Yoshuwa 13:8 - Luganuzi Luswanu Kuli Wanhu Wose 2002

⁸ Wo mulango wa Lubeni, na wo mulango wa Gadi, hamonga, ne we nusu nyagwe ya wo mulango wa Manase, wali wakondya kuyibocela yisi yono Musa, u mwitumami wo Muwaha Mulungu yali yawapela. Yali yili ku lubavu lwa kucilima ye likolongo lya Yoludani.

Yoshuwa 13:8 ပူးပေါင်းရင်းမြစ်များ

Yoshuwa 12:6

I watemi wawa wejete, wali wakondya kusumwa na Musa, hamonga ne Waisilayeli. Nayo Musa, u mwitumami wo Muwaha Mulungu, yakawapela yisi yiyo, wo mulango wa Lubeni na wa Gadi, na we nusu ya wo mulango wa Manase, ho yiwe yawo.

Yoshuwa 22:4

Alu Muwaha Mulungu wenyu yakondya kuwapela i wandugu zenyu Waisilayeli mulamu, nha vyono yawehuwiza. Alu muwuye kwenyu ku yisi yono mwayilomba mupegwe ho yiwe yenyu. I yisi yo lubavu lwa kucilima ye likolongo lya Yoludani, yono Musa u mwitumami wo Muwaha Mulungu yamupelenyi.

Yoshuwa 4:12

Ne wanhu we milango ya Lubeni na Gadi, na we nusu ya wo mulango wa Manase, wo walongola kulowoka, akuno wewikanize ne vitwalo vyo wulugu. Wakalowoka ku mwande ye Waisilayeli, nha vyono Musa yali yawalonjela wetume.

Wuwale 32:19

Nase kanyhi, hamba si cosolela lukulu sawo yawo yo yose kuko ku nhumbi nzagwe ya Yoludani, hambi ase nha cakondya kulibocela lifungu lyetu kukuno kono nhumbi ye cilima ya Yoludani.”

Wukumbucize wo Wulajilize 3:8

“Na mwi'pango lilyo du, cikayisola yisi ya ku lubavu lwa kucilima ye likolongo lya Yoludani, mu wulawa mu wawo watemi wejete we Waamoli, ku wulawilila likolongo lya Alinoni sunga ko kwi'tunda lya Helemoni.

Yoshuwa 12:1

Waisilayeli, wali wakondya kuwasuma no kuyitema yisi yose ya kulubavu lwa kucilima ye likolongo lya Yoludani, ku wulawilila mwi'lolo lya Alinoni, sunga ko kwi'lolo lya Yoludani, sunga ko ku lubavu lwa kusumuka ya kwi 'tunda lya Helemoni. Na kuko, wakawasuma watemi wejete.

Yoshuwa 13:7

Alu wuyigawe yisi yiyi kuli we milango yicenda, hamonga ne nusu ya wo mulango wa Manase ho yiwe yawo, wayiteme.”

Yoshuwa 13:9

Yisi yawo yali yijendeleye sunga ko ku Aloweli, (mu mwejelele we lilolo lya Alinoni.) Na mwi'kaya lya haciligati ye lilolo lilyo. Kanyhi yikasola ne yisi yo wuhihi yono yilawiliye Madeba sunga ko ku Diboni.

1 Samwili 13:7

Na wanji wakatiza wakalowoka likolongo lya Yoludani, wakenjila mu yisi ya Gadi na ya Gileyadi. Ninga lulo, Sawuli yali yakali yali ku Giligali. Ninga hamba nhavivyo, i wanhu wono wali wali hamonga nayo, wacicimaga so woga.