Yoshuwa 2:6 - Luganuzi Luswanu Kuli Wanhu Wose 2002

⁶ Ninga mwene Lahabu, yali yakondya kuwahundika mucanyha ye litembe lye nyumba yakwe, mu madulu ge mabeleje ge citani, gono yali yagalundice mumo mwi'tembe.

Yoshuwa 2:6 ပူးပေါင်းရင်းမြစ်များ

2 Samwili 11:2

Na mwi'zuwa linji mapango ge cinyamihe, Dawudi yakenuka mu citanda cakwe, yakabita mu canyha ye litembe lye nyumba yo wutemi. Na lono yajendajendaga mumo mwi'tembe, yalanje nhavi, yakawona mucekulu yakwihovuga. No mucekulu yuyo ku wulangwe mbeka yali muswanu muno muno.

2 Samwili 17:19

Nayo mugolece wo munhu yuyo, yakasola lugubiko, yakaligubika lisima, yakanika wuhemba wukuzule mucanyha yayo, yunji ho yalece kumanya cono cili mumo.

1 Watemi 18:13

Hamba agwe wukali si nahulika vyono, lono Yezebeli yawawulagaga wawizi wo Muwaha Mulungu, ane nghawahundika mu mapango wawizi wanji yigana limonga, nghawatemanula wakalawa mapuga mejete, nghawa kuwahundika wanhu makumi mahano mahano, nghawa kuwalisa ne zindigwa hamonga ne malenga go kung'wa mumo mu zimhango?

1 Watemi 18:4

na lono Yezebeli yawawulagaga i wawizi wo Muwaha Mulungu, mwene Obadiya yakawahundika wawizi wanji mu zimhango, waficile wawizi yigana limonga. Yakawatemanula wakawa mu mapuga mejete ga wanhu makumi mahano mahano, yakawa yakuwalisa ne zindigwa mumo mu zimhango zizo, hamonga ne malenga go kung'wa.

2 Watemi 11:2

Langa Yowashi mwana monga du wa Ahaziya, yuyo du yo yapona. Ninga nayo yali yali behi no kuwulagwa, hamonga ne wayagwe, ninga u nyinehenga wakwe, mono yakucemwa Yehosheba yo yamuponya. Mwene Yehosheba yali mwana we cicekulu wo mutemi Yeholamu, kanyhi yali lumbulye lya Ahaziya. Yehosheba yamusola Yowashi hamonga no mukoci wakwe, yakawahundika mu cumba co kugona, mugati ye Nyumba yo Mulungu, holeka Ataliya si yasuma kumuwona ho yamuwulaje.

Wutuluce 2:2

Nayo yakamulelela mwana we cilume. Yali yeza kumuwona mwana yuyo vyono muswanu muno, yakamuhundika myezi midatu.

Yelemiya 36:26

Hanyuma ya zizo, u mutemi yakawa kumulajiliza Yelameli u mwana wo mutemi, hamonga na Selaya u mwana wa Aziliyeli, na Shelemiya u mwana wa Abideli, waze wanyibate ane Yelemiya, hamonga na Baluku u mwandici wangu. Ninga Muwaha Mulungu, yali yakondya kucihundika.

Matayo 24:17

Nayo mono yali mucanyha ye litembe lye nyumba yakwe, yalece kutimila lukulu, ho yasole ivinhu vyakwe, vyono vili mu nyumba yakwe.

Wukumbucize wo Wulajilize 22:8

“Na lono wukuzenga kaya yako mhya, wuyipilimyaje litembe lyayo ne cicitizo. Ho wulece kwiletela wuhoswe go mweneco, hono munhu yagwe ku wulawa mwi'tembe, yafwe.

Wakolosayi 3:3

Hambi anye nha mwafwa, no wumi wenyu wuhundikanwe hamonga na Kilisito muli Mulungu.

Wahebelaniya 11:23

Sowihuwilo, i walezi wa Musa wamuhundika yuyo mwana mu myezi midatu, lono yali yalelwa. Wamuwona vyono yali mwana muswanu, hamba si wawogopa u wulajilize wo mutemi.

Yakobo 2:25

Na vyo yali yinha na kuli Lahabu u musenyha, nayo yavumilwa yawe we ling'ani ku soko vyono yawabocela wa walya i watandizi, no kuwatonga wakole nzila yinji.

Yoshuwa 2:5

kanyhi wanhu wawa wawuka lono ne lizuwa lyali likali nagwila, na lono lilango lye likaya lyali likali nadindwa, nane hamba si niwawene na kono wabitile, ninga nitumbiye hono mujele kuwatyatya, mowebata mbela du.”

Yoshuwa 2:7

Ale, i wanhu wono watumwa no mutemi, wakawa kutuluka, wakawa kulawila kunze ye likaya, lilango lye likaya likawa kudindwa. Wakawa kubita, akuno wakuwalondola Waisilayeli wawalya i watandizi, sunga wakatang'aniza balabala yono yilowoce likolongo lya Yoludani.

Yoshuwa 2:8

Na lono i watandizi wawa wali wakali newikaniza ho wagone, Lahabu yakawabitila kuko mwi'tembe,

Yoshuwa 6:25

Langa Yoshuwa yakamuponya Lahabu u mucekulu musenyha, hamonga ne wanduguze wose, vyono mwene yakawahundika i watandizi wejete, wono mwene Yoshuwa yawatuma ku Yeliko. (No lulelo lwa Lahabu, wanji wakali wasigaye mu yisi ya Isilayeli sunga nalu.)