Yoshuwa 1:7 - Luganuzi Luswanu Kuli Wanhu Wose 2002

⁷ Holeka weze ne vilungo, no wuhidimbazi muno. Kanyhi wulanjilile, witume zose zo wulajilize, nha vyono Musa u mwitumami wangu yakulajiliza. Hamba wulece kuyibedegala nghani yoyose ya mwilajilizo lilyo, holeka nagwe kotuga wumoteswe ko kose kono kowa kubita.

Yoshuwa 1:7 ပူးပေါင်းရင်းမြစ်များ

1 Watemi 2:2

“Gwe mwanangu Solomona, alu cipango cangu co kufwa, cafika. Holeka agwe weze wuli mupiligazi, kanyhi wuli cilume-lume,

1 Watemi 2:3

kanyhi weze kwituma zose zono Muwaha Mulungu, u Mulungu wako yakukulajiliza. Weze na cihuliko kuli zo Wulajilize wakwe wose, hamonga ne malajilizo gakwe, nha vyono gandicigwe mu Wulajilize wa Musa, ho wuwe no wumoteswe mu milimo yako yose.

2 Watemi 22:2

Ninga mutemi Yosiya, yetuma zono zamwendeza Muwaha Mulungu. Yakatyatya musambo wo kukuye mutemi Dawudi, yakawukamisiza lukulu wulajilize wo Mulungu.

1 Zinghomo 22:13

Na hono wibate wulajilize wose wono Muwaha Mulungu yawapelela Waisilayeli muli Musa, nagwe komoteswa. Holeka weze ne vilungo ne nhumbula ye citung'ati, wulece kogofywa na nghani yinji.

2 Zinghomo 15:7

Ninga anye mwisindamice, mulece kogopa. Vyono u mulimo wono mukuwituma, nha wowa na cihumbilizwa.”

2 Zinghomo 26:5

Na mu mapango gose, lono Zekaliya yali yakali mumi, mono yamutazaga muli ze nghani yo Mulungu, Uziya yakamwitumamila Muwaha Mulungu ko wihuwilwa, na ku soko yiyo, nayo Mulungu yakamulugutiza.

Jobu 1:8

Muwaha Mulungu yakamuwuza Setani yakamutya, “Ninga wumuwene mwitumami wangu Jobu? Hambi nha hasina munhu yunji mononze yiyi, mwihuwilwa, kanyhi munhu muswanu, mono yehwanile yuyu Jobu. Hambi Jobu nha kahembaga nene, kanyhi kelanjililaga muno, ho yalece kwituma nghani yo yose 'mbi.”

Zabuli 80:19

Gwe go Muwaha Mulungu, u Mulungu we mihanga, wucigomole, wucilanje ko lusungu lwako, nase coponywa.

Zimbazi 4:27

Wilegaje mu zimbi, meso gako galanje ku mwande du. Hamba nghanzo yako monga du, yilece kupatuka mu nzila.

Zimbazi 8:20

Nane niyityatyaga nzila yo mugoloka du, nhyatyaga zi nzila ze ling'ani

Danyeli 10:19

Yakawa kunyitya, “U Mulungu yakwendile 'gwe Danyeli, holeka wulece kogofywa na cinji co cose, hamba kuwa na mahwele.” Nayo yali yeza kukondya kuzilonga zizi, nane nghewona nhondo vilungo vyangu vyose vyakondya kumbuyila kanyhi, nane nghamutya, “Gwe muwaha wangu, wulonje zono wina, hambi nha wakondya kumhela vilungo.”

Wuwale 27:23

Musa yakawa kuyiwicila miwoko yakwe mu mutwe wa Yoshuwa nha vyono Muwaha Mulungu yamulajiliza. Yakawa kumuwika ha mwande, yakawa kuwalonjela wanhu, vyono Yoshuwa yo yakondya kuwuhalila u mulimo wakwe.

Wukumbucize wo Wulajilize 11:8

“Holeka mugebataje malajilizo gose gono nakondya kumulonjelenyi izuwali. Ho mosuma kulilowoka likolongo no kuyisola yisi yono muyilindiye kuyitema.

Wukumbucize wo Wulajilize 12:32

Holeka muzitumaje zose zono nakondya kumulajilizenyi, mulece konjeleza hamba kucepula nghani yo yose muli zizi.”

Wukumbucize wo Wulajilize 28:14

Ninga mwilanjilile, mulecele lukulu kugasemwa malajilizo gaga, hanyuma muhembe milungu yinji no kuyitumamila.”

Wukumbucize wo Wulajilize 29:8

Cikayisola yisi yawo cikawagawila we milango ya Lubeni na Gadi, ne nusu yayo, cikawapela wo mulango wa Manase.

Wukumbucize wo Wulajilize 29:9

Holeka muzibate muno ko wihuwilwa zinghani zose ze cilagane cici, ho musume kutuga wumoteswe muli zose zono mowa kwituma.

Wukumbucize wo Wulajilize 31:7

Hanyuma Musa yakawa kumucema Yoshuwa, yakawa kumulonjela ha mwande ye wanhu wose Waisilayeli yakutya, “Weze ne vilungo ne nhumbula yo wutung'ati, hambi nha yo gwegwe mono kowatonga wanhu wawa sunga wayisole yisi yono Muwaha Mulungu yawehuwiza walezi wawo.

Wukumbucize wo Wulajilize 4:2

Ninga mulece konjeleza hamba kucepula muli zose zono nghumulajilizenyi. Langa mweze ne cihuliko du kuli malajilizo go Muwaha Mulungu, u Mulungu wenyu, gono nakondya kumulonjelenyi.

Wukumbucize wo Wulajilize 5:32

“Holeka anye nyo Waisilayeli, mumanyile lukulu vyono munojeye muzikamise no kwituma zose zono Muwaha Mulungu, u Mulungu wenyu yamulajilizenyi. Kanyhi mulecele lukulu kuwubedegala wulajilize wakwe.

Yoshuwa 1:1

Ale, lono Musa u mwitumami wo Muwaha Mulungu yaza kuwa yafwiza, u Muwaha Mulungu yakamulonjela Yoshuwa u mwana wa Nuni u mutazi wa Musa.

Yoshuwa 1:8

Wulanjilile, citabu cici co wulajilize ceze kusomwa nhondo zose mu wuhembi wenyu. Kanyhi weze kwilanjiza za mumo ku misi na ku cilo, no kwituma zose nha vyono zandicigwe mumo. Nagwe ho komoteswa muno, mu zinzila zako zose.

Yoshuwa 1:9

Wukumbucile vyono, yo nene nakulajiliza wuwe ne vilungo ne nhumbula yo wutung'ati. Holeka wulece kogopa hamba kukatala, hambi ane no Muwaha, Mulungu wako, nha nowa hamonga nagwe ko kose kono kowa kubita.”

Yoshuwa 11:15

Hambi Muwaha Mulungu nha yali yakondya kumupela Musa malajilizo gaga. Nayo Musa, yali yakondya kumupela Yoshuwa, nayo Yoshuwa yakagebata. Yaketuma zose nha vyono Muwaha Mulungu yali yamulajiliza Musa.

Yoshuwa 23:6

Holeka mulanjilile, mwitume zose zono zandicigwe mu citabu co Wulajilize wa Musa. Mulece kuyileka nghani hamba monga.