Yoshuwa 1:8 - Luganuzi Luswanu Kuli Wanhu Wose 2002

⁸ Wulanjilile, citabu cici co wulajilize ceze kusomwa nhondo zose mu wuhembi wenyu. Kanyhi weze kwilanjiza za mumo ku misi na ku cilo, no kwituma zose nha vyono zandicigwe mumo. Nagwe ho komoteswa muno, mu zinzila zako zose.

Yoshuwa 1:8 ပူးပေါင်းရင်းမြစ်များ

Zabuli 119:15

Nihwesaga du ze mejizo gako, no kugakamisa malajilizo gako.

Zabuli 19:14

Gwe go Muwaha Mulungu, nghukulomba zinghani zangu, hamonga ne mahweso gangu, vikwendeze gwegwe, mono wuli 'talawe lyo wutizizo wangu, kanyhi go Mukombozi wangu!

Wakolosayi 3:16

I nghani ya Kilisito yikalaje muli nyenye, hamonga no wugoli wayo wose. Mwiyijizaje nyenye wose munhu na muyagwe, akuno mukwiyilanjiziza mu mahala gose. Mwimbaje Zabuli, na nyimbo, no wimbe we cinya Muhe, mumwimbilaje u Mulungu mu zinhumbula zenyu kwe lilumbo.

Zimbazi 3:1

Gwe mwanangu, wulece kuzisemwa zono nghukwijiza. Kanyhi weze kuzikumbucila nhondo zose zono nghukulajiliza witume.

Wukumbucize wo Wulajilize 29:9

Holeka muzibate muno ko wihuwilwa zinghani zose ze cilagane cici, ho musume kutuga wumoteswe muli zose zono mowa kwituma.

Yohana 14:21

Mono yena malajilizo gangu no kugebata, yuyo yo yanyendile, nayo mono yanyendile kokwendwa na Baba, nane nomwenda, kanyhi nokwilajila kuli mwene.”

Luka 11:28

Nayo Yesu yakamutya, “Heya, ninga wamoti muno wanhu wono wakuyihulika nghani yo Mulungu no kuyikamisa.”

Matayo 7:24

“Holeka ku soko yiyo, u munhu wo wose mono ya kuzihulika zinghani zangu no kuzibata, yuyo yehwanile u munhu we mahala, mono yayizenga kaya yakwe mwi'talawe.

Zabuli 119:11

Nibate lilajilizo lyako, mu nhumbula yangu, ho ndece kukusutizya.

Zabuli 119:97

Nendile muno lilajilizo lyako! Kanyhi nghulihwesa misi yose!

Matayo 7:21

“Si munhu wo wose mono yakunyitya, ‘Muwaha, Muwaha,’ yo kokwinjila mu wutemi wo Mulungu, langa yuyo du mono yakwituma u wuhile wo Sogo yangu mono yali ku wulanga.

Yohana 13:17

Holeka hono muwe mwayimanya i mbeka yiyi, mowa wamoti hono muyitume.

Yoshuwa 1:7

Holeka weze ne vilungo, no wuhidimbazi muno. Kanyhi wulanjilile, witume zose zo wulajilize, nha vyono Musa u mwitumami wangu yakulajiliza. Hamba wulece kuyibedegala nghani yoyose ya mwilajilizo lilyo, holeka nagwe kotuga wumoteswe ko kose kono kowa kubita.

Wukumbucize wo Wulajilize 30:14

Ng'o yaye, hambi lilajilizo nha lili bahano, kanyhi lili muli nyenye, mu zinhumbula zenyu, nanye mukondizye no kulimanya, alu mukusakwa mulikamise du no kwituma.

Wukumbucize wo Wulajilize 5:29

Na hono mbeka nhondo zose wawe kwihwesa nhavivi! Na hono mbeka wawe wanyogopile, no kuwa ne cihuliko kuli'ne nhondo zose, muli ze malajilizo gangu, nawo wojendelela kuwa no wumoteswe muli zose, ne wana wawo cibitilila.

Zabuli 119:99

Nane nina wizuce muno, kuciza ne wejizi wangu wose, vyono 'ne nghwihwesa muno ze mejizo gako du.

Isaya 59:21

Hambi nha nakondya kunoza cilagane nanye. Nane nakondya kumujidilenyi muhe wangu, nghamwijizenyi ne mejizo gangu ho gawe muli'nye cibitilila. Holeka ku wulawilila lulu, munojeye muhulice'ne, kanyhi muwejize ne wana wenyu hamonga ne zindelo zenyu, vyono wose wanojeye weze ne cihuliko kuli'ne ku wulawa lulu sunga cibitilila.”

Wukumbucize wo Wulajilize 5:32

“Holeka anye nyo Waisilayeli, mumanyile lukulu vyono munojeye muzikamise no kwituma zose zono Muwaha Mulungu, u Mulungu wenyu yamulajilizenyi. Kanyhi mulecele lukulu kuwubedegala wulajilize wakwe.

Wukumbucize wo Wulajilize 31:11

Weze kuwasomela wanhu Waisilayeli, lono wehanguliza mu wuhembi, i hanhu ho wuhembelo wakumuhemba Muwaha Mulungu, u Mulungu wenyu.

Waefeso 4:29

Ne makani mabi galece kuhulikwa muli nyenye hamba hadodo, izinghani zenyu ziweze zono zina cambuzi nhondo zose, zono zikuwazenga no kuwataza wanji, ho ziwapele lihewa wono wakumuhulicizenyi.

Matayo 12:35

U munhu muswanu nha kalavyaga i zinghani ziswanu mu ciwutwa cakwe ciswanu, no munhu mubi nayo, nha kalavyaga izinghani zimbi mu ciwutwa cakwe i cibi.

Zabuli 40:10

Hamba si nayihundika nghani yiyino mu nhumbula yangu, nha vyono wakondya kumhonya. Nane vilo vyose nizilongaga zo wihuwilwa wako, hamonga na zo wutazi wako. Vyono agwe wuli Mukombozi Mwihuwilwa. Hamba si nayihundicila i mhuga mbaha ye wanhu, u wihuwilwa wako, hamonga no lusungu lwako.

Matayo 28:20

Kanyhi, muwejizaje, webate i malajilizo gose gono namupelenyi. Nane nili hamonga nanye vilo vyose, heya, sunga ko ku ndumilizo ye vilo.”

Wugubule 22:14

Wo wamoti wawo wono wakuvikanza i vivwalo vyawo, hambi wawo nha wo wowa ne ling'ani yo kulya mana go mubici wo wumi, kanyhi wo wowa ne ling'ani yo kukolela mu milango yalyo, no kwinjila mwi'kaya.

Mwamulizo 24:63

Na mwi'pango lye cinyamihe, Isaka yakabita kwi 'wimbi kwamba lubeho. Na mumo mu wamba lubeho lwakwe, yalanje nhavi, yakawona ngamiya zikuza.

Wukumbucize wo Wulajilize 31:24

Nayo Musa yakalyandika mu citabu Lilajilizo lyo Muwaha Mulungu ko wulanjilile wuwaha muno, ho yalece kuyisemwa nghani yinji yo yose.

Yoshuwa 8:34

Hobaho Yoshuwa yakawa kuwusoma wulajilize wose kwe'zi yiwaha, wulugutwe, no wulijitwe, nha vyono vyandicigwe mu citabu co Wulajilize.

Wukumbucize wo Wulajilize 5:1

Musa yakawakonghola hamonga i Waisilayeli, yakawalonjela yakatya, “Anye nyo Waisilayeli, alu nghumunenenyi, muhulicize malajilizo gono nghumulajilizenyi izuwali. Mugeyijize, sunga mumanyile lukulu nha vyono mwakondya kugakamisa gose.

Wukumbucize wo Wulajilize 29:8

Cikayisola yisi yawo cikawagawila we milango ya Lubeni na Gadi, ne nusu yayo, cikawapela wo mulango wa Manase.

2 Zinghomo 26:5

Na mu mapango gose, lono Zekaliya yali yakali mumi, mono yamutazaga muli ze nghani yo Mulungu, Uziya yakamwitumamila Muwaha Mulungu ko wihuwilwa, na ku soko yiyo, nayo Mulungu yakamulugutiza.