Yoshuwa 2:4 - Luganuzi Luswanu Kuli Wanhu Wose 2002

⁴ Nayo Lahabu yakawapitula yakawatya, “Heya mbeka, wanhu wanji we cilume, wenjila mu nyumba yangu. Langa simanyile na kono walawile,

Yoshuwa 2:4 ပူးပေါင်းရင်းမြစ်များ

2 Watemi 6:19

Nayo Elisha yakawa kuwabitila yakawatya, “Nye wayangu, mwayileka nzila yono yibitile kono mukusaka kubita, hambi aha nha si lye kaya lyono mukusaka kubita. Holeka alu munhyatyaje, nane nomutegulenyi sunga kuli munhu yuyo mono mukumulondola.” Nayo yali yeza kuwasola, yakawategula sunga ko ku Samaliya.

Wutuluce 1:19

Nawo wakawa kumupitula wakatya, “Gwe mutemi, i wacekulu we Cihebelaniya si wehwanile nhe wacekulu we Cimisili yaye, Wene wakusawa mbela mbela, lono ase cikali hamba sinawaficila, wene wakuwa wakondya kusawa.”

Yakobo 2:25

Na vyo yali yinha na kuli Lahabu u musenyha, nayo yavumilwa yawe we ling'ani ku soko vyono yawabocela wa walya i watandizi, no kuwatonga wakole nzila yinji.

Yoshuwa 2:3

Hobaho mutemi wa Yeliko yakatuma wanhu kuli Lahabu, yakamutya, “I wanhu wono wali mu nyumba yako, waza cinyele ho wayitandile yisi yetu yose! Alu wuwalavyanizaje kononze!”

Yoshuwa 2:5

kanyhi wanhu wawa wawuka lono ne lizuwa lyali likali nagwila, na lono lilango lye likaya lyali likali nadindwa, nane hamba si niwawene na kono wabitile, ninga nitumbiye hono mujele kuwatyatya, mowebata mbela du.”

Yoshuwa 6:17

Holeka lu likaya lili, na vyose vyono vili mugati yalyo, yinojeye vyose viticimizwe no moto, ciwe cilavywa kuli Muwaha Mulungu. Langa Lahabu u musenyha, hamonga na vya mu nyumba yakwe, mulece kuwatendela vibi, hambi nha yawahundika i watandizi wetu wono cawatuma.

Yoshuwa 6:25

Langa Yoshuwa yakamuponya Lahabu u mucekulu musenyha, hamonga ne wanduguze wose, vyono mwene yakawahundika i watandizi wejete, wono mwene Yoshuwa yawatuma ku Yeliko. (No lulelo lwa Lahabu, wanji wakali wasigaye mu yisi ya Isilayeli sunga nalu.)