Yoshuwa 11:6 - Luganuzi Luswanu Kuli Wanhu Wose 2002

⁶ Muwaha Mulungu yakamulonjela Yoshuwa yakamutya, “Wulece kuwogopa yaye, hambi nha mu vipango vivi mitondo, nowa nakondya kuwahoma no kuwawulaga wose ha mwande ye Waisilayeli. Nanye muzidumule matimba zifwalasi zawo, kanyhi mugaticimizaje ne matuka gawo go wulugu.”

Yoshuwa 11:6 ပူးပေါင်းရင်းမြစ်များ

2 Samwili 8:4

Baho Dawudi yakawateka wasilikale wa Hadadezeli, i wapanda fwalasi, waficile elufu monga na magana mupunghati, hamonga ne wasilikale wajenda ne migulu, waficile elufu makumi mejete. Yakasola fwalasi, liwalo lyono lyali likwiliye ku wukwega matuka yigana limonga, go wulugu. Ne zifwalasi zose zono zasigala, yakazidumulanga matimba gazo.

2 Watemi 6:16

Elisha yakamutya, “Agwe wulece kogopa, hambi ase ku lubavu lwetu nha cili wenji muno kuciza wene.”

2 Zinghomo 20:16

Holeka i mitondo anye muwabitilaje mukawahome, lono wowa wafika ha Zizi. Nanye mwitang'anile nawo ha ndumilizo ye lilolo, ha mwande ye nyika behi na Yeluweli.

Zabuli 46:10

Yakutya nhavi, “Ale munyamale! Mumanye vyono ane yo nene Mulungu! Ane nghukumywa mu makungugo gose, ane yo nene muwaha we yinze yose!”

Zabuli 46:11

U Muwaha Mulungu, Mulungu we mihanga, yali hamonga nase, u Mulungu wa Yakobo, wo wutizizo wetu.

Zabuli 46:9

Mwene yakuwudumya wulugu mono'nze yose, mwene kabenanjizaga wupinde ne migoha, sunga ne matuka go wulugu gose kagaticimizaga.

Zimbazi 20:7

Wamotile wana, wono wena sogo yawo mwihuwilwa, kanyhi mono yakwituma ze ling'ani.

Isaya 30:16

Ati langa mukusaka mwiponye nyo weneco kuli walugu wenyu, mu nzila yo kupanda zifwalasi zenyu mumanyhe muno, muwatize. Heya vyo yinha, hambi nye nha mukusaka mwiponye du! Mukwihwesa vyono zifwalasi zenyu zowa manyhi kuciza. Ninga mumanye nha vyono, wawo i walugu wenyu wono wakumutyatililenyi mu nyuma, wowa wamanyhi muno muno kumucizenyi nyenye.

Isaya 31:1

Woyi hee, kuli wose wono wabitaga kulondola wutazi ku Misili. Hambi nha wetumbiye vilungo vyo winji we wasilikale wa Misili, nha cinji, zifwalasi ne matuka go wulugu, hamonga ne wasilikale. Ninga hamba si wamwitumbiye Muwaha Mulungu, u Mulungu mono yelile wa Isilayeli, hamba si wakumulomba yawapele wutazi.

Ezekiyeli 39:9

Ne wanhu wono wekaye mu makaya ga Isilayeli, wololawaniza kunze, wavikonghole vitwalo vyono vilecigwe, ho viwe ngwagu. Wolozisola zingula no wupinde, ne zisonga, ne migoha, hamonga ne zinhumbi, wazipemhele mu moto. Navyo vivyo, vyowakwila kuwa ngwagu zono zokwila myaka mupunghati.

Hoseya 14:3

Hambi Ashuli nha sikociponya yaye, hamba fwalasi zo wulugu sizosuma kucitaza. Hamba sicolotya kanyhi kuli vihwani vyetu vye milungu, vyono vyene yo Mulungu wetu. Gwe Muwaha Mulungu, wulajile lusungu kuli wawo wono wasina ku wubito.”

Nahumu 2:13

Muwaha Mulungu we Mihanga yakutya, “Ane nili mulugu wako, nane nogakongoga matuka gako go wulugu. Ne wasilikale wako wolowulagwa ku wulugu, nane novisola vinhu vyose vyono wavisola ku wulawa kuli wanhu wanji. Ne mazi ge wetumami wako, hamba sigolohulikwa kanyhi yaye.”

Wukumbucize wo Wulajilize 7:16

Ninga langa, mugongomezezaje lukulu makungugo gose gono Muwaha Mulungu, u Mulungu wenyu, yakumukombolelenyi, langa mulecele lukulu kuwawonela lusungu hamba hadodo. Kanyhi mulecele lukulu kuyihemba milungu yawo, hambi nha yowa mutego kuli'nye.

Yoshuwa 10:8

U Muwaha Mulungu yakamulonjela Yoshuwa yakamutya, “Wulece kuwogopa wawo, hambi nha nakondya kukupela wusume. Hasina hamba yunji muli wene, mono kosuma kwima ha mwande yako ho mwihome nayo.”

Yoshuwa 11:5

Watemi wawa wose wakelumbaniza, wakawa kwilunza hamonga, wakawa kubita hamonga ne wasilikale wawo wo wulugu, wakawa kusimya nghambi ha cikolongo ca Melomu, ho wehome ne Waisilayeli.

Yoshuwa 11:7

Hobaho Yoshuwa ne wanhu wakwe wakawahungucila, wakawahoma muno muno ha cikolongo ca Melomu.

Yoshuwa 11:9

Yoshuwa yakawatendela nha vyono Muwaha Mulungu yali yalajiliza. Yakazidumula matimba zi fwalasi no kugaticimiza no moto i matuka gawo go wulugu.

Yoshuwa 3:5

Yoshuwa yakawalonjela wanhu yakawatya, “Ale mwiyezaje, hambi i mitondo, Muwaha Mulungu nha kolajila mapoto mawaha muli nyenye.”

Walamuzi 20:28

Nayo Finehasi u mwana wa Eleyezali, kanyhi yo mwizukulu wa Haluni, yali yo mulanjilizi walyo. Wanhu wakamuwuza u Muwaha Mulungu, wakatya, “Gwe go Muwaha Mulungu, wule, ciwuyajile kanyhi cikehome ne wandugu zetu Wabenyamini hamba hodu cilece?” Nayo Muwaha Mulungu yakawapitula yakawatya, “Heya! Mubite mukawahome! Nane baho mitondo nhondo, nomupelenyi wusume wuwaha muno kuli wene.”

Walamuzi 7:9

Na mu cilo cico Muwaha Mulungu yakamulajiliza Gideyoni yakamutya, “Winukaje, wuyihome nghambi yawo, hambi nha noyitajila mu miwoko yenyu.

1 Samwili 11:9

Wakawa kuwalonjela i wanhu wono watumwa ku wulawa Yabeshi, wakawatya, “Ale mubite mukawalonjele wanhu wenyu, vyono i mitondo du, lono lizuwa likali nafika mu misi, wowa wakondya kukombozwa.” Nawo wanhu wa ku Yabeshi wali weza kulonjelwa zizo, wakasangalala muno muno.