Yoshuwa 10:4 - Luganuzi Luswanu Kuli Wanhu Wose 2002

⁴ “Ale muze wose munhaze ciyihome Gibeyoni, hambi wanhu wayo, nha wakondya kunoza mulamu, no kwilumbaniza na Yoshuwa hamonga ne Waisilayeli.”

Yoshuwa 10:4 ပူးပေါင်းရင်းမြစ်များ

Matayo 16:24

Hanyuma Yesu yakawalonjela i wejizwa wakwe, yakawatya, “Hono munhu wo wose yasace kuwa mutyatyi wangu, yimunojeye yekapise mweneco, yawudinghule u musalaba wakwe, yanhyatye.

Yohana 15:19

Mhali muwe muli wanhu we yinze, mhali we yinze wali wamwendenyi anye mo wanhu wawo. Ninga alu vyono si muli we yinze, nane nimwihajenyi kulawa mu yinze, holeka we yinze wakumusulenyi.

Metumo ge Watumwa 21:28

Wakazoza, wakutya, “Nye nyo wanyawusi wa Isilayeli, Ayu yo yuyo munhu, mono yakuwejiza wanhu hanhu hose, zinghani zono zisimajiye kuli wanhu wa Isilayeli, hamonga no Wulajilize wa Musa, sunga ne hanhu aha hono Helile, sunga nalu kawenjiza wanhu wono si Wayahudi mu Nyumba yo Mulungu, no kuhavufya ihanhu hono Helile.”

2 Timoteyo 3:12

Na muli wose mono yakuhila kwikala mu mikalile yono yikumwendeza Mulungu, mu wilunza na Kilisito Yesu, yimunojeye sunga yawinjilizwe du.

Yakobo 4:4

Anye muli wanhu mono si muli wehuwilwa, mwihwanile wasenyha. Simumanyile vyono munhu hono yawe kuyenda yinze, yawa mulugu wo Mulungu? Wo wose mono yakusaka yawe kuyenda yinze, yakwinoza yawe mulugu wo Mulungu.

Yoshuwa 10:1

Ale, baho, Adonizedeki lono yali mutemi wa ha Yelusalemi, yakahulika nha vyono Yoshuwa yali yakondya kuyiteka no kuyongomeza Ayi, na vyono yakamuwulaga no Mutemi wayo, nha vyono yetuma ku Yeliko, na vyono yamuwulaga no mutemi wayo. Kanyhi yakahulika nha vyono, i wanhu wa ku Gibeyoni, wali wakondya kunoza mulamu ne Waisilayeli, na vyono wekaye hamonga.

Yoshuwa 10:5

Nawo watemi wawa i wahano we Waamoli, mutemi wa Yelusalemi, na Hebuloni, na Yalemuti, na Lakishi, na Ejiloni, wakawahanguliza hamonga wasilikale wawo, wakayipilima Gibeyoni wakanza kuyihoma.

Yoshuwa 9:15

Hodu Yoshuwa yakawa kunoza mulamu ne wanhu wawo Wagibeyoni, na vyono kowaleka womi. Nawo i walongola we mhuga yose ye Waisilayeli, wakelahiza vyono, wocikamisa cilagane cico.

1 Petelo 4:4

Ninga'lu, iwanhu wawo wono siwamumanyile u Mulungu, wakwizina kolo wakuwona vyono simukuwezana kanyhi na wene mu mikalile mibi, na holeka wakumulijenyi.

Wugubule 16:14

Ayi yo myuhe ye masetani, yono yinozaga mapoto. Yiyi myuhe midatu yo yiyo yono yiwabitilaga watemi we yinze yiyi yose, no kuwakonghola hamonga ho wehome wulugu wuwaha mwizuwa liwaha lyo Mulungu Mudaha vyose.