Yoshuwa 2:12 - Luganuzi Luswanu Kuli Wanhu Wose 2002

¹² Holeka nghumunenenyi munyilahize kuli yuyo Mulungu wenyu, nha vyono moyitendela ziswanu mhuga yangu, nha vyono nane nimutendelenyi nyenye. Kanyhi mumhelaje ne citanjilo, cono conoza nane ho nimwitumbilenyi.

Yoshuwa 2:12 ပူးပေါင်းရင်းမြစ်များ

Mwamulizo 21:23

Ale, nghukunena wunyilahizizaje hali Mulungu, lulu baha, nha vyono sikonhendela vibi, nene no mweneco, ne wanangu, hamba no lulelo lwangu. Na munghango vyono ane nali nili mwihuwilwa kuli'gwe, ale na gwegwe nha vivyo, weze wuli mwihuwilwa kuli 'ne na kuli yisi yiyi yono wikaye.”

Mwamulizo 24:3

ane nghukusaka agwe wilahizize mwi'tagwa lyo Muwaha Mulungu wo wulanga ne yinze, nha vyono sikosuma kumuhagulila no kumutoza mwanangu Isaka, muhinza wo wose wa muli wana we cicekulu we Wakanani, wono nikaye mu yisi yawo.

Mwamulizo 24:9

Ale, u mwitumami yuyo, yakawa kuwuwika u muwoko wakwe haciligati ye vima vya Abulahamu mutwawe, nayo yakawa kwilahiza mu nghani yiyo.

Mwamulizo 40:14

Ninga ane nghukunena, wunghumbucilaje nane kolo zakuwela swanu, nane wunhazilize, nghukunena wulitambulaje tambulaje litagwa lyangu kuli Falawo, nane ho sume kulawila mono jela.

2 Zinghomo 36:13

Ninga Zedekiya yakamubeza mutemi Nebukadineza, hamba yiwe Nebukadineza yakajela kumudindimiza yelahize mwi'tagwa lyo Mulungu, nha vyono kowa yali cihuliko kuli mwene. Zedekiya yakawa yasina hamba cihuliko, hamba si yenda ho yanene, yamupitucile Muwaha Mulungu, u Mulungu we Waisilayeli.

Esita 8:6

Ane ho nosuma wule, kuwukangalila wongomezwe wuwu wono weza kuwaziza wanhu wangu ne wandugu zangu wawulagwe?”

Wutuluce 12:13

Nayo sakami yono yili mu fulemu ze milango, cowa co citanjilo cono cikulajila vyono zo kaya zenyu zono mwikaye. Nane kolo nghuyiwona yiyo sakami, hodu nopuluta, hamba si nomutamisenyi yaye, lono neza kuwalipiciza Wamisili.

Yelemiya 12:16

Nawo hono wawuvumile mu zinhumbula zawo u wuhembi we wanhu wangu, kanyhi welahize wawe kutya, ‘Nha vyono Muwaha Mulungu kekalaga mumi,’ nha vyono nawo wali wawafunda i wanhu wangu, kwilahiza kuli Baali, ale, nawo baho, nhondo ho wowalilizwa hamonga ne wanhu wangu, no kumoteswa.

Maluko 14:44

Nayo Yuda u mugaluci, yali yakondya kuwapela citanjilo yakutya, “Yuyo mono nomunonela, ale, yo yuyo mono mukumusaka, nanye mumwibataje mumutegule hasi yo wulindilizi.”

Walumi 1:31

wasina mahala, si wafisilizaga ivilagane vyawo, wasina wuswanu, hamba lusungu du bwete kuli wayawo.

1 Timoteyo 5:8

Ninga munhu mono si kawalulaga wanhu we mhuga yakwe, ko muno wawalya wa mu kaya yakwe, umunhu yuyo yakondya kuwukana wihuwilo, kanyhi mubi kuciza no munhu mono siyehuwiye.

Yakobo 2:13

Hambi, u Mulungu nha kolowa yasina lusungu kolo yakumuling'aniza munhu mono yasina lusungu. Ninga lusungu lucizize wuling'anizi.

Yoshuwa 2:13

Kanyhi munyilahile nha vyono, mowaleka womi wa yaya na baba, ne wandugu zangu we cilume na we cicekulu, hamonga ne zimhuga zawo! Dedede, nhondo mulece kucileceleza ciwulagwe.”

Yoshuwa 2:18

Nase kolo cenjila, ceza kuyihoma yisi yiyi, cikukulomba nhondo wuwope mulejehe awu mudunghu he 'dilisha lyono wucikozize. Wasolaje ne walezi wako, hamonga ne wanduguzo ne mhuga yose yo Sogo, wuwakongholele wose hamonga, na wose muwe mumuno mu nyumba yako.

Yoshuwa 2:19

Nase kolo cikwinjila mu yisi yenyu, na hono yunji yalawile kunze ye nyumba yako, lifwa lyakwe lyowa nghani yakwe mweneco, ase cowa cisina yisutya muli munhu yuyo. Langa yunji wo wose wa muli wono wina nawo mu nyumba yako hono yatamiswe, yisutya lilyo langa lyowa muli sese.

Yoshuwa 6:22

Hanyuma Yoshuwa yakawa kuwalonjela wawalya wejete i watandizi, yakawatya, “Alu mwinjile mu nyumba ya Lahabu u musenyha, mumulete mwene hamonga ne wanduguze, nha vyono mwamwihuwiza.”

Yoshuwa 9:15

Hodu Yoshuwa yakawa kunoza mulamu ne wanhu wawo Wagibeyoni, na vyono kowaleka womi. Nawo i walongola we mhuga yose ye Waisilayeli, wakelahiza vyono, wocikamisa cilagane cico.

Walamuzi 1:24

Wakamuwona munhu wa cilume mono yalawililaga mwi'kaya, wakamuwuza wakatya, “Wucilajilaje nzila yo kwinjilila mwi'kaya, nase si cokutendela vibi yaye.”

1 Samwili 30:15

Dawudi yakamutya, “Alu, wule, kosuma kunhonga ku wanhu wawo?” Nayo muzelelo yakamupitula yakatya, “Heya nosuma kukutonga hono wunyihuwize du mwi'tagwa lyo Mulungu, vyono agwe sikombulaga, hamba kunghombola mu miwoko yo muwaha wangu.”