Yoshuwa 15:7 - Luganuzi Luswanu Kuli Wanhu Wose 2002

⁷ Wulawilila lilolo lya Akoli, nhunizo yayo, lilolo lyo “Wugazwe” sunga ku Debili. Hanyuma kanyhi wukadoma ku lubavu lwa kusumuka sunga Giligali, kono vidomile na Adumimu, kulubavu lwa kutakama ye lilolo. Hanyuma kanyhi wukajendelela sunga mu mivwilo ye cikolongo ca Eni shemeshi, wukajendelela sunga ku Enelogeli.

Yoshuwa 15:7 ပူးပေါင်းရင်းမြစ်များ

2 Samwili 17:17

Nayo Yonazani u mwana wa Abiyatali, hamonga na Ahimazi u mwana wa Zadoki, wali walindiye ha Enelogeli ha mhelo hadodo ya Yelusalemi. Hambi nha si wasuma kwijelela kwinjila mwikaya, wakogopa wanhu walece kuwawona. Langa u mwitumami we cicekulu du, yo yabitaga kenji na kenji kuwawona baho hono wali walindiye. No kuwalonjela zose zono zejelaga, nawo ho wawa kubita kumumanyiza mutemi Dawudi.

1 Watemi 1:9

Ale, mwi'zuwa linji, Adoniya yakawulaga ngholo na ng'ombe, hamonga na ndama zono zijinile, yakalavya likumbiko i He'bwe lye Zinzoka, behi ne cisima ca Enilojeli. Yakawacemela ne wana wanji wo mutemi Dawudi, hamonga ne wetumami wo mutemi wono walawilila ku Yuda, wakaza so ndigwa yiyo ye likumbiko.

Isaya 65:10

Nawo wolowa kuhemba nene, ne zingholo zawo hamonga ne zing'ombe zawo, wolozilongoza wazitegule ku wudimo ku yisi ya Shaloni yo wuhihi ku lubavu lwa kumwezi, na mu nyika ya mwi'lolo lye magayo, ku lubavu lwa kucilima.

Hoseya 2:5

hambi wene nha wana wo mucekulu malaya, mono yasina hamba cevu. Hambi nha yalonga mweneco yakatya, “Nane nobita kuli wono wanyendile wono wakumhela ndigwa ne malenga, no wusinga, no wuhamba, hamonga ne mafuta ne divayi.”

Yoshuwa 10:43

Zaza kukondya zizi, Yoshuwa ne wasilikale wakwe wo wulugu, wakawa kuwuya ku nghambi yawo ku Giligali.

Yoshuwa 15:15

Wulawa baho, yakabita kuwahoma i wanhu wose wono wekalaga ha Debili, (likaya lili lyacemwaga Kiliyati-sefeli.)

Yoshuwa 15:6

nawo wukajendelela sunga ko ku Bete-hojila, no kujendelela kulubavu lwa kusumuka sunga ko ku Aleba, no kwidoma ne lilolo lya Yoludani. Hanyuma wukakolela he'bwe lya Bohani (Bohani yali yo mwana we cilume wa Lubeni.)

Yoshuwa 18:17

Hanyuma wukapetela ku lubavu lwa kusumuka, sunga ko ku Eneshemeshi, sunga ku Geliloti yono vyali vidomile ne cizila ca ku Adumimu. Mupaka kanyhi, wukatenenhuka sunga kwi'bwe lya Bohani (Bohani yali yo mwana wa Lubeni.)

Yoshuwa 4:19

Wanhu wakalilowoka likolongo lya Yoludani mwi'zuwa lye likumi, lya mu mwezi mulongozi. Wakasimya nghambi yawo ha Giligali, ha mhelo yo lubavu lwe cilima ya Yeliko.

Yoshuwa 7:24

Nayo Yoshuwa hamonga ne wanhu Waisilayeli, wakamusola Akani, hamonga ne fweza, ne likoti ne libumundwa lye zahabu, ne wanagwe we cilume na we cicekulu, ne zing'ombe zakwe, ne zindogowe zakwe, ne zingholo, ne lihema lyakwe, hamonga ne vinhu vyose vyono vyali vya mu sawo yakwe, wakavitegula Kwi'lolo lya Akoli, (nhunizo yayo, “Lilolo lyo Wugazwe”).

Yoshuwa 7:26

Nawo wakakonghola mabwe yilundo yiwaha, no kugajeleka mucanyha yakwe. Ne mabwe gago gali baho sunga nalu. Ne likuwo lyo Muwaha Mulungu nhondo ho likawa kuwuka. Yiyo yo yikuleka hanhu baho hajendeleye kucemwa Akoli, nhunizo yayo “Lilolo lyo wugazwe.”