Yoshuwa 15:4 - Luganuzi Luswanu Kuli Wanhu Wose 2002

⁴ wukajendela sunga ko ku Azimoni, wukawa kutyatya cikolongo mu mupaka wa Misili, wukawa kujendelela sunga ko kwi'lenga lya Meditelaneya. Mupaka wawo, baho ho wadumila. Awu wali wo mupaka wa ku lubavu lwa kutakama.

Yoshuwa 15:4 ပူးပေါင်းရင်းမြစ်များ

Mwamulizo 15:18

Na mwi'zuwa lilyo, ho Muwaha Mulungu yacinozeza i cilagane cakwe na Abulamu, yakumutya, “Gwe Abulamu, ane nowapela u lulelo lwako yisi yiyi, ku wulawilila kwi ‘kolongo lya Nile lya Misili, sunga ko kwi’ kolongo lililya liwaha lya Fulata.

1 Watemi 8:65

Nayo Solomona hamonga ne Waisilayeli wose, wakayisangalalila sikukuu ye vibanda, vilo mupunghati baho ha Nyumba yo Mulungu, kanyhi yakonjeza ne vilo mupunghati vinji, vikawa hamonga vilo yikumu na vine. Ne wanhu wono wali wali baho, wali wanhu wenji muno muno, wanji walawilila kutali muno muno kotya wanya Hamati Pasi, kusumuka, ne Wamisili wulawa ku mupaka wa kutakama.

Wutuluce 23:31

Ne mipaka ye yisi yenyu yowa ku wulawa mwi'lenga lya Shamu, sunga kwi'lenga lya Meditelaneya, na ku wulawilila ku nyika, sunga ko kwi'kolongo lya Efulata. Nane nomupelenyi vilungo vyo kuwasumila i wekazi wa mu yisi yiyo, nanye mowawinga, nawo womuwucilenyi.

Isaya 27:12

Na mwi'zuwa lilyo, u Muwaha Mulungu kolowakongholeza wanhu wakwe yumonga yumonga nha vyono munhu kelaga wuhemba mu mawaje ku wulawa Efulata, sunga ko ku mupaka we yisi ye Misili.

Wuwale 34:5

hanyuma ho wokunga wulanje kwi'lolo, ku mupaka wa Misili, nawo wodumiliziza mwi'lenga lya Meditelaneya.

Yoshuwa 13:3

hamonga ne yisi yose ya Avimu, ya kulubavu lwa kutakama, Yisi yono yilawiliye mu cikolongo ca Shiholi, ha mupaka we Wamisili, sunga kulubavu lwa kusumuka, ku mupaka wa Ekiloni wono wehweseswaga vyono we Wakanani, ne watemi wahano we Wafilisiti, wekalaga ha Gaza, na Ashidodi, na Ashikeloni, na Gati na Ekiloni, hamonga ne Wavimi,

Yoshuwa 15:3

wukajendelela kulubavu lwa kutakama ku wulawilila Akelabimu, wukakola sunga ku Zini. Wukawa kujendelela sunga kulubavu lwa kutakama lwa Kadeshi Balineya, no kukolela Hezeloni, sunga ko ku Adali, sunga ko ku Kalika,

Yoshuwa 15:47

Kanyhi ganji Ashidodi na Gaza hamonga ne matumbi, ne vikaya vyono vyali vidomile no mupaka wa ku Misili, no mwejelele we lilenga lya Meditelaneya.