Yoshuwa 21:4 - Luganuzi Luswanu Kuli Wanhu Wose 2002

⁴ Ale baho, wo lulelo lwe Wakohati, wa mu mhuga ye Walawi, wali wo walongozi kupegwa makaya gawo. Nawo we zimhuga ze wana wa Haluni mukohani, wakapegwa makaya yikumi na madatu, gono galawa mu yisi ya Yuda, na ya Simiyoni na ya Benyamini.

Yoshuwa 21:4 ပူးပေါင်းရင်းမြစ်များ

1 Zinghomo 6:39

Asafu yali yo mulongoza wimbi we cipuga ce kejete. Ne ndelwa ye mhuga yakwe, yilawiliye ku wulawa kuli Lawi nha vyono nhavi; Asafu mwana wa Belekiya, nayo Belekiya wa mwana Shimeya.

Wutuluce 6:16

Lawi nayo yali yena wana we cilume wadatu, nawo wali awano, Gelishoni, na Kohati, na Melali, wali wo walezi we zimhuga zono zikalawilila mu matagwa gawo. Lawi yekala myaka yigana limonga na makumi madatu na mupunghati ya mu wikale wakwe.

Wutuluce 6:20

Amulamu yakamutola Yokebedi u lumbulye lyo sogwe Kohati, nayo yakamulelela wana we cilume wejete, Haluni na Musa. Nayo Amulamu yekala myaka yigana limonga na makumi madatu na mupunghati.

Wuwale 3:27

Nawo we mhuga ya Kohati, wali wo mwamulizo we zi mhuga za Amulamu na Izihali na Hebuloni na Uziyeli. Wawa wakawa wo we mhuga ye Wakohati.

Yoshuwa 21:3

Hobaho Waisilayeli, wakawapela Walawi makaya go wuhazi wawo ho wekale mumo. Wakawapela hamonga no wudimilo we mitugo zawo, wulawa mu yisi yawo, nha vyono Muwaha Mulungu yali yalajilize.

Yoshuwa 21:5

Nawo wanji wono wali wakali wasigaye, wa mu mhuga ye Wakohati, nawo wakapegwa makaya yikumi, ga mu yisi yo wo mulango wa Efulayimu, na wa Dani, na ga we nusu ya Wamanase wo lubavu lwa kumwezi.

Yoshuwa 24:33

Nayo Eleyezali u mwana wa Haluni yakafwa, yakazikwa ku Gibeya, mwi'tumbi lya mu yisi ye matunda ya Efulayimu, yono yali yagawilwa u mwanagwe Finehasi.