Yoshuwa 2:9 - Luganuzi Luswanu Kuli Wanhu Wose 2002

⁹ yakawalonjela yakawatya, “Ane nakondya kumanya nha vyono Muwaha Mulungu yakondya kumupenyi yisi yiyino. Hambi woga wuwaha nha wakondya kuwenjila wanhu wose wa mono yisi yiyi ku soko yenyu.

Yoshuwa 2:9 ပူးပေါင်းရင်းမြစ်များ

Mwamulizo 35:5

Nayo Yakobo hamonga ne wanagwe lono wali wali mu muhinzo, Mulungu yakawogofya wanya wusi we makaya gose ge behi behi, hamba siwejelela kuwatyatilila.

2 Samwili 17:10

Sunga ne wanhu we citung'ati, wakali wenha masimba, nawo wokogopa muno, hambi i Waisilayeli wose, nha wamanyile vyono sogo yo musilikale mono yamanyice muno, kanyhi na vyono, i wanhu wakwe nawo wo wanhu wono wali vitung'ati muno ku milewo.

2 Watemi 5:15

Naamani yakawuya kuli Elisha hamonga ne wanhu wakwe, yakamulonjela Elisha yakamutya, “Elisha! Alu langa ho namanya vyono mbeka hasina mulungu yunji kanyhi, langa hono si Mulungu wa Isilayeli. Holeka alu nghukunena, wubocele cihumbilizwa cangu cono nghukupela.”

2 Watemi 7:6

Hambi Muwaha Mulungu nha yawanoza Wasiliya wahulice nha mukukunzo we misindo ye wasilikale wenji muno muno wakuwaziza, hamonga ne zifwalasi, ne matuka go wulugu. Holeka Wasiliya wakehwesa nha vyono, mutemi wa Isilayeli kawalalika u mutemi we Wahiti, na we Wamisili, hamonga ne wasilikale wawo wo wulugu, waze wamutaze, ho wawahome Wasiliya.

Nehemiya 6:16

I walugu wetu wa mu zinghungugo wono wali wacipilime, wali weza kuzimanya zizi, hodu wakawula vilungo, wakapuwa muno, kanyhi wakatanga vyono, u mulimo awu witumilwa mu vilungo vyo Mulungu wetu.

Esita 8:17

Na mwi'kaya lyo lyose, na mwi'tumbi lyo lyose, lyono lilajilizo lilyo lyasomwaga, Wayahudi wakawa na sikukuu hamonga no wucehe no kulya zindigwa kwa nyemo mbaha. Na so nghani yiyo, wanhu wenji wakenoza nawo Wayahudi, vyono lulo, wose wakawa wakuwogopa Wayahudi.

Jobu 19:25

Ninga manyile vyono Mukombozi wangu yo mumi, Kanyhi vyono kolokwima mu manghundi gago mwi'zuwa lye ndumilizo.

Zabuli 112:10

Ninga i wabi waziwonaga zizo wawa kusimba, wawa kugwezula meno gawo, ko lusulo no kwajilila, witumbilo wawo, hodu wahodanjika.

Zabuli 115:16

Wulanga wose, yo sawo yo Muwaha Mulungu, langa yinze, yakawapela wanhu.

Wutuluce 18:11

Alu nane namanya nha vyono, u Muwaha Mulungu, yo Yalawiliciye kuciza milungu yinji yose. Hambi nha yawakomboza Waisilayeli, mu miwoko ye Wamisili wono wali kuwatendela vibi.”

Wutuluce 23:27

“Nowanoza wanhu wose i walugu wenyu, wanyogope nene. Kanyhi nowaletela ciwajiza wawo wanhu wono mukwihoma nawo. Nane nowanoza walugu wenyu wapituce no kutiza ha mwande yenyu.

Muganuzi 8:12

Wuwalangaje ta wanyo wubi, vyono wetumaga zimbi kali cigana, ninga hamba nhavivyo, vyo wajendeleye du kuwumipa. Ninga ane manyiye lukulu vyono, i nyemo yiwalindiye wono wamogopile Mulungu, ku soko ye cogopo cawo,

Isaya 19:1

Ayi yo nghani ya kuli yisi ya Misili. Muwaha Mulungu kokuza ku Misili, yapandile mwi'vunde lyono likumangha. Ne vihwani vya Misili, vikucicima hali mwene, ne wanhu wa Misili vilungo vyawo vyodejepa.

Isaya 23:5

Sunga ne Wamisili wose wotinuka, kanyhi wokogofywa muno muno, kolo wakuhulika vyono Tulo yakondya kongomezwa.

Yelemiya 27:5

“Mumanye vyono yo nene mono nayiwumba yinze kwe vilungo vyangu, hamonga no munhu, ne vilimu vyose vyono vikaye mono'nze. Nane nimupelaga munhu wo wose nha vyono nyendile nene no mweneco.

Nahumu 2:10

Ninawi yahodangwa nha vyono yali yinojeye, alu yekala nyhiwa. Ne zinhumbula ze wanhu wayo, zenjilwa no woga, ne mafugamilo gawo gakucicima, ne vilungo vyeza musina, no wusu wawo wawomba so woga.

Wuwale 20:14

Ale, Musa yakatuma wanhu kuli mutemi wa Edomu ku wulawa baho ha Kadeshi. Yakutya, “Wanhu wawa, wakulawa kuli sese co wanduguzo we nghungugo ya Isilayeli. Nitumbiye vyono nagwe wakondya kumanya ze magayo getu, na vyono cikugazika,

Wuwale 20:24

“Ayu Haluni si kosuma kwinjila mu yisi yono nawehuwiziza Isilayeli vyono nowapela, langa mwene kofwila mu nzila du. Hambi nyenye vyono muli wejete, nha mwabedegala lilajilizo lyangu akulya ku muvwilo wa Meliba.

Matayo 20:15

Alo wukwihwesa ane sina ling'ani yo kwitumila i sawo yangu nha vyono nendile no mweneco? Hamba wukuwona wivu vyono ane nili muswanu?’ ”

Wukumbucize wo Wulajilize 11:25

Ne hanhu ho hose hono mowa kukolela mu yisi yiyo, u Muwaha Mulungu, u Mulungu wenyu, kowanoza wanhu wose wamogopenyi, nha vyono yehuwiza. Kanyhi howa hasina hamba munhu mono kosuma kwijelela hali'nye, yamwimilenyi.

Wukumbucize wo Wulajilize 2:25

Nane ku wulawilila izuwali, nowanoza wanhu, hanhu hose, wamogopenyi nyenye. Kanyhi wose wocicima ko woga wuwaha muno, kolo wakulihulika litagwa lyenyu likutambulwa.’ ”

Wukumbucize wo Wulajilize 28:10

Nawo wanhu wa mono'nze yose, wowona vyono Muwaha Mulungu yakondya kumuhagulenyi muwe wanhu wakwe, baho nawo womogopenyi muno muno.

Wukumbucize wo Wulajilize 32:8

Muwaha Mulungu mono yalawiliciye muli vyose, yuyo yo yawagawila zi'si makungugo gose. Yakawagawila wanhu no wikalo wawo. Mwene yawawicila mipaka, mu nghango ye liwalo lye wanhu wo Mulungu.

Wahebelaniya 11:31

Na so wihuwilo, Lahabu mono yali musenyha, si yajililana hamonga na awalya wono wamubeza Mulungu, ku soko vyono yawacemela ko mulamu awalya i watandizi.

Yoshuwa 2:11

Mbeka, caza kuzihulika zizi, cikogopa muno. Cikawa kudejepa, cikawula ne vilungo ku soko yenyu. U Muwaha Mulungu, u Mulungu wenyu, yo Mulungu wa ku wulanga kucanyha, na mono yinze yose.

Yoshuwa 2:24

Wakatya, “Mbeka cina witumbilo vyono Muwaha Mulungu yakondya kucipela yisi yiyilya yose. Hambi i wanhu wose wa mu yisi yiyo, nha wakucicima, kanyhi wakucogopa muno muno.”

Yoshuwa 2:8

Na lono i watandizi wawa wali wakali newikaniza ho wagone, Lahabu yakawabitila kuko mwi'tembe,

Yoshuwa 5:1

Nawo i watemi wose we Waamoli wa ku lubavu lwa kumwezi ya Yoludani, ne watemi wose we Cikanani, wono wekalaga mu mwalambalo we lilenga lya Meditelaneya, wali weza kuhulika nha vyono Muwaha Mulungu yalinyaza likolongo lya Yoludani, sunga i Waisilayeli wose wakalowoka hakavu. Hobaho wakenjilwa no woga wuwaha muno mu zinhumbula zawo ku soko ye Waisilayeli.

Yoshuwa 6:2

Muwaha Mulungu yakamulonjela Yoshuwa yakamutya, “Alu neza kukupela likaya lya Yeliko, no mutemi wayo, hamonga ne wasilikale wayo.

Yoshuwa 9:10

sunga na zono yetuma kuli awalya i watemi wejete we Waamoli, wa ku nhumbi ye cilima ye likolongo lya Yoludani. Mutemi Sihoni wa ku Heshiboni no mutemi Ogu wa ku Bashani, wono wekalaga ku Ashitaloti.

Yoshuwa 9:24

Nawo Wagibeyoni wakamupitula wakamutya Yoshuwa. “Gwe muwaha, na mbeka ase canoza zizo vyono cali cakondya kumanya, vyono, Muwaha Mulungu, u Mulungu wenyu, yali yakondya kumulajiliza u mwitumami wakwe Musa, kumupelenyi yisi yiyi yose. No kuwawulaga wanhu wose i wekazi wa mumo, nha vyono mowa kucila kujendelela kubita ku mwande. Holeka nase cetuma nhavivyo, hambi nha cali kumogopenyi muno so wumi wetu.

Yoshuwa 9:9

Nawo wakamuloloseza Yoshuwa wakatya, “Ase cilawilila ku yisi yo kutali muno gwe muwaha, vyono cazihulika zose zo Muwaha Mulungu, u Mulungu wenyu. Kanyhi cazihulika zose zono yetuma ku Misili,

Walamuzi 7:14

Muyagwe nayo yakamupitula yakatya, awo wo mumaje wa Gideyoni Muisilayeli, u mwana wa Yowashi. Hasina nhunizo yinji yo yose, langa hono si yiyo du. Muwaha Mulungu yakondya kuwenjiza Wamidiyani hamonga ne wasilikale wawo mu miwoko yakwe.