Yoshuwa 15:8 - Luganuzi Luswanu Kuli Wanhu Wose 2002

⁸ Mupaka wukajendelela wukakolela mwi'lolo lya Hinomu, ku lubavu lwa kutakama ye litunda, hono likaya liwaha lye Wayebusi lya Yelusalemi, lyali lizenjigwe. Hobaho mupaka wukajendelela sunga mucanyha ye litunda, ku lubavu lwa ku mwezi ye lilolo lya Hinomu, kundumilizo ye lilolo lya Lefayi kulubavu lwa kusumuka.

Yoshuwa 15:8 ပူးပေါင်းရင်းမြစ်များ

2 Samwili 5:18

Nawo i Wafilisiti wakawa kubita mwi'lolo lya Lefayimu, wakawa kulisola.

2 Samwili 5:22

Hanyuma kanyhi i Wafilisiti wakabita kwi'lolo lya Lefayimu wakalisola.

2 Watemi 23:10

Mutemi Yosiya, yakahavufya nhavivilya, i hanhu hono wahembelaga i milungu yo wulambi hono hacemwaga Tofeti, mwi'lolo lya Hinomu, ho halece kuwa no munhu wo wose mono kosuma kanyhi, kumulavya mwanagwe we cilume, hamba we cicekulu yawe yikumbiko lye cilavywa cinyanywe kuli mulungu Moleki.

1 Zinghomo 11:4

Mutemi Dawudi hamonga ne Waisilayeli wose, wakabita kulihoma likaya lya Yelusalemi. Ninga lulo lyali limanyice mwi'tagwa lya Yebusi. Sunga ne Wayebusi wanyawusi wali wakali wali muno.

2 Zinghomo 28:3

Yakawa yakufusa wuvumba mwi'lolo lyo mwana wa Hinomu, hamonga no kuwalavya wanagwe, wawe makumbiko ge cilavywa cinyanywe kuli vihwani. Yakawa yakwiga makani ge cevu, gono wetumaga wanhu wono Muwaha Mulungu yawawinga mu yisi, lono Waisilayeli wenjilaga.

Nehemiya 11:30

na mu Zanowa, na mu Adulamu, na mu vikaya vyono vilibehi ne matumbi gago. Wekalaga mu Lakishi behi ne migunda, na mu Azeka ne vitumbi vyayo. Wo wutya, wanhu wa Yuda, wekalaga mu yisi ya haciligati ya Beli-sheba, lubavu lwe takama ne lilolo lya Hinomu ku lubavu lwe sumuka.

Isaya 17:5

Nayo Isilayeli, kolowa yehwanile mugunda wono wakondya kududulwa, walekwa wusina cinji, nho mugunda wono wuli mwi'lolo lya Lefayimu wono wakondya kuhalalizwa mahalalwa, alu wekala wusina cinji.

Yelemiya 19:14

Hanyuma ya zizo, hodu, nghawa kuwuka kuko ku Tofeti, kono u Muwaha Mulungu yanhuma, mbite nghayiganule nghani yakwe. Nghawa kubita kwima ha mahakama ge Nyumba yo Mulungu, nghawa kuwalonjela wanhu,

Yelemiya 19:2

hanyuma ngholele ku mulango wa Potishedi, mbite sunga ko kwi'lolo lyo mwana wa Hinomu. Nghaganule kuko zinghani zono kononjela.

Yelemiya 19:6

Holeka ku soko yiyo, i vilo vikuza, lono i hanhu bahano, si holocemwa kanyhi Tofeti, hamba Lilolo lyo mwana wa Hinomu. Langa lyolomanyika nhe Lilolo lyo Wuwulaji.

Yoshuwa 15:63

Ninga i wanhu wa Yuda, si wawawinga Wayebusi wono wekalaga ha Yelusalemi. Holeka Wayebusi wajendeleye kwikalana ne wanhu wa Yuda sunga nalu.

Yoshuwa 18:16

Kanyhi wukawa kubita sunga ko ku mwalambalo we litunda lyono vyali vidomile ne lilolo lye wana wa Hinomu, ku ndumilizo ya kulubavu lwa kusumuka ye lilolo lye Walefayi. Hanyuma, wukawa kujendelela ku lubavu lwa kutakama, wukakolela mwi'lolo lye wana wa Hinomu, ku lubavu lwa kutakama ku Yebusi, sunga ko ku Enelogeli.

Yoshuwa 18:28

Zela, Hayelefi, Yebusi, (hamba Yelusalemi,) na Gibeya, hamonga na Kiliyati Yeyalimu. Gose hamonga gali makaya yikumi na mane, hamonga ne matumbi gono gali gagapilime. Ayi yo yisi ye zimhuga zo wo mulango wa Benyamini, yono wapegwa yiwe wo wuhazi wawo.

Walamuzi 1:21

Nawo wana wa Benyamini siwawawinga i Wayebusi wono wekalaga ha Yelusalemi. Sunga na lulu i Wayebusi wajendeleye kwikalana hamonga ne wana wa Benyamini.

Walamuzi 1:8

Hobaho i wanhu we cilume wa Yuda wakayihoma Yelusalemi wakayiteka. Wakawawulaga wanhu wose no kulipembela likaya no moto.

Walamuzi 19:10

Ninga u munhu yulya hamba siyasaka kanyhi kugona baho. Langa mwene hamonga no mujitulwa wakwe, wakawa kutuluka, hamonga no mwitumami, no mwitumami, ne zindogowe nyejete zono zali nhandikwe ne matandiko.