Yoshuwa 2:11 - Luganuzi Luswanu Kuli Wanhu Wose 2002

¹¹ Mbeka, caza kuzihulika zizi, cikogopa muno. Cikawa kudejepa, cikawula ne vilungo ku soko yenyu. U Muwaha Mulungu, u Mulungu wenyu, yo Mulungu wa ku wulanga kucanyha, na mono yinze yose.

Yoshuwa 2:11 ပူးပေါင်းရင်းမြစ်များ

1 Watemi 8:60

Ne makungugo gose ga kononze ho gomanya nha vyono, Muwaha Mulungu yo Mulungu du yali wene, hasina yunji kanyhi.

2 Watemi 5:15

Naamani yakawuya kuli Elisha hamonga ne wanhu wakwe, yakamulonjela Elisha yakamutya, “Elisha! Alu langa ho namanya vyono mbeka hasina mulungu yunji kanyhi, langa hono si Mulungu wa Isilayeli. Holeka alu nghukunena, wubocele cihumbilizwa cangu cono nghukupela.”

Nehemiya 6:16

I walugu wetu wa mu zinghungugo wono wali wacipilime, wali weza kuzimanya zizi, hodu wakawula vilungo, wakapuwa muno, kanyhi wakatanga vyono, u mulimo awu witumilwa mu vilungo vyo Mulungu wetu.

Esita 8:17

Na mwi'kaya lyo lyose, na mwi'tumbi lyo lyose, lyono lilajilizo lilyo lyasomwaga, Wayahudi wakawa na sikukuu hamonga no wucehe no kulya zindigwa kwa nyemo mbaha. Na so nghani yiyo, wanhu wenji wakenoza nawo Wayahudi, vyono lulo, wose wakawa wakuwogopa Wayahudi.

Zabuli 102:15

Nago makungugo, gomogopa Muwaha Mulungu, ne watemi nawo, wose wolwogopa lukumyo lwakwe.

Zabuli 22:14

Ane namalika nhe malenga gono gamwajice, ne mafupa gangu gose gatenguka, ne nhumbula yangu yeza nha kotya nha yono yenjeduce.

Zabuli 58:7

Wajililile lukulu nhe malenga, gono gang'welelaga hasi mu muhangha, wawe nhe mahanze, wakanyanjilwe, wanyale.

Zabuli 83:18

Ho wamanye vyono yo gwegwe du wuli wene, go Muwaha Mulungu, Mulungu Mono Wulawiliciye mu yinze yose.

Wutuluce 15:14

I wanhu wakahulika, wakacicima ko woga wuwaha, nawo Wafilisiti wakwibatwa no woga wuwaha.

Wutuluce 15:15

Ne wawaha wa ku Edomu, nawo wakwinjilwa no woga wuwaha. Nawo walongola wa ku Mowabu wakwibatwa no woga wuwaha, hamonga no wucicime, ne wekala ku Kanani wose vilungo vyawo vyamalika.

Isaya 13:7

Holeka miwoko yose yotimba, ne mitima ye wanhu wose yozizima.

Isaya 19:1

Ayi yo nghani ya kuli yisi ya Misili. Muwaha Mulungu kokuza ku Misili, yapandile mwi'vunde lyono likumangha. Ne vihwani vya Misili, vikucicima hali mwene, ne wanhu wa Misili vilungo vyawo vyodejepa.

Ezekiyeli 21:15

Wo mumaje wono wowanoza i wanhu wangu wawule vilungo no kwikobala. Nane nghugogofya i makaya gawo so mumaje wono wukung'alala nhe muli, wono wuwikanizwe ho wuwulaje.

Nahumu 2:10

Ninawi yahodangwa nha vyono yali yinojeye, alu yekala nyhiwa. Ne zinhumbula ze wanhu wayo, zenjilwa no woga, ne mafugamilo gawo gakucicima, ne vilungo vyeza musina, no wusu wawo wawomba so woga.

Wukumbucize wo Wulajilize 1:28

Alu cosuma wule kanyhi kubita kuko? Aa! Ase langa cikogopa. Hambi i wanhu wono cali ciwatumile kuko, nha wacilonjela vyono, i wanhu wono wali kuko, wali vilungo muno, kanyhi watali muno kuciza ase, hamonga na zizo, wekaye mu makaya mawaha, gono gapilimwe ne majinji matali, gono gaficile ko ku wulanga. Kanyhi wawawona ne Waanaki wali kuko!’

Wukumbucize wo Wulajilize 20:8

Nawo walongola wawalonjele kanyhi wanhu watye nhavi, ‘Wulenyi, ho yuli munhu bahano, mono yena woga, yakucicima mu nhumbula? Ale yawuye ku kaya, ho yalece kuwogofya ne wayagwe.’

Wukumbucize wo Wulajilize 4:39

Holeka izuwali, mukumbucile, mulece kusemwa. Vyono Muwaha Mulungu, yo Mulungu mono yali ku wulanga sunga na mononze. Hasina mulungu yunji kanyhi wowose.

Yoshuwa 14:8

Ninga wanhu wono cabitana nawo, wakawogofya wanhu. Ninga ane nghawa mwihuwilwa kuli Muwaha Mulungu wangu.

Yoshuwa 2:24

Wakatya, “Mbeka cina witumbilo vyono Muwaha Mulungu yakondya kucipela yisi yiyilya yose. Hambi i wanhu wose wa mu yisi yiyo, nha wakucicima, kanyhi wakucogopa muno muno.”

Yoshuwa 5:1

Nawo i watemi wose we Waamoli wa ku lubavu lwa kumwezi ya Yoludani, ne watemi wose we Cikanani, wono wekalaga mu mwalambalo we lilenga lya Meditelaneya, wali weza kuhulika nha vyono Muwaha Mulungu yalinyaza likolongo lya Yoludani, sunga i Waisilayeli wose wakalowoka hakavu. Hobaho wakenjilwa no woga wuwaha muno mu zinhumbula zawo ku soko ye Waisilayeli.

Yoshuwa 7:5

Wanhu wa Ayi, wakawawinga ku wulawilila he 'lango lye likaya, sunga ko ku Shebalimu. Wakawatowa, no kuwawulaga Waisilayeli makumi madatu na mutandatu mu nzila, mu nhenenhuko ye cigongo. Hobaho Waisilayeli vilungo vyawo vikadejepa, wakenjilwa na woga wuwaha.

Yoshuwa 9:24

Nawo Wagibeyoni wakamupitula wakamutya Yoshuwa. “Gwe muwaha, na mbeka ase canoza zizo vyono cali cakondya kumanya, vyono, Muwaha Mulungu, u Mulungu wenyu, yali yakondya kumulajiliza u mwitumami wakwe Musa, kumupelenyi yisi yiyi yose. No kuwawulaga wanhu wose i wekazi wa mumo, nha vyono mowa kucila kujendelela kubita ku mwande. Holeka nase cetuma nhavivyo, hambi nha cali kumogopenyi muno so wumi wetu.

Wugubule 6:16

Wakawa kugalonjela matunda na gago mabwe mawaha muno muno wakutya, “Ale, cigwilenyi si, mucihundicize ha yuyo mono yekaye mwigoda lyo wutemi, kanyhi ho ciwe kutali ne likuwo lyo Mwana we ngholo!