Yoshuwa 13:4 - Luganuzi Luswanu Kuli Wanhu Wose 2002

⁴ kulubavu lwa kutakama. Hamonga ne yisi ye Wakanani, na Meyala (yono yili kulubavu lwe Wazidoni,) sunga ku Afeki ku mupaka we Waamoli,

Yoshuwa 13:4 ပူးပေါင်းရင်းမြစ်များ

1 Watemi 20:26

Na mu mwaka wono watyatya, yakawakonghola wanhu wakwe, yakabita nawo sunga kwi'kaya lya Afeki, yakawahome Waisilayeli.

1 Watemi 20:30

Na wono wasigala wakatiziza kwi'kaya lya Afeki, ninga nawo majinji ge likaya gakawagwila, wakafwa wanhu waficile elufu makumi mejete na mupunghati. Ninga mwene Benihadadi, yakatiziza mwi'kaya, yakehundika mu cinyumba ca kumhilimo ye kaya.

Ezekiyeli 16:3

Wuyilonjele Yelusalemi zono u Muwaha Mulungu yakuyilonjela yakutya, ‘Agwe Yelusalemi, u wimo wako no lulelo lwako, walawa mu yisi ya Kanani. U sogo yali Mwamoli, u nyina yako yali Muhiti.

Amosi 2:10

Nane nghamuwusenyi mu yisi ye Misili, nghamutonjenyi mu nyika myaka makumi mane, kanyhi nghawa kumupelenyi ne yisi ya Waamoli yiwe yisi yenyu.

Yoshuwa 10:40

Yoshuwa yakayisuma yisi yose. Yakawasuma i watemi wa mu yisi ya mu matunda na ku nhenenhuko yo lubavu lwa kucilima, na wa mu mwalambalo we matunda, ku lubavu lwa kumwezi. Hamonga na wa ku yisi nghavu, ya ku lubavu lwa kutakama. Namo mumo, yakawawulaga wanhu wose siyasigaza munhu hamba monga. Hambi Muwaha Mulungu, u Mulungu we Waisilayeli, nha vyo yali yalajiliza.

Yoshuwa 11:3

Kanyhi Yabini yakategula nghani kuli Wakanani wono wekalaga ku nhumbi zose vyono nyejete ze likolongo lya Yoludani, sunga na kuli Waamoli na kuli Wahiti, na kuli Wapelizi ne Wayebusi wa mu yisi ye matunda, hamonga na kuli Wahivi wono wekalaga mu nhenenhuko ye litunda lya Helemoni mu yisi ya Mizipa.

Yoshuwa 12:18

Afeka, na Lashaloni.

Yoshuwa 19:30

Uma, Afeki na Lehobu. Makaya makumi mejete na mejete, hamonga ne matumbi gose gono gali gagapilime.

1 Samwili 4:1

Na mu vilo vivyo, Wafilisiti wakekongholela hamonga, wabite wakehome ne Waisilayeli, nawo Waisilayeli, wakawa kwiwikaniza wawahome Wafilisiti. Wene Waisilayeli wakayisimya nghambi yawo ku Ebene-zeli. Nawo Wafilisiti, wakayisimya nghambi yawo ku Afeki.