Yoshuwa 2:14 - Luganuzi Luswanu Kuli Wanhu Wose 2002

¹⁴ Nawo wanhu wawalya wakamutya Lahabu. U Muwaha Mulungu, nhondo yaciwusize u wumi wetu, hono cilece kwituma nha vyono wulonjile! Hono nagwe wulece kumulonjela munhu wo wose zono cizize kwituma baha, cikukwilahila vyono u Muwaha Mulungu kolo yacipela yisi yiyi, nase cokutendela ziswanu.

Yoshuwa 2:14 ပူးပေါင်းရင်းမြစ်များ

Mwamulizo 24:49

Ale, lu, holeka hono mosuma kumunozeza ling'ani ne mbeka u muwaha wangu, ale munonjele, hono si nhavivyo, nalo du mulonje, nane nomanya no mweneco yono nonoza.’ ”

Mwamulizo 47:29

Lipango lyakwe lyo kufwa lyaza kusejelela, Yakobo yakamucema mwanagwe Yusufu, yakamutya, “Alu manangu, hono wuwe mbeka wunyendile, ale, wuwice muwoko wako hagati ye vima vyangu, wihuwize vyono konhendela kwe cogopo ne ling'ani. Wulecele lukulu kunzika ku kuno kono Misili,

2 Samwili 2:5

hobaho mwene Dawudi yakawa kutuma wanhu wanji wabite ku Yabeshi ya ku Gileyadi wakawalonjele watye, “Muwaha Mulungu yamulugutizenyi anye wose, so wuswanu wenyu wo kumuzika mutemi wenyu.

2 Samwili 2:6

Holeka luno, Muwaha Mulungu yamunozezenyi ziswanu zose, kanyhi yawe mwihuwilwa kuli'nye. Ninga nane nomunozezenyi ziswanu ku soko yo wuswanu wono mwitumile.

2 Samwili 9:1

Na mwi'zuwa linji, Dawudi yawuza yakutya, “Wulenyi! Hoyuli yunji mono yakali yasigaye mumi mu mhuga ya Sawuli? Vyono hono yawe yali baho ane nghusaka nimunozeze wuswanu ku soko yo wuswanu wa Yonazani wono yanhendela.”

1 Watemi 20:39

Na lono mutemi yapulutaga, u muwizi yakamucema yakutya, “Gwe go mutemi, ane nali nili mu wulugu, hanyuma musilikale muyangu kandetela mulugu mateka, kanonjela nha vyono, ‘Wumudime munhu yuyu, na hono wumuleceleze yatije, ale agwe go mweneco kowulagwa, hamba kolipa fweza elufu yidatu.’

Zimbazi 14:22

Na hono wuwe wukwituma viswanu, kotuga lilumbo, no kwitumbilwa ne wayago. Ninga hono wuwe wukwituma zimbi, ale, wukusutya.

Zimbazi 18:24

Wiyendi wunji, si wujendelelaga vilo vinji. Ninga wiyendi wunji nawo, wucizaga na wono muli ndugu.

Matayo 5:7

Wamoti wono wena lusungu kuli wanji hambi nawo nha wowonelwa lusungu no Mulungu.

Metumo ge Watumwa 23:22

Umuwaha we wasilikale mulongola, yakamukombola muzelelo, yakamulonjela vyono yalece kumulonjela yunji vyono kamufisiza zizi.

Yoshuwa 2:13

Kanyhi munyilahile nha vyono, mowaleka womi wa yaya na baba, ne wandugu zangu we cilume na we cicekulu, hamonga ne zimhuga zawo! Dedede, nhondo mulece kucileceleza ciwulagwe.”

Yoshuwa 2:15

Lahabu yekalaga mu nyumba yono yali yizenjigwe mugati ye lijinji lye ligomawakali lye likaya. Holeka yakawakoza wanhu wawo mwidilisha, yakawatimizya hasi ko mulejehe.

Yoshuwa 6:17

Holeka lu likaya lili, na vyose vyono vili mugati yalyo, yinojeye vyose viticimizwe no moto, ciwe cilavywa kuli Muwaha Mulungu. Langa Lahabu u musenyha, hamonga na vya mu nyumba yakwe, mulece kuwatendela vibi, hambi nha yawahundika i watandizi wetu wono cawatuma.

Yoshuwa 6:22

Hanyuma Yoshuwa yakawa kuwalonjela wawalya wejete i watandizi, yakawatya, “Alu mwinjile mu nyumba ya Lahabu u musenyha, mumulete mwene hamonga ne wanduguze, nha vyono mwamwihuwiza.”

Yoshuwa 6:25

Langa Yoshuwa yakamuponya Lahabu u mucekulu musenyha, hamonga ne wanduguze wose, vyono mwene yakawahundika i watandizi wejete, wono mwene Yoshuwa yawatuma ku Yeliko. (No lulelo lwa Lahabu, wanji wakali wasigaye mu yisi ya Isilayeli sunga nalu.)

1 Samwili 20:8

Nghukunena wunozeze nhavivyo, akuno wukumbucile nha vyono wehuwiza kuli'ne. Ninga hono niwe nili musutyi, ale, ciba gwegwe wumbulagaje du! Ho so cici sunga wunhegule ko sogo yo yakambulaje?”