Yoshuwa 10:10 - Luganuzi Luswanu Kuli Wanhu Wose 2002

¹⁰ Hobaho Muwaha Mulungu, yakawanoza Waamoli, wakenjilwa no woga wuwaha muno ha mwande ye wasilikale we Waisilayeli wo wulugu. Nawo wasilikale we Waisilayeli, wakawawulaga Waamoli wose ha Gibeyoni, no kuwawinjiliza sunga ko ku nzila yono yitenenhuce mwi'tunda, ku Bete Holoni, akuno wajendeleye no kuwahoma, sunga ko ku mhelo ye takama, sunga ko ku Azeka na Makeda.

Yoshuwa 10:10 ပူးပေါင်းရင်းမြစ်များ

Zabuli 18:14

Yakawaguma walugu wakwe kwe zisonga zakwe, yakaweyagaza, yakawamulisiza limuli, yakawawinga.

Yoshuwa 16:5

Ayi yali yo yisi ye zimhuga za Efulayimu. Mupaka wawo wali wukoleye Ataloti Adali, wudomile kucilima, sunga ko ku Bete Holoni ya kucanyha.

Yoshuwa 16:3

Mupaka wukawa kujendelela, wukatimila ku lubavu lwa kumwezi, ku mupaka we Wajafeleti, sunga ku mupaka we Bete Holoni ya kusika. Wukajendelela wulawilila baho, sunga ku Gezeli. Nawo wukadumiliziza he 'lenga lya Meditelaneya.

Isaya 28:21

Ninga mumanye nha vyono Muwaha Mulungu kolewana, nha vyono yetuma kwi'tunda lya Pelazimu, na mwi'lolo lya Gibeyoni. Ho yetume zono yakuhila mweneco. Yetume metumo gakwe majenzi go wizine nha vyono gokwijela. Kanyhi kofisiliza litumo lyakwe, lyo wizine.

Walamuzi 4:15

Na lono Balaka ne wasilikale wakwe wali weza kumuhungucila Sisela, baho Muwaha Mulungu yakamupela Sisela wivyajizwe, mwene hamonga ne matuka gakwe ge cuma go wulugu, hamonga ne wanhu wakwe. Baho Sisela yakatima mwi'tuka lyakwe yakanza kutiza lumangho kwa magulu.

Yoshuwa 15:35

na Yalimuti, na Adulamu, na Soko, na Azeka,

Yoshuwa 10:11

Na lono Waamoli watizaga ha mwande ye Waisilayeli, akuno wakumangha, wakutimila ku Bete-holoni, Muwaha Mulungu yakawagumilila mvula mbaha ye mabwe, yono yikawatonyela nzila yose sunga ko ku Azeka. Wenji muno wono wawulagwa ne mvula yiyo, kuciza na wono wawulagwa ne Waisilayeli.

Yelemiya 34:7

mu mapango lono wasilikale wo mutemi wa Babiloni walihomaga likaya. Ne wasilikale wazihomaga Lakishi na Azeka, i makaya gono gali gakali gasigaye mu yisi ya Yuda.

Zabuli 78:55

Yagawinga makungugo ku mwande yawo, yakawapela Isilayeli yisi zawo ziwe zawo, yawapela no wikalo we zimbeyu zakwe.

Zabuli 44:3

Ne wanhu wako hamba si wayisola yisi yiyo, mu nzila yo mumaje, hamba si wasuma kuyitema mu nzila ye vilungo, vyawo weneco, langa wayitema ku so wusume wako ne vilungo vyako, vyono 'gwe wali wuli hamonga nawo, hambi nha wali wuwendile.

2 Zinghomo 14:12

Nayo Asa yali yeza kwanza kwihoma ne Wakushi, u Muwaha Mulungu yakawasuma Wakushi, wakawa kutiza.

1 Samwili 13:18

Cipuga ce kejete, wakabita ku lubavu lwa Bete-holoni. Ne cipuga ce kadatu, wakabita ku mupaka wono wulanjile kwi'lolo lya Zeboyimu ne nyika.

Yoshuwa 21:22

na Kibizayimu na Bete Holoni, hamonga no wudimilo.

Yoshuwa 15:41

Gedeloti, na Bete-dagoni, na Nama, na Makeda. Makaya yikumi na mutandatu, hamonga na matumbi gono gali gagapilime.

Yoshuwa 12:16

Makeda, na Beteli,

Yoshuwa 11:8

Muwaha Mulungu yakawapela wusume Waisilayeli, wakawahoma no kuwawinjiliziza ku lubavu lwa kusumuka, sunga ko ku Miselefoti-mayimu na ku Sidoni, sunga ku lubavu lwa kucilima, sunga Mwi'lolo lya Mizipa. Wulugu wukajendelela sunga hakawa hasina mulugu wawo hamba monga mono yasigazwa mumi.

Yoshuwa 10:28

Mwizuwa lilyo, Yoshuwa yakayihoma Makeda hamonga no mutemi wayo yakayiteka. Yakawawulaga wanhu wose wa mwikaya, si yasigala munhu hamba monga. Yakamutendela u mutemi wa ha Makeda, nha vyono yamutendela u mutemi wa Yeliko.

Wukumbucize wo Wulajilize 7:23

Kanyhi Muwaha Mulungu komukombolelenyi i walugu, no kuwogofya, sunga kolo mwawongomezeza wose lukulu.

Yoshuwa 10:9

Mu cilo cico cose, Yoshuwa ne wasilikale wo wulugu, wakatuluka wakulawa ha Giligali, wakawa kubita ku Gibeyoni. Wakawatiniciza Waamoli mu wihomi, wakanza kuwahoma.

1 Samwili 17:1

Ale, i Wafilisiti wakekongholela ha cikaya ca mu Yuda, cono cikucemwa Soko. Wakasimya nghambi yawo hanhu hono hacemwaga Efesi-damimu, hagati ya Soko na Azeka, ho wehome ne Waisilayeli.

2 Samwili 22:15

Yakazigumila zisonga zakwe, yakaweyagaza walugu wakwe, yakawawinga ko wumwekule we limuli.

1 Watemi 9:17

Nayo Solomona ho yakawa kulizenga kanyhi likaya lilyo lya Gezeli. Yaketumamila wanhu wakwe. Solomona yo yazenga ne Beti Holoni yono yili kusika

Zabuli 68:14

U Mulungu Mudaha Vyose, yali vilungo, yali yeza kukondya kuweyagaza watemi, mwi'tunda lya Salimoni, ne seluji nayo yikawa kutonya mwi'tunda lilyo.

Walamuzi 4:16

Ninga Balaka yakawalondelela wanhu ne matuka go wulugu, sunga ko ku Halosheti-hagoyimu, ne wasilikale wose wa Sisela wakawulagwa. Kwali kusina hamba munhu monga mono yasigala.

Walamuzi 5:20

Ne zinyelezi nazo zikehoma ku wulanga, zikehoma na Sisela.

2 Zinghomo 25:13

Akuno kono nyuma nako, wasilikale wawalya we Ciisilayeli, wono Amaziya yawalema walece kubitana nayo ku wulugu, nawo wakabita wakagahoma makaya ga Yuda haciligati ya Samaliya na Bete-holoni, wakawulaga wanhu elufu yidatu, wakaviteka ne vinhu vinji muno.

Isaya 30:30

No Muwaha Mulungu kolowanoza wanhu wose walihulice lizi lyakwe lye nhojo, waliwone ne likuwo lyakwe vyono linha. Na mwi'zuwa lilyo, kolowa lilambi lyo moto hamonga no mukukunzo we mvula ye mabwe.

Zakaliya 14:3

Nayo Muwaha Mulungu ho kololawila yehome ne zinghungugo zizo, nha vyono yawahoma mu vilo vyono vipulute.