Yoshuwa 20:3 - Luganuzi Luswanu Kuli Wanhu Wose 2002

³ Hono munhu wo wose mono komuwulaga muyagwe mhalanyuka, yasume kutiziza mumo, ho yeponye mu mawoko go munhu mono yakumulondola ho yamulipicize.

Yoshuwa 20:3 ပူးပေါင်းရင်းမြစ်များ

2 Samwili 14:11

Mucekulu yakatya, “Gwe Mutemi! Nghukunena wumulombe Muwaha Mulungu u Mulungu wako, i wandugu zangu wono wakusaka kwilipiciza so lifwa lyo mwanangu we cilume, walece kujendelela no wituma wubi wono wucizize, wo kumuwulaga u mwanangu we cilume mono yasigaye.” Dawudi yakapitula yakatya, “Ane nghwihuwiza hali Muwaha Mulungu mumi, nha vyono u mwanago we cilume, hasina cinji co cose cono comutamisa.”

Walawi 4:2

“Yawalonjele wanhu wa Isilayeli vyono, munhu wo wose mono kosutya, no kubena lilajilizo limonga, lya muli malajilizo go Muwaha Mulungu wula kumanya, munhu yuyo yowa yimunojeye yatyatye wulajilize awuno.

Wuwale 35:12

Mumo mo kokwiponezya kuli wandugu za mono yafwiye, hono wasace kwilipiciza so ndugu yawo. No munhu hono yasitakwe vyono kawulaga munhu, yalece kuwulagwa musunho, sunga calo cakwe yaling'anizwe calinze hali wanhu.

Wuwale 35:19

No nduguye wa mono yawulagwe, yuyo yo kowa yanojeye yamuwulaje munhu yuyo u muwulaji. Nayo yamuwulaje du kolo vikwitang'anila nayo.

Wuwale 35:22

“Lunji munhu hono yamuwulaje muyagwe mhalanyuka, mono si yali musili wakwe, lunji yamuwulaje mu nzila yo kumubamiliza hasi, lunji mu nzila yo kumugumilila cinhu cinji.

Wahebelaniya 6:18

Holeka ho vili vinhu vi vyejete, u wihuwizo no wilahize, vyono si vyosuma kukawanika, na hamba muli zizo, u Mulungu si kosuma kulonga wulambi. Holeka ase mono camanyhilila ku wukamiswe wakwe, cikupegwa mu mitima yo wukamisa muno u witumbilo wono wuli ha mwande yetu.

Yoshuwa 20:2

yawalonjele wana Waisilayeli yatye “Alu, muhagule makaya go wutizizo nha vyono namulajiliza Musa yamulonjelenyi.

Yoshuwa 20:4

Ale yadahile kutiziza mwi'kaya limonga lya muli makaya gago, no kwima mwi'lango lye likaya, ha mwande ye wanyamhala, nayo kolavya nghani zono zamwijelela ha mwande ye wanyamhala. Nawo ho womukombola yenjile mwi'kaya wamupele ne hanhu ho kwikala, ho yasume kwikala mumo.