Yoshuwa 1:9 - Luganuzi Luswanu Kuli Wanhu Wose 2002

⁹ Wukumbucile vyono, yo nene nakulajiliza wuwe ne vilungo ne nhumbula yo wutung'ati. Holeka wulece kogopa hamba kukatala, hambi ane no Muwaha, Mulungu wako, nha nowa hamonga nagwe ko kose kono kowa kubita.”

Yoshuwa 1:9 ပူးပေါင်းရင်းမြစ်များ

Mwamulizo 28:15

Ane nowa nili hamonga nagwe, nokukamisa ko kose kono wukubita, nokugomola kanyhi mono yisi yiyi. Nane sinokulecela lukulu, sunga kolo nakondya kufisiliza u wihuwizo wono nghwihuwizize.”

Mwamulizo 39:2

Nayo Muwaha Mulungu yakawa yali hamonga na Yusufu, yakamumotya muno muno. Nayo Yusufu yekalaga mu nyumba yo muwaha wakwe Mumisili.

Mwamulizo 39:3

Nayo muwaha wakwe, yakatanga vyono Muwaha Mulungu yali hamonga na Yusufu, na vyono Mulungu yo yakuvimotesa vyose vyono Yusufu yakuvituma.

2 Samwili 13:28

Yakawalajiliza wetumami wakwe yakawatya, “Mweze mumulanjiliye Amunoni, kolo yang'wa yagala muno muno, ane nomulonjelenyi, mumuwulaje. Mulece kogopa yaye. Hambi calo cico nha cowa cangu nene no mweneco. Holeka muweze ne vilungo, kanyhi mulece kuwa na mahwele!”

1 Zinghomo 28:20

Dawudi kanyhi yakamulonjela mwanagwe Solomona yakatya, “Solomona, weze citung'ati, kanyhi wuli muhidimbazi. Aluno wanze mulimo, ninga wulece kuleka nghani yinji yo yose yikwimile mu mulimo wako. Hambi u Muwaha Mulungu mono nghumwitumamila, nha kowa yali hamonga nagwe. Nayo hamba si kokulecela lukulu, langa kowa yali hamonga nagwe, sunga kono kolokondezya milimo yose yono yikusakwa yitumwe mu Nyumba yakwe.

2 Zinghomo 15:7

Ninga anye mwisindamice, mulece kogopa. Vyono u mulimo wono mukuwituma, nha wowa na cihumbilizwa.”

Zabuli 46:7

U Muwaha Mulungu, u Mulungu we mihanga yali hamonga nase, u Mulungu wa Yakobo, wo wutizizo wetu.

Isaya 41:10

Holeka mulece kogopa, ane nha nili hamonga nanye! Ane yo nene Mulungu wenyu, holeka mulece kogofywa na cinji co cose! Ane nomupenyi vilungo, kanyhi nomutazenyi. Nomudimenyi, kanyhi nomuponyenyi.”

Isaya 43:1

Nye nyo Isilayeli, u Muwaha Mulungu mono yawawumba, yakutya nhavi, “Mulece kogopa, hambi nha nakondya kumukombozenyi. Kanyhi nimucemenyi ‘Wuli wangu.’

Isaya 43:5

Holeka mulece kogopa, hambi ane nha nili hamonga nanye! ‘Nane nowakonghola no kuwagomola wo lulelo lwenyu ku wulawa kutali ku lubavu lwa kucilima, sunga ko ku lubavu lwa kumwezi.

Isaya 8:12

“Wulece kwihanza mu mahweso ge wanhu, hamba wulece kuvyogopa vinhu vyono wene wavyogopile.

Danyeli 10:19

Yakawa kunyitya, “U Mulungu yakwendile 'gwe Danyeli, holeka wulece kogofywa na cinji co cose, hamba kuwa na mahwele.” Nayo yali yeza kukondya kuzilonga zizi, nane nghewona nhondo vilungo vyangu vyose vyakondya kumbuyila kanyhi, nane nghamutya, “Gwe muwaha wangu, wulonje zono wina, hambi nha wakondya kumhela vilungo.”

Hagayi 2:4

Ninga hamba nhavivyo, yunji yalece kutukuwika mutima. Langa anye mwitumaje du mulimo muhidimbaye, hambi ane nha nili hamonga nanye.

Hagayi 2:5

Nanye lono mwawukaga ku wulawa Misili, ane nghamwihuwizenyi nha vyono cipango cose nowa hamonga nanye, sunga nalu ane nghali nili hamonga nanye. Holeka mulece kogopa.

Metumo ge Watumwa 4:19

Ninga Petelo na Yohana wapitula wakawatya, “Ale mulonje, hono yo ling'ani hali Mulungu cimuhulicenyi nyenye si nho kumuhulika Mwene.

Wukumbucize wo Wulajilize 1:21

Alu mulanje! Nayo yisi yo ayilya ahalya! Alu, mwinjile mukayihale, hambi nha vyo yalajiliza Muwaha Mulungu. Holeka mulece kogopa, hamba kuwa na wukangamyanje yaye.’

Wukumbucize wo Wulajilize 20:1

“Na lono mukubita ku wulugu kwihoma ne walugu wenyu, na kolo mukuwona kuko matuka go wulugu, hamonga ne zifwalasi, ne wasilikale wo wulugu wenji wacizize liwalo lyenyu, anye mulece kuwogopa hamba hadodo. Hambi Muwaha Mulungu, u Mulungu wenyu, mono yakamuponyenyi ku wulawa mu yisi ye Misili, nha kowa yali hamonga nanye.

Wukumbucize wo Wulajilize 31:23

Hanyuma Muwaha Mulungu yakawa kumulonjela Yoshuwa u mwana wa Nuni yakamutya, “Ale, weze ne vilungo ne nhumbula yo wutung'ati. Hambi nha yo gwegwe mono kowatonga i wanhu wawa Waisilayeli sunga wuwenjize mu yisi yono nawehuwiziza, nane nowa nili hamonga nagwe.”

Wukumbucize wo Wulajilize 31:28

Holeka aluno wakongholelaje ha mwande yangu, i walongola wose we milango yose ye Waisilayeli, hamonga ne wanyamhala wose, ho sume kuwalonjela zizi. Nane nghusaka wulanga ne yinze, viwe vihomelezi vyawo.

Yoshuwa 1:10

Hobaho Yoshuwa yakawalajiliza i walongola we wanhu yakawatya,

Yoshuwa 1:17

Kanyhi cowa kukuhulika du nha vyono camuhulikaga Musa muli zose nhondo zose. Ale, u Muwaha Mulungu u Mulungu wako, yaweze hamonga nagwe nha vyono yali yali hamonga na Musa.

Yoshuwa 1:18

No munhu wo wose mono kobena wulajilize wako, na mono sikovumila malajilizo gako, yuyo yimunojeye yawulagwe. Weze ne vilungo du, ne nhumbula yo wutung'ati.”

Yoshuwa 10:25

Hanyuma Yoshuwa yakawatya i wawaha. “Mulece kogopa, hamba kwinjilwa na woga, mweze ne vilungo kanyhi no wutung'ati, hambi azi, nha zo Muwaha Mulungu ko kwituma muli walugu wenyu wose.”

Yoshuwa 10:8

U Muwaha Mulungu yakamulonjela Yoshuwa yakamutya, “Wulece kuwogopa wawo, hambi nha nakondya kukupela wusume. Hasina hamba yunji muli wene, mono kosuma kwima ha mwande yako ho mwihome nayo.”

Yoshuwa 3:7

U Muwaha Mulungu yakamulonjela Yoshuwa yakamutya, “Zono nokwituma zuwali, zo zowalajila i wanhu wose wa Isilayeli, ho wanze kukumanya nha vyono, agwe Yoshuwa wuli munhu we lilumbo, nawo wakupele cogopo. Kanyhi ho womanya vyono mbeka nili hamonga nagwe nha vyono nali nili hamonga na Musa.

Yoshuwa 6:27

Muwaha Mulungu yakawa hamonga na Yoshuwa. No lukumyo lwa Yoshuwa lukamanyika mu yisi yose.

Yoshuwa 8:1

Muwaha Mulungu yakamulonjela Yoshuwa yakamutya, “Alu wusole wasilikale wose, mubite mukalihome likaya lya Ayi. Mulece kogopa hamba kwihwelela mu zinhumbula zenyu. Ane nomupelenyi wusume, nanye momusuma du mutemi wa Ayi, hamonga ne wanhu wakwe, ne likaya, ne yisi yose, yowa yenyu nyenye.

Walamuzi 6:14

Muwaha Mulungu yakamulonjela Gideyoni yakatya, “Ale wubite ne vilungo vivyo, nagwe kowaponya Waisilayeli mu miwoko ye Wamidiyani. Hambi nha ye nene mono nghukutuma.”

1 Samwili 10:7

Na zizi kolo zakondya kwijela, ale witumaje nha vyono Mulungu kokutya witume.