Yohana 9:7 - Luganuzi Luswanu Kuli Wanhu Wose 2002

⁷ no kumutya, “Wubite wukezuguze mu cilamba ca Silowami.” (nhunizo ye litagwa lili, wo wutya “Mutumwe.”) Nayo u mubofu yakabita, yakezuguza, yakawuya yakuwona.

I CILAGANE CIPYA 1991

⁷ no kumutya “Wubite wukezuguze mu cilamba ca Silowami.” (Nhunizo ye litagwa lili, wo wutya “Mutumwe.”) Nayo u mubofu yakabita, yakezuguza, yakawuya yakuwona.

Yohana 9:7 ပူးပေါင်းရင်းမြစ်များ

Nehemiya 3:15

Shalumu u mwana wa Coli-hoze u mulongola wa Mizipa, nayo yakazenga lilango lye mivwilo, yakaligubika, no winjililo. Yakawicila ne milango yayo, ne vyuma ne makomeyo. Kanyhi he cilamba ca Shela, yakazenga lijinji behi ne busitani yo wutemi, sunga ho ha madalaja gono gabitile mwi'kaya lya Dawudi.

Zabuli 146:8

kanyhi Muwaha Mulungu, kawanuguzaga meso wono wabofuye. Muwaha Mulungu kawenulaga wono wagwiye, Muwaha Mulungu yawendile wono wali ling'ani.

Wutuluce 4:11

Muwaha Mulungu yakamutya Musa, “Gwe Musa, mwene mono kamupelaga munhu mulomo, nani? Hamba nani mono kamunozaga munhu kawa yali ciziwi, hamba kawa yali cibwibwi? Hamba nani mono kamupelaga munhu wuwone, hamba mono kamunozaga kawa yali cibofu? Alu wumanye vyono yo nene no Muwaha Mulungu mono nizinozaga zizo zose.

Isaya 32:3

Ne meso gawo golowa gawalanjile wanhu, nago makutu gawo golowa gahulicize, ho gahulice visakwa vye wanhu.

Isaya 35:5

Ne wabofu wolonuguzwa meso, wawone, nawo we ciziwi, wolosuma kuhulika.

Isaya 42:7

Nagwe kowanuguza meso i wabofu, kanyhi kowawopolela wose wono wekaye mu wutitu mu jela.”

Isaya 43:8

U Mulungu yakutya, “Waletenyi ku wuling'anizwe wanhu wangu. Hambi nha wena meso, ninga hamba si wakuwona yaye, wena ne makutu, ninga hamba si wakuhulika yaye!

Isaya 8:6

Yakatya, “Alu i wanhu wawa vyono wagalema malenga ga Shilo gono gavwilaga mhola mhola, langa wamucicimilaga mutemi Lezini, no mutemi Peka.

Matayo 11:5

vyono i wabofu wakuwona kanyhi, we vitewe nawo, wakujenda, nawo wono wena wukoma, wakwezwa, na we ciziwi nawo wakuhulika, kanyhi sunga na wono wafwiye, nawo wakuzukulwa, ne waciwa nawo wakuganulilwa u Luganuzi Luswanu.

Luka 13:4

Hamba wanhu walya we likumi na munana wono wagwilwa no munala ku Silowami, wakawulagwa, mukuwona wawo wali wabi, wacizize wose wono wekaye ku Yelusalemi?

Luka 2:32

Wuzelu wo kuwagubulila wono si Wayahudi. No lukumyo lwe wanhu wako Waisilayeli.”

Yohana 10:36

Alu ma, u mwene mono Baba yamuhagula, yakamutuma kononze, mukumutya yakutovula, ati vyono nheye, ‘Ane nili Mwana wo Mulungu?’

Yohana 11:37

Ninga wanji wakatya, “Munhu ayu yasuma kumunuguza meso u munhu we cibofu, alu si yali yasume kumwimila Lazalo yalece kufwa.”

Yohana 9:11

Nayo yakawatya, “U Munhu mono yakucemwa Yesu, yo yavuwile lilongo, kawa kumbaka mu meso, hanyuma kawa kunyitya, ‘Wubite ku Silowami, ukezuguze,’ Nane niwa kubita kwizuguza, niwa kuwona.”

Yohana 9:39

Yesu yakatya, “Ane naza akuno kononze ho ndavye wuling'anize, wono si wakuwona, watuje kuwona, na wono wakuwona, wabofule.”

Metumo ge Watumwa 26:18

Kowabunzulula i meso gawo, ho wasume kuwuka ku wutitu, ho wapitucile kuzelu, wawuce mu vilungo vya Setani, wamupitucile Mulungu, na so wihuwilo, ho watuje wunenelwe wo wubi, ho watuje wuhazi, hamonga na walya wono wakondya kuwa wanhu wo Mulungu.’

Walumi 8:3

U Mulungu yaketuma, yono u Wulajilize si wasuma kwituma so wusocele wo munhu. U Mulungu yakamutuma u mwanagwe, mu hwani yono yiling'aniye no muwili wetu ase co wanyo wubi, ho vidome no wubi, na so muwili wuwo, yakawusuma u wubi.

Wagalatiya 4:4

Ninga i vilo vyali vyeza kufika, u Mulungu yamutuma u Mwanagwe mono yalelwa no mucekulu, yakekala mu Wulajilize,