Yoshuwa 10:6 - Luganuzi Luswanu Kuli Wanhu Wose 2002

⁶ Nawo i wanhu wa ku Gibeyoni, wakategula nghani kuli Yoshuwa ku nghambi ya ku Giligali wakamutya, “Wulece kucileka co wetumami wako gwe Yoshuwa! Wuze mbela mbela wucitaze! Wuciponye! Hambi i watemi wose we Waamoli wono wekalaga mu yisi ye matunda, nha wakondya kulonjela kumonga, wawahanguliza i wasilikale wawo, nalu wanza kucihoma!”

Yoshuwa 10:6 ပူးပေါင်းရင်းမြစ်များ

2 Watemi 4:24

Hobaho yakawa kupegwa ndogowe yono yiwikanizwe, yakamulajiliza mwitumami yakatya, “Alu nghukulomba, wuyimashaje muno muno ndogowe mu nghango ya vyono yosuma kumangha, wulece kuyileka yijende mhola mhola, sunga nene nghulonjele.”

Zabuli 125:2

Nha vyono Yelusalemi yipilimwe ne matunda, ale, no Muwaha Mulungu nayo, vyo yawapilime wanhu wakwe, ku wulawa lulu, sunga ko ku cibitilila.

Isaya 33:22

Ne milejehe yose ya mu zingalawa zizo, yitimbile du, ne matote gayo hamba si gakugoloka yaye!

Wuwale 13:29

Nawo Waamaleki wekaye ku lubavu lwe takama ye yisi. Nawo Wahiti ne Wayebusi hamonga ne Waamoli, wekaye mu yisi ye matunda. Nawo Wakanani, wekaye mu mwalambalo we lilenga lya Meditelaneya, na ku lubavu lwe likolongo lya Yoludani.”

Luka 1:39

Vyaza kupuluta vilo vicefu, Malyamu yakenuka musunho, yakabita ku kaya yinji yono yili mu matunda ga Yudiya.

Wukumbucize wo Wulajilize 1:15

Holeka nane nghasola i wanhu we mahala, kanyhi wono wena wuzowele wo kulongoza wanhu, nanye nyo weneco, yo nyenye mono mwawahagula mu wulawa mu milango yenyu. Nane nghawa kuwawika wawe walanjilizi wenyu. Wanji wakawa walanjilizi we wanhu elufu monga monga, na wanji wakawa we ligana limonga limonga, na wanji wakawa we makumi mahano mahano, na wanji wakawa we wanhu yikumi yikumi. Hamba nhavivyo, kanyhi nghawawika ne walongola wanji wa mu wulawa mu milango yenyu yose.

Yoshuwa 10:5

Nawo watemi wawa i wahano we Waamoli, mutemi wa Yelusalemi, na Hebuloni, na Yalemuti, na Lakishi, na Ejiloni, wakawahanguliza hamonga wasilikale wawo, wakayipilima Gibeyoni wakanza kuyihoma.

Yoshuwa 10:7

Lo lulo lulo Yoshuwa hamonga ne lipuga lye wasilikale wo wulugu, hamonga ne watun'gati, wakatuluka ku wulawilila Giligali.

Yoshuwa 21:11

Wakapegwa likaya lya Aleba (Aleba yali yo sogwe wa Anaki), ninga alu likucemwa Hebuloni, mu yisi ye matunda ya Yuda, hamonga ne mawimbi gono gayipilime go wudimilo we mitugo zawo.

Yoshuwa 5:10

Na lono Waisilayeli wali wasimizye nghambi baho ha Giligali, mu yisi yo wuhihi ye behi na Yeliko, wakayinoza Pasaka mu vipango vye cinyamihe vya mwi'zuwa lye likumi na yine lya mu mwezi.

Yoshuwa 9:15

Hodu Yoshuwa yakawa kunoza mulamu ne wanhu wawo Wagibeyoni, na vyono kowaleka womi. Nawo i walongola we mhuga yose ye Waisilayeli, wakelahiza vyono, wocikamisa cilagane cico.

Yoshuwa 9:6

Ale, wakawa kutuluka, wakawa kubita ku nghambi ya Giligali, wakawa kumulonjela Yoshuwa ne wanhu wa Isilayeli wakawatya, “Nye wayetu, ase cikulawilila ku yisi yo kutali, holeka cikuhila cilumbanize nanye cikalane.”

Yoshuwa 9:8

Nawo wakamulonjela Yoshuwa wakamutya, “Ase cili wetumami wako.” Yoshuwa yakawawuza yakawatya, “Alo nyenye wa nani lo? Na kanyhi mukulawilila hayi?”