Yoshuwa 2:18 - Luganuzi Luswanu Kuli Wanhu Wose 2002

¹⁸ Nase kolo cenjila, ceza kuyihoma yisi yiyi, cikukulomba nhondo wuwope mulejehe awu mudunghu he 'dilisha lyono wucikozize. Wasolaje ne walezi wako, hamonga ne wanduguzo ne mhuga yose yo Sogo, wuwakongholele wose hamonga, na wose muwe mumuno mu nyumba yako.

Yoshuwa 2:18 ပူးပေါင်းရင်းမြစ်များ

Mwamulizo 12:2

“Nane nokunoza wuwe yikungugo yiwaha muno muno, kanyhi nokulugutiza, nane nolinoza litagwa lyako limanyice muno, nagwe wuwe wumoti.”

Mwamulizo 7:1

U Muwaha Mulungu yakamulonjela Noha yakatya, “Alu, vyono yo gwegwe du, mono nghuwene yo wuli munhu we ling'ani, mu vilo vyako vyose, ale, alu winjile mu Safina, gwegwe, hamonga ne mhuga yako yose.

Esita 8:6

Ane ho nosuma wule, kuwukangalila wongomezwe wuwu wono weza kuwaziza wanhu wangu ne wandugu zangu wawulagwe?”

Wutuluce 12:13

Nayo sakami yono yili mu fulemu ze milango, cowa co citanjilo cono cikulajila vyono zo kaya zenyu zono mwikaye. Nane kolo nghuyiwona yiyo sakami, hodu nopuluta, hamba si nomutamisenyi yaye, lono neza kuwalipiciza Wamisili.

Lwimbo Luswanu muno 4:3

Milomo yako yinha luputi ludunghu, nayo yendezaga viswanu lono wukulonga. Zinghatu zako, zikung'alala kusi ye citambala, cono wigubice mu wusu wako.

Walawi 14:4

hodu mukohani yalajize ziletwe ndeje nyejete zono zelile zono zokwitumamilwa so wezwe, ne cibici co mubici wo muhagata, no mulejehe musisili mudunghu, ne cinhambi ce ezobu.

Wuwale 19:6

Nayo mukohani yasole cinhambi co mubici wo muhagata, no mulejehe musisili mudunghu, ne cinhambi ca ezobu, yavigumile vyose mu moto wuwo.

Wuwale 4:8

Hanyuma ho wawe kuvigubiciza vinhu vivyo vyose no mwenda we liwala lidunghu, hanyuma ho wawe kugubika mucanyha yayo ne nguwo swanu yono yitelemeye. Hanyuma wawe kugakoza mu zi nyamwidole i mabici go kuyidinghulila.

Luka 19:9

Yesu yakamutya, “Zuwali mhonelo yinjila mono kaya yiyi, vyono mwene nayo, mwana wa Abulahamu.

Metumo ge Watumwa 10:27

Na Petelo walonganaga na Kolineliyo, akuno wakwinjila mu nyumba, na mumo mu nyumba, wakawagana wanhu wenji wekonghoye.

Metumo ge Watumwa 10:33

Holeka nane nghawa kukutumila wanhu lwa kamonga, nagwe kunoza viswanu kuza. Alu ase wose cili baha hali Mulungu, cizihulicize zose zono Muwaha yakulajilize wulonje.

Metumo ge Watumwa 11:14

Mwene kokulonjela izinghani zono moponela, agwe na wa mu nyumba yako wose.’

2 Timoteyo 1:16

U Muwaha yayiwonelaje lusungu mhuga ya Onesifolo, vyono yasangalazaga kali kenji mu nhumbula yangu, hamba si yawona cevu vyono ane nali funjigwe mu jela,

Wahebelaniya 9:19

U lulongozi, Musa yawanziza wanhu wose ze malajilizo gose nha vyono yali mu Wulajilize, hanyuma yakasola i sakami ye ndama hamonga ne malenga, yaketumamila mahamha go mubici wono wukucemwa hisopo, hamonga no wuhamba wudunghu, yakacimiziza i citabu cicilya co Wulajilize hamonga ne wanhu wose.

Yoshuwa 2:21

Lahabu yakavumila, hobaho yakawa kuwakombola, wakawa kutuluka. Nawo wali weza kutuluka du, Lahabu yakawusola wu wulya mulejehe mudunghu, yakawa kuwuwopa he 'dilisha lililya.

Yoshuwa 6:23

Hobaho wakenjila no kumuleta Lahabu kudeha, hamonga no sogwe, no nyina, ne wanduguze wose, wa mu mhuga yakwe. Wakawasola wose, Lahabu ne mhuga yakwe yose, hamonga ne wetumami wawo wose, wakawawika wapolile behi ne nghambi ye Waisilayeli.

Yoshuwa 6:25

Langa Yoshuwa yakamuponya Lahabu u mucekulu musenyha, hamonga ne wanduguze wose, vyono mwene yakawahundika i watandizi wejete, wono mwene Yoshuwa yawatuma ku Yeliko. (No lulelo lwa Lahabu, wanji wakali wasigaye mu yisi ya Isilayeli sunga nalu.)