Ane nili Mulungu, na nojendelela vilo vyose kuwa yo nene du Mulungu. Na hasina munhu wo wose mono kokwiponya mu vilungo vyangu. Kanyhi hasina munhu wo wose mono kosuma kuzikawaniza zono nitumaga.”
Baho Yoshuwa mwana wa Nuni, yakawatuma watandizi wejete ku wulawilila baho ha nghambi ya Shitimu, ho wabite cinyele wakayitandile yisi ya Kanani, na ko muno likaya lya Yeliko. Nawo wali weza kufika mwi 'kaya, wakenjila mu nyumba yo mucekulu musenyha, mono yacemwaga Lahabu, wakagona baho.
Hobaho wanhu wa Dani wakawahagula wanhu wahano we lilumbo, wulawilila mu zimhuga za mu mulango wawo, wakawatuma wulawilila mu makaya ga Zola na Eshitayoli, ho wabite wakayitandile yisi. Nawo wanhu wawa, wali weza kufika mu yisi ye matunda ya Efulayimu, wakaficila mu kaya ya Mika.