Yoshuwa 14:2 - Luganuzi Luswanu Kuli Wanhu Wose 2002

² No wuhazi wawo wukatowelwa kula, kuli milango ye licenda na nusu, ya kulubavu lwa kumwezi ye likolongo lya Yoludani, nha vyono Muwaha Mulungu yali yakondya kumulajiliza Musa.

Yoshuwa 14:2 ပူးပေါင်းရင်းမြစ်များ

Zimbazi 16:33

I wanhu watowaga kula, ho wawumanye wuhile wo Mulungu. Ninga Mulungu mweneco, yo yena lipitulo.

Zimbazi 18:18

Na hono wanhu wejete we vilungo, wawe wena wiwanganile mu mahakama, ale, kula yo yosuma kuzilamula zinghani zizo.

Ezekiyeli 45:1

Na kolo mweza kuyigawa yisi no kuwapela mulango no wuhazi wawo we yisi, mukumbucile ligawo limonga, mumulavizyaje nayo Muwaha Mulungu. Ne ligawo lilyo linojeye lyeze lina wutali wa kilomita yikumi na nyejete na nusu, no wugazi wayo, weze kilomita yikumi limonga. Ne ligawo lilyo lyose lye yisi, lyowa lyelile.

Wuwale 26:52

Muwaha Mulungu yakamulonjela Musa yakatya,

Wuwale 33:54

Hanyuma muwe kuyigawa yisi mu nzila yo kutowa kula, milango yi yino yose, yituje mulango na yisi yawo, mu nghango yo winji we liwalo lyawo vyono winha, wanhu na mulango wawo.

Wuwale 34:13

Nayo Musa yakawa kuwaloloseza zizi Waisilayeli yakutya, “Ayi yo yisi yono mosuma kugawana mu nzila yo kutowa kula, yisi yono Muwaha Mulungu yakondya kuyilavya ho yiwe so we milango yenyu yicenda na nusu.

Wuwale 34:17

“Eleyezali mukohani, hamonga na Yoshuwa u mwana wa Nuni, wawo wo wetumaje mulimo wuwo wo kuwagawila wanhu yisi.

Matayo 25:34

Hanyuma u mutemi ho kowalonjela awalya wono wali ku lubavu lo muwoko wakwe wo kulume yakutya, ‘Muze anye mono mwalugutizwa na Baba, mubocele u Wutemi wono mwawikanizizwa ku wulawa wuwumbwe we yinze.

Metumo ge Watumwa 1:26

Baho wakatowa kula, ne kula yikamwihaga Matiya, nayo yakawalilizwa ne watumwa we likumi na monga.

Yoshuwa 13:7

Alu wuyigawe yisi yiyi kuli we milango yicenda, hamonga ne nusu ya wo mulango wa Manase ho yiwe yawo, wayiteme.”

Yoshuwa 18:10

Yoshuwa yakagatowela kula hali Muwaha Mulungu i magawo gago. Hanyuma yakawa kuwawagulila we milango yose ye Waisilayeli yono yali yisigaye, mulango ne 'gawo lyawo lye yisi.

Yoshuwa 18:6

Ale mwandice wulolose we magawo gago mupunghati, mundetele. Nane nogatowela kula hali Muwaha Mulungu, u Mulungu wetu, i magawo gago mupunghati so nyenye.