Yoshuwa 2:5 - Luganuzi Luswanu Kuli Wanhu Wose 2002

⁵ kanyhi wanhu wawa wawuka lono ne lizuwa lyali likali nagwila, na lono lilango lye likaya lyali likali nadindwa, nane hamba si niwawene na kono wabitile, ninga nitumbiye hono mujele kuwatyatya, mowebata mbela du.”

Yoshuwa 2:5 ပူးပေါင်းရင်းမြစ်များ

Nehemiya 13:19

Hobaho nghalajiliza vyono, i milango yose ya mwi'kaya, yiwe kudindwa mu mwamulizo we mazuwa ge Sabato, mu mapango ge cinyamihe lono Sabato yikwanza. Kanyhi na vyono, i milango yilece kudigulwa, sunga kolo Sabato yakondya kupuluta. Nghawawika wanhu mu milango, walanjilile, cinhu co cose cilece kuhelezwa mwi'kaya mwizuwa lye Sabato.

Isaya 60:11

Ne milango yako yolowa kwikala yili mwazi, i watemi we makungugo ho wasume kukuletela zisawo zawo.

Yelemiya 50:20

Na kolo vilo vivyo vikuza, holowa hasina wubi wo wose kanyhi, wono wolowa kwitumwa na Isilayeli, hamba mabi go gose mu Yuda. Hambi nha nolowanenela wanhu wose wono nolowasigaza. Vyo nghutya, ane no Muwaha Mulungu.”

Ezekiyeli 47:12

Na mu zinyenje zose ze likolongo ako na ako, molocindika mibici minji ye mawala gose, yono yolowa ndigwa. Ne mahamha gayo, hamba si golowa kunyala yaye, kanyhi yojendelela du kulela mikalo, hamba kuduma yaye. I mibici yiyo, yolowa kulela mikalo mipya mwezi na mwezi, hambi nha yikwitilwa malenga gono gakuhuluma mu cikolongo, cono cilawiliye mu Nyumba yo Mulungu. Ne mikalo ye mibici yiyo, yolowa yo ndigwa, ne mahamha gayo, golowa so miti yo kuponezya wanhu.”

Yoshuwa 2:4

Nayo Lahabu yakawapitula yakawatya, “Heya mbeka, wanhu wanji we cilume, wenjila mu nyumba yangu. Langa simanyile na kono walawile,

Yoshuwa 2:6

Ninga mwene Lahabu, yali yakondya kuwahundika mucanyha ye litembe lye nyumba yakwe, mu madulu ge mabeleje ge citani, gono yali yagalundice mumo mwi'tembe.

Yoshuwa 2:7

Ale, i wanhu wono watumwa no mutemi, wakawa kutuluka, wakawa kulawila kunze ye likaya, lilango lye likaya likawa kudindwa. Wakawa kubita, akuno wakuwalondola Waisilayeli wawalya i watandizi, sunga wakatang'aniza balabala yono yilowoce likolongo lya Yoludani.

Wugubule 21:25

Ne milango ye likaya lilyo si yowa kudindwa ku misi, kanyhi hamba si yolodindilwa lukulu, hambi nha kowa kusina kanyhi cilo kuko.

1 Samwili 19:14

Nawo i wanhu wa Sawuli wali weza kuza, ho wamusole Dawudi, Mikali yakawalonjela vyono Dawudi mutamwa.