Yoshuwa 10:41 - Luganuzi Luswanu Kuli Wanhu Wose 2002

⁴¹ Wulugu wuwo wa Yoshuwa, wukajendelela muno, ku wulawilila ku Kadeshi Balineya mhelo ya kutakama, sunga ko ku Gaza, behi no mwejelele we lilenga, hamonga ne litumbi lyose lya Gosheni, sunga ku lubavu lwa kusumuka, ku Gibeyoni.

Yoshuwa 10:41 ပူးပေါင်းရင်းမြစ်များ

Mwamulizo 10:19

no mupaka we yisi yawo, wali wulawiliye Sidoni, sunga kutakama ku Gelali behi na Gaza, na ku wubita kucilima, sunga ku Sodoma na Gomola, na Adima na Seboyimu behi na Lasa.

1 Watemi 3:5

Na mwizuwa lilyo ne cilo, u Muwaha Mulungu yakelajila kuli mwene mu ndoto, yakamuwuza yakatya, “Alu kokwenda ane nghupele cici?”

Zakaliya 9:5

Ne likaya lya Ashikeloni lyoloziwona zizi nalyo lyolokogopa. Nhavivyo ne likaya lya Gaza, lyoloziwona zizi, nalyo lyolowona wusungu wuwaha muno. Nayo Ekiloni hamonga no witumbilo wayo wose, nayo yolobenanjizwa. Nayo Gaza yolowula mutemi, Ashikeloni yololekwa mu wuciwa wuwaha muno.

Wuwale 13:26

kuli Musa na Haluni, hamonga ne mhuga yose ye Waisilayeli kuko ku Kadeshi, mu nyika ya Palani. Wakalonga zose zono waziwona, wakalajila sunga ne mikalo yono waleteleze.

Wuwale 32:8

Mwene mukutanga! Zizi zo wetuma wasogo zenyu, lono nawatumila ku wulawa Kadeshi Balineya, ho wabite wakayitandile yisi.

Wuwale 34:4

Hanyuma wojendelela sunga ko ku lubavu lwa kutakama ku wubita ku Akelabimu Pasi, nawo wojendelela wukole mu Zini ku lubavu lwa kutakama ye Kadeshi Balineya. Hanyuma kanyhi, mupaka wojendelela sunga ko ku lubavu lwe mwezi ye sumuka ku Hazali Adali, nawo wobita sunga ko ku Azimoni,

Metumo ge Watumwa 8:26

Ninga Malayika wo Muwaha yakalonga na Filipo yakutya, “Winuce wubite kutakama sunga ko ku nzila yono yilawile ku Yelusalemi yitimiye ku Gaza.” (Ne nzila yiyo yikoleye mu nyika.)

Wukumbucize wo Wulajilize 1:19

“Nase ciketuma nha vyono Muwaha Mulungu, u Mulungu wetu, yali yacilajilize. Cikawuka he 'tunda lya Holebu lyono likucemwa Sinayi, cikajendelela no muhinzo wetu, cikakolela mu nyika yiyilya mbaha yo kogofya, cikajendelela, sunga cikafika mu yisi ye matunda yisi ye Waamoli. Nase cali ceza kufika ha Kadeshi-balineya, nghamulonjelenyi nghatya,

Wukumbucize wo Wulajilize 2:23

Nayo yisi yono yali yalambaye lilenga lya Meditelaneya, i wanhu wono walawa ku cizingwa ca Kupulo wo wakekala mumo. Wawo wo wawongomeza i Wavi, i wekazi wa mumo ku wulawa na katali, wakayisola yisi yawo ku wulawilila kutakama, sunga ko kwi' kaya lya Gaza.)

Wukumbucize wo Wulajilize 9:23

Na lono yamuletenyi ku wulawa ku Kadeshi-balineya, lono yamulajilizenyi mubite mukayisole yisi yono yali yamupelajenyi, ninga 'nye mukamubeza Muwaha Mulungu, hamba si mwamwitumbila, hamba kumuhulika kose.

Yoshuwa 10:12

Mwi'zuwa lyono Muwaha Mulungu yawapelela wanhu wa Isilayeli wusume kuli Waamoli, Yoshuwa yakamulonjela Muwaha Mulungu hamwande ye Waisilayeli yakatya, “Go lizuwa, ale, wime wutulile hacanyha ya Gibeyoni, Nagwe go mwezi, wime hacanyha ye lilolo lya Ayaloni.”

Yoshuwa 10:2

Wanhu wa ku Yelusalemi, wakenjilwa na woga wuwaha muli yiyo, vyono Gibeyoni lyali yikaya yiwaha kotya makaya ganji gono gali gena ne watemi, kanyhi lyali yiwaha kuciza likaya lya Ayi, ne wanhu we likaya lilyo, wali wanghula muno mu wulugu.

Yoshuwa 11:16

Hobaho Yoshuwa yakawa yakondya kuyiteka yisi yose. Yisi ya mu matunda, ne yisi ya ha nhenenhuko ye matunda. Zisi zose za kusumuka na za kutakama, hamonga ne yisi yose ya Gosheni, sunga ko ku yisi nghavu ya kulubavu lwa kutakama, sunga ko kwi'lolo lye likolongo lya Yoludani.

Yoshuwa 11:22

Kwali kusina hamba Mwanaki yunji wo wose mono yasigazwa mumi mu yisi ya Isilayeli. Langa wacefu du wo wasigala ku Gaza, na ku Gati, na ku Ashidodi.

Yoshuwa 15:51

Na Gosheni, na Holoni, na Gilo. Makaya yikumi na limonga, hamonga ne matumbi gono gali gagapilime.

Walamuzi 16:1

Mwi'zuwa linji, Samusoni yakabita ku Gaza, likaya liwaha lye Wafilisiti, baho viketang'anila no musenyha yunji yakagona nayo.

Walamuzi 16:21

Wafilisiti wakamwibata Samusoni wakamukopozola meso gakwe gose. Wakamutegula ku Gaza akuno wamuwopile ne manyolo ge shaba. Yakawikwa yawe kuwasajila wafungwa mu jela.

1 Samwili 6:17

Wafilisiti wamutegulila Muwaha Mulungu mapu mahano ga zahabu gawe vilavywa so wubi wawo, yipu limonga limonga so makaya gose, likaya lya Ashidodi, na Gaza, na Ashikeloni, na Gati, na Ekiloni.