Yoshuwa 11:8 - Luganuzi Luswanu Kuli Wanhu Wose 2002

⁸ Muwaha Mulungu yakawapela wusume Waisilayeli, wakawahoma no kuwawinjiliziza ku lubavu lwa kusumuka, sunga ko ku Miselefoti-mayimu na ku Sidoni, sunga ku lubavu lwa kucilima, sunga Mwi'lolo lya Mizipa. Wulugu wukajendelela sunga hakawa hasina mulugu wawo hamba monga mono yasigazwa mumi.

Yoshuwa 11:8 ပူးပေါင်းရင်းမြစ်များ

Mwamulizo 10:15

Nayo Kanani yali, yo kukuye wa Sidoni, u mwanagwe u mulongozi kulelwa, na Heti,

Mwamulizo 49:13

“Nayo Zabuloni, kokwikala ha mwejelele we lilenga. No mwejelele wakwe, howa ho ha wuwiko we zingalawa. Ne yisi yakwe wotemana na Sidoni.

2 Samwili 24:6

Wakajendelela sunga ko ku yisi ya Gileyadi, sunga ku Kadeshi, mu yisi ye Wahiti. Hanyuma wakabita ku yisi ya Dani, na ku wulawa ku yisi ya Dani, wakabita ku lubavu lwa kumwezi, ku Sidoni.

Isaya 23:4

Gwegwe 'gwe 'kaya lya Sidoni, alu wakozwa cevu! Hambi lilenga, ne ligomawakali lye lilenga liwaha, nha lyo lilonjile likutya, “Ane nha nghali natuga, hamba kuwilusa i wana we cilume hamba we cicekulu.”

Zakaliya 9:2

Na Hamati yono yili behi na Hedelaki, hamonga ne makaya ga Tulo na Sidoni, hamba gawe gena mahala menji.

Wukumbucize wo Wulajilize 7:2

Na kolo Muwaha Mulungu, u Mulungu wenyu, yakumukombolelenyi wanhu wawo mu miwoko yenyu, nanye kolo mwakondya kuwasuma, munojeye muwongomezeze lukulu. Mulecele lukulu kwilumbaniza nawo, hamba mulece kuwawonela lusungu.

Wukumbucize wo Wulajilize 9:3

Ninga anye alu, mowona nyenye nyo weneco vyono Muwaha Mulungu, u Mulungu wenyu, kowa yamulongolelenyi kotya moto wono wuticimizaga. Mwene kowasumiza ha mwande yenyu, nanye ho musume kuwawinga no kuwongomeza mbela mbela, nha vyono Mwene yehuwiza.

Yoshuwa 10:20

Yoshuwa ne Waisilayeli, wakawawulaga no mumaje no kuwongomeza. Hamba nha vivyo, wanji wakehundika mugati ye majinji ge likaya, holeka siwawulagwa.

Yoshuwa 11:3

Kanyhi Yabini yakategula nghani kuli Wakanani wono wekalaga ku nhumbi zose vyono nyejete ze likolongo lya Yoludani, sunga na kuli Waamoli na kuli Wahiti, na kuli Wapelizi ne Wayebusi wa mu yisi ye matunda, hamonga na kuli Wahivi wono wekalaga mu nhenenhuko ye litunda lya Helemoni mu yisi ya Mizipa.

Yoshuwa 11:7

Hobaho Yoshuwa ne wanhu wakwe wakawahungucila, wakawahoma muno muno ha cikolongo ca Melomu.

Yoshuwa 13:6

Nayo yisolile ne zi'si zose za ku Sidoni, wono wekaye mu yisi ye matunda, haciligati ye matunda ga ku Lebanoni, na Miselefoti-mayimu. Ane nowawinga wanhu wawa wose, mu nghango ye Waisilayeli vyono wowa wakujendelela kwihoma nawo. Nagwe yikunojeye wuyigawe yisi kuli Waisilayeli, nha vyono nakulajiliza.

Yoshuwa 19:28

Ebeloni, Lehobu, Hamoni, na Kana, wukajendelela sunga ko ku Sidoni.

Yoshuwa 21:44

U Muwaha Mulungu yakawapela mulamu mu yisi yiyilya yose, nha vyono yali yelahize kuli walezi wawo. Hakawa hasina mulugu wawo hamba monga, mono yasuma kuwogofya kanyhi. Hambi Muwaha Mulungu, nha yali yakondya kuwapela Waisilayeli wusume, kuli walugu wawo wose,