Yoshuwa 10:2 - Luganuzi Luswanu Kuli Wanhu Wose 2002

² Wanhu wa ku Yelusalemi, wakenjilwa na woga wuwaha muli yiyo, vyono Gibeyoni lyali yikaya yiwaha kotya makaya ganji gono gali gena ne watemi, kanyhi lyali yiwaha kuciza likaya lya Ayi, ne wanhu we likaya lilyo, wali wanghula muno mu wulugu.

Yoshuwa 10:2 ပူးပေါင်းရင်းမြစ်များ

2 Samwili 12:26

Nayo Yowabu yakajendelela du kwihoma ku Laba, likaya liwaha lye Waamoni. Nayo lono yali yeza yali behi no kulisola,

Zimbazi 10:24

Nawo we ling'ani, watugaga vyono wasakaga. Ninga iwabi, watugaga cono wakucogopa.

Wukumbucize wo Wulajilize 11:25

Ne hanhu ho hose hono mowa kukolela mu yisi yiyo, u Muwaha Mulungu, u Mulungu wenyu, kowanoza wanhu wose wamogopenyi, nha vyono yehuwiza. Kanyhi howa hasina hamba munhu mono kosuma kwijelela hali'nye, yamwimilenyi.

Wukumbucize wo Wulajilize 2:25

Nane ku wulawilila izuwali, nowanoza wanhu, hanhu hose, wamogopenyi nyenye. Kanyhi wose wocicima ko woga wuwaha muno, kolo wakulihulika litagwa lyenyu likutambulwa.’ ”

Wukumbucize wo Wulajilize 28:10

Nawo wanhu wa mono'nze yose, wowona vyono Muwaha Mulungu yakondya kumuhagulenyi muwe wanhu wakwe, baho nawo womogopenyi muno muno.

Wahebelaniya 10:27

Langa yono yisigaye yowa yo wulanjilila ko woga, u wuling'anizwe wo Mulungu no moto mukali wono wolowamala wose wono wakumulema u Mulungu.

Wahebelaniya 10:31

Ku wugwila mu miwoko yo Mulungu mumi yo nghani ya kogofya muno muno.

Yoshuwa 2:24

Wakatya, “Mbeka cina witumbilo vyono Muwaha Mulungu yakondya kucipela yisi yiyilya yose. Hambi i wanhu wose wa mu yisi yiyo, nha wakucicima, kanyhi wakucogopa muno muno.”

Yoshuwa 9:24

Nawo Wagibeyoni wakamupitula wakamutya Yoshuwa. “Gwe muwaha, na mbeka ase canoza zizo vyono cali cakondya kumanya, vyono, Muwaha Mulungu, u Mulungu wenyu, yali yakondya kumulajiliza u mwitumami wakwe Musa, kumupelenyi yisi yiyi yose. No kuwawulaga wanhu wose i wekazi wa mumo, nha vyono mowa kucila kujendelela kubita ku mwande. Holeka nase cetuma nhavivyo, hambi nha cali kumogopenyi muno so wumi wetu.

Yoshuwa 9:3

Ninga i wanhu wa Gibeyoni wono wali Wahivi, wali wakondya kuzihulika zono Yoshuwa yetuma ku Yeliko na ku Ayi.

1 Samwili 27:5

Dawudi yakamulonjela Akishi yakatya, “Hono wuwe mbeka wuli mwendece wangu, ale, nghukulomba wunghombolele nane cikaya cinji cidodo ho nikale nane mumo. Hambi mutemi, nha hasina soko ya yose ya ane, cikalane wose hamonga nagwe mwi'kaya liwaha.”