Yoshuwa 13:3 - Luganuzi Luswanu Kuli Wanhu Wose 2002

³ hamonga ne yisi yose ya Avimu, ya kulubavu lwa kutakama, Yisi yono yilawiliye mu cikolongo ca Shiholi, ha mupaka we Wamisili, sunga kulubavu lwa kusumuka, ku mupaka wa Ekiloni wono wehweseswaga vyono we Wakanani, ne watemi wahano we Wafilisiti, wekalaga ha Gaza, na Ashidodi, na Ashikeloni, na Gati na Ekiloni, hamonga ne Wavimi,

Yoshuwa 13:3 ပူးပေါင်းရင်းမြစ်များ

Mwamulizo 10:6

Nawo i wana wa Hamu wali, Kushi, Misili, Puti na Kanani.

Mwamulizo 15:18

Na mwi'zuwa lilyo, ho Muwaha Mulungu yacinozeza i cilagane cakwe na Abulamu, yakumutya, “Gwe Abulamu, ane nowapela u lulelo lwako yisi yiyi, ku wulawilila kwi ‘kolongo lya Nile lya Misili, sunga ko kwi’ kolongo lililya liwaha lya Fulata.

1 Watemi 8:65

Nayo Solomona hamonga ne Waisilayeli wose, wakayisangalalila sikukuu ye vibanda, vilo mupunghati baho ha Nyumba yo Mulungu, kanyhi yakonjeza ne vilo mupunghati vinji, vikawa hamonga vilo yikumu na vine. Ne wanhu wono wali wali baho, wali wanhu wenji muno muno, wanji walawilila kutali muno muno kotya wanya Hamati Pasi, kusumuka, ne Wamisili wulawa ku mupaka wa kutakama.

1 Zinghomo 13:5

Hobaho, Dawudi yakawakonghola hamonga wanhu wose wa Isilayeli ku wulawa mu yisi yose. Ku wulawa mu mipaka ye yisi ya Misili kutakama, sunga ko ku Hamati Pasi, lubavu lwe sumuka, ho yasume kuligomola Lisanduku lye Cilagane ku wulawa Kiliyati Yeyalimu, walitegule ku Yelusalemi.

Isaya 23:3

wanhu wakulowoka lilenga wakagule no kuguza wuhemba wono wukulimwa ku Misili, no kunoza wusuluza ne wanhu we zinghungugo zose.

Yelemiya 2:18

Alu mwene 'gwe, wukwihwesa kotuga cambuzici, hono wubite ku Misili, wukang'we i malenga ga mwi'kolongo lya Nile? Hamba wukwihwesa kotuga cambuzici lo, hono wubite ku Ashuli, wukang'we i malenga ga mwi'kolongo lya Efulata?

Wukumbucize wo Wulajilize 2:23

Nayo yisi yono yali yalambaye lilenga lya Meditelaneya, i wanhu wono walawa ku cizingwa ca Kupulo wo wakekala mumo. Wawo wo wawongomeza i Wavi, i wekazi wa mumo ku wulawa na katali, wakayisola yisi yawo ku wulawilila kutakama, sunga ko kwi' kaya lya Gaza.)

Yoshuwa 13:13

Ninga, hamba nhavivyo, Waisilayeli siwawawinga wanhu wa ku Geshuli hamba Wamakati, wanhu wawa wakali wekaye mu Isilayeli sunga nalu.

Walamuzi 16:5

Ale baho, i watemi wahano we Wafilisiti, wakamubitila Delila wakamutya, “Gwe Delila, wumupepelezaje ta Samusoni, yakulonjele ku sokoci yali vilungo nhavivi, na vyono nase, comusuma, cimuwope, yawule ne vilungo vyo kwitaziza. Nase wose yumonga yumonga cokupela fweza yigana limonga ne 'kumi na monga.”

Walamuzi 3:3

Wono wasigazwa mu'si wali wo awalya wa mu makaya mahano ga Wafilisiti, ne Wakanani wose, Wazidoni ne Wahiti wono wekalaga mu matunda ga Lebanoni ku wulawilila mwi'tunda lya Baali-helemoni sunga mu mwejelele wa Hamati.

1 Samwili 5:1

Nawo Wafilisiti wali weza kulisola Lisanduku lye Cilagane lyo Muwaha Mulungu, wakalidinghula, wakaliwusa kuko ku Ebene-zeli, wakalitegula kwi'kaya lyawo lya Ashidodi.

1 Samwili 5:10

Ale, du, nawo wakalisola Lisanduku lilyo lye Cilagane lyo Muwaha Mulungu, wakalihamizya kwi'kaya linji kanyhi lye Wafilisiti, lyono likucemwa Ekiloni. Ninga kanyhi, lyali lyeza kufika kuko, i wanhu wa mwi'kaya lilyo, nawo wakanza kulila muno muno, wakutya, “Alu mulanje, waciletela Lisanduku lye Cilagane lyo Muwaha Mulungu we Waisilayeli, ho liciwulaje nase wose!”

1 Samwili 5:8

Holeka wakawa kutuma wanhu, wakawaceme watemi wose wahano we Wafilisiti wekongholele hamonga. Wakawawuza wakutya, “Nye nyo watemi, alu cilinoze nhawule Lisanduku lili lye Cilagane lyo Muwaha Mulungu we wa Isilayeli?” Nawo watemi wakapitula wakatya, “Mulisolaje mulihamizye ku Gati.” Wakalisola wakalihamizya kwi'kaya linji lye Wafilisiti.

1 Samwili 6:4

Nawo Wafilisiti wakawuza wakatya, “Alu cilavywaci ce lisutya cono comugomolela.” Nawo wakohani we waganga wakawapitula wakatya, “Mutegule mapu mahano ga zahabu, na ngule yihano za zahabu, vyono linha liwalo lye walongola wahano we Wafilisiti. Hambi nhe lipicizo limonga lyono mulipicizwe nyenye wose, hamonga ne walongola wenyu wahano.