zono mukuzilonga, mukulonga za mbeka, ale, mwiwikanizaje le, baha hali Muwaha Mulungu, mubite ku wulugu.

Wuwale 32:22

sunga ne yisi yisolwe. Na hanyuma ya zizi, anye ho mowuya kono kwenyu, hambi nha mowa mwakondya kucifisiliza cilagane cenyu no Muwaha Mulungu, hamonga na kuli wayenyu Waisilayeli. Holeka nayo Muwaha Mulungu koyimanya yisi yiyi, yono yili ku lubavu lwe cilima ye likolongo lya Yoludani, vyono yisi yenyu.

Wuwale 32:26

I wagolece zetu, ne wana wetu, ne zing'ombe zetu, ne zingholo zetu, avyo vyose, vyosigala bahano mu makaya gaga ga Gileyadi.

Wuwale 32:29

“Hono wanhu wa Gadi ne wanhu wa Gileyadi walowoce likolongo lya Yoludani, wawe wewikaniza so wihomi, mu wutonji wo Muwaha Mulungu, na hono wamutazenyi sunga muyisume yisi no kuyisola, ale, nanye muwalecelaje yisi ya Gileyadi yiwe yawo.

Wukumbucize wo Wulajilize 3:18

“Na mwi'pango lilyo du, nghawa kuwapela wulanjize nghawatya, ‘Alu, mulanje ta! U Muwaha Mulungu, u Mulungu wetu, yakondya kumupelenyi anye yisi yiyi, ya kono lubavu lwa kucilima ye likolongo lya Yoludani, yiwe yenyu nyenye. Aluno muwawikanizaje vitung'ati wenyu wo wulugu, mulowoce likolongo lya Yoludani, mulongole ku mwande ye wandugu zenyu Waisilayeli ho muwatazilize nawo wayisole yisi yawo.

Wukumbucize wo Wulajilize 3:20

Nanye muwatazilize Waisilayeli wayenyu, sunga wayisole yisi yono Muwaha Mulungu yakuwapela, yisi yo lubavu lwa ku mwezi ye likolongo lya Yoludani. Sunga kolo Muwaha Mulungu yakondya kuwapela mulamu mu wikalo wawo, nha vyono yakondya kumunozezenyi nyenye ahano. Hanyuma ya zizo zose, nanye ho mowuya mono yisi yenyu yiyi, yono nakondya kumupelenyi.’

Wukumbucize wo Wulajilize 34:1

Musa yakawa kuwuka mu yisi yo wuhihi ya Mowabu, yakawa kubita kucanyha mwi'tunda lya Nebo, ku cizuli ce matunda ga Pisiga, kucilima ya Yeliko. Na ku wulawa kuko kucanyha, Muwaha Mulungu yakamulajila yisi yose. Yisi ya Gileyadi ku lubavu lwa kusumuka, sunga ko kwi 'kaya lya Dani.

Yoshuwa 13:11

Yikasola ne yisi ya Gileyadi sunga na mu mupaka we Wageshuli, na Wamakati ne litunda lyose lya Helemoni, ne Bashani yose, sunga ko ku Saleka.

Yoshuwa 13:25

U mupaka wawo, wali wusolile na Yezeli hamonga ne makaya gose ga Gileyadi, ne nusu ye yisi ye wana wa Amoni. Mupaka wukajendelela sunga ko ku Aloweli, kulubavu lwa kucilima ya Laba.

Yoshuwa 13:31

Yikasola sunga ne nusu ya Gileyadi, hamonga na Ashitaloti na Edeleyi, i makaya mawaha ga mu wutemi wa Ogu ku Bashani. Azi zose, wakapegwa hamonga ne nusu ye we mhuga yono yali ya Macili u mwana wa Manase.

Yoshuwa 22:10

Lono we milango ya Lubeni, na Gadi na wa Manase wo lubavu lwa kucilima, wali weza kufika ha Geliloti, lono wali wakali kulubavu lwa kumwezi ya Yoludani, wakazenga cikumbicilo ciwaha muno ca kwilolela, baho behi ne likolongo.

Walamuzi 20:1

Wanhu wose wa Isilayeli kulawilila Dani lubavu lwa kusumuka sunga ku Beyeli-sheba lubavu lwa kutakama sunga ko ku yisi ya Gileyadi lubavu lwa kucilima, wose wakedika kucemo lulo, wakehanguliza hamonga hali Muwaha Mulungu ku Mizipa.

Walamuzi 5:17

Wo mulango wa Gileyadi wakekala lubavu lwe cilima ya Yoludani, nawo wo mulango wa Dani, wakekala mu zingalawa. Wo mulango wa Asheli wakekala mu mwalambalo we lilenga.