Yoshuwa 11:12 - Luganuzi Luswanu Kuli Wanhu Wose 2002

¹² Yoshuwa yakagateka makaya gaga gose, hamonga ne watemi wayo, yakawawulaga wose, nha vyono Musa u mwitumami wo Muwaha Mulungu yalajiliza.

Yoshuwa 11:12 ပူးပေါင်းရင်းမြစ်များ

Wukumbucize wo Wulajilize 7:2

Na kolo Muwaha Mulungu, u Mulungu wenyu, yakumukombolelenyi wanhu wawo mu miwoko yenyu, nanye kolo mwakondya kuwasuma, munojeye muwongomezeze lukulu. Mulecele lukulu kwilumbaniza nawo, hamba mulece kuwawonela lusungu.

Wukumbucize wo Wulajilize 9:3

Ninga anye alu, mowona nyenye nyo weneco vyono Muwaha Mulungu, u Mulungu wenyu, kowa yamulongolelenyi kotya moto wono wuticimizaga. Mwene kowasumiza ha mwande yenyu, nanye ho musume kuwawinga no kuwongomeza mbela mbela, nha vyono Mwene yehuwiza.

Yoshuwa 10:20

Yoshuwa ne Waisilayeli, wakawawulaga no mumaje no kuwongomeza. Hamba nha vivyo, wanji wakehundika mugati ye majinji ge likaya, holeka siwawulagwa.

Yoshuwa 10:28

Mwizuwa lilyo, Yoshuwa yakayihoma Makeda hamonga no mutemi wayo yakayiteka. Yakawawulaga wanhu wose wa mwikaya, si yasigala munhu hamba monga. Yakamutendela u mutemi wa ha Makeda, nha vyono yamutendela u mutemi wa Yeliko.

Yoshuwa 10:30

Muwaha Mulungu kanyhi yakawapela Waisilayeli wusume, wakalisuma sunga ne likaya lili, hamonga no mutemi wayo. Wakawawulaga wanhu wose siyasigala munhu hamba monga. Kanyhi wakamutendela mutemi wawo nha vyono wamutendela mutemi wa ku Yeliko.

Yoshuwa 10:32

U Muwaha Mulungu yakawapela wusume Waisilayeli ku Lakishi, mwi'zuwa lye kejete lyo wulugu. Nawo wakayitendela Lakishi nha vyono wayitendela Libina. Si wasigaza munhu hamba monga, langa wakawawulaga wanhu wose wono wali wali mwi'kaya lilyo.

Yoshuwa 10:35

Wakayibata mwizuwa lilyo. Wakawawulaga wanhu wose wono wali wali mumo, nha vyono wawatendela wanhu wa ku Lakishi.

Yoshuwa 10:37

wakayiteka. Wakamuwulaga mutemi, hamonga ne wanhu wose wono wali wali mwi'kaya, hamonga na wanji wose wa mu matumbi ge behi behi, Yoshuwa yakalikumulanga likaya lilyo, no kulyongomezeza lukulu, nha vyono yalinoza likaya lya Ejiloni. Hakawa hasina munhu hamba monga mono yasigala mumi.

Yoshuwa 11:13

Ninga hamba nhavivyo, i Waisilayeli siwagaticimiza makaya gono gali mazengwe mu vitumbi tumbi, langa Hazoli du, yo Yoshuwa yakayiticimiza.

Yoshuwa 11:15

Hambi Muwaha Mulungu nha yali yakondya kumupela Musa malajilizo gaga. Nayo Musa, yali yakondya kumupela Yoshuwa, nayo Yoshuwa yakagebata. Yaketuma zose nha vyono Muwaha Mulungu yali yamulajiliza Musa.

Yoshuwa 13:6

Nayo yisolile ne zi'si zose za ku Sidoni, wono wekaye mu yisi ye matunda, haciligati ye matunda ga ku Lebanoni, na Miselefoti-mayimu. Ane nowawinga wanhu wawa wose, mu nghango ye Waisilayeli vyono wowa wakujendelela kwihoma nawo. Nagwe yikunojeye wuyigawe yisi kuli Waisilayeli, nha vyono nakulajiliza.

Yoshuwa 21:44

U Muwaha Mulungu yakawapela mulamu mu yisi yiyilya yose, nha vyono yali yelahize kuli walezi wawo. Hakawa hasina mulugu wawo hamba monga, mono yasuma kuwogofya kanyhi. Hambi Muwaha Mulungu, nha yali yakondya kuwapela Waisilayeli wusume, kuli walugu wawo wose,

Yoshuwa 8:31

yakacizenjela mu nzila yono Musa u mwitumami wo Muwaha Mulungu, yawalonjela Waisilayeli. Nha vyono yikulongwa mu Wulajilize wa Musa. “Cikumbicilo cizengwe kwe mabwe gono si maseswe ne vitwalo vye cuma.” Wakamulavizya Muwaha Mulungu cilavywa cinyanywe mu cikumbicilo cico, hamonga ne vilavywa vyo mulamu.

Yoshuwa 8:8

Nanye kolo mwakondya kulibata likaya, mulipembelaje no moto, nha vyono Muwaha Mulungu yalajiliza. Aga go malajilizo genyu.”

Yoshuwa 9:24

Nawo Wagibeyoni wakamupitula wakamutya Yoshuwa. “Gwe muwaha, na mbeka ase canoza zizo vyono cali cakondya kumanya, vyono, Muwaha Mulungu, u Mulungu wenyu, yali yakondya kumulajiliza u mwitumami wakwe Musa, kumupelenyi yisi yiyi yose. No kuwawulaga wanhu wose i wekazi wa mumo, nha vyono mowa kucila kujendelela kubita ku mwande. Holeka nase cetuma nhavivyo, hambi nha cali kumogopenyi muno so wumi wetu.