Yohana 7:7 - Luganuzi Luswanu Kuli Wanhu Wose 2002

⁷ Sunga ne wanhu wa mononze, si wosuma kumusulenyi anye, langa ane wasulile, ku soko nghuwalonjela, vyono i metumo gawo mabi.

I CILAGANE CIPYA 1991

⁷ Sunga na wanhu wa mononze, si wosuma kumusulenyi anye, langa ane wasulile, kusoko nghuwalonjela, vyono i metumo gawo mabi.

Yohana 7:7 ပူးပေါင်းရင်းမြစ်များ

1 Watemi 21:20

Nayo Ahabu yali yeza kumuwona Eliya yakuza, yakamutya, “Alu langa izuwali, wanyibata go mulugu wangu.” Nayo Eliya yakamutya, “Heya nakwibata. Hambi nha kwiyendela gwegwe go mweneco kwituma zimbi hali Muwaha Mulungu.

1 Watemi 22:8

Nayo Ahabu yakapitula yakatya, “Ho yuli muwizi yunji mono yakucemwa Mikaya u mwana wa Imula. Ninga u munhu yuyo, ane nimusulile muno muno, vyono mwene yakali nambilila nghani swanu, hamba kamonga bwete, langa mwene kambililaga nghani 'mbi du nhondo zose.” Yehoshafati yakamutya, “Wulecele lukulu kulonga nhavivyo.”

Zabuli 109:5

Wene wakundipa zimbi, ku soko yo wuswanu wangu, kanyhi wakusula ku soko yo wendo wangu.

Zimbazi 15:12

Ne wanhu wabedegazi, si wendaga wufundwe yaye, kanyhi hamba si wendile kuwuza nghani kuli we mahala.

Zimbazi 8:36

‘No munhu mono si yakumbona'ne, yakwitamisa mweneco. No munhu mono yasulile 'ne, ayo yendile lifwa.’ ”

Isaya 29:21

Mulungu kolowongomeza wanhu wose wono wendile kuwasonjeza-sonjeza wayawo. Hamonga na wono wendile kuwahijila i wabeno lajilize, na wono wendile kulonga zo wulambi ho wawapamanjize iwanhu we ling'ani walece kunozezwa i ling'ani yawo.

Isaya 49:7

Mulungu mono yelile wa Isilayeli, u Mukombozi wawo yakumulonjela mono yakubedegalwa ne wanhu, na mono yakusulwa ne makungugo, na kuli mwitumami we watemi, yakutya nhavi, “Watemi kolo wakukuwona, wokwinucila walajile cogopo cawo kuli'gwe, ne wana we watemi, nawo woziwona zizo, nawo wokwinama hasi, wakupele lilumbo.” Na zizi zose zolokwijela, vyono Muwaha Mulungu kakondya kumuhagula mwitumami wakwe, U Mulungu mono yelile wa Isilayeli, mwene kakamisaga wihuwizo wakwe.

Yelemiya 20:8

Na ho hose lono nghulonga, nghulila du nzozize, nghutya, “Wukali! No Wongomele.” Gwe go Muwaha Mulungu, alu'ne nha nghuhong'ongwa, hamonga no kusowa misi yose. Ku soko'ne vyono nghuyiganula nghani yako.

Walawi 13:10

ho yalangwe. Na hono hawe holili yivimbe yizelu mu nghuli yakwe munhu yuyo, lyono lina mvwili nzelu hamonga no wufila,

Zakaliya 11:8

Nghawa sina witumbilo kuli wadimi wadatu wa ha mwamulizo, wono wakasula muno ho baho nane nghawa kuwawusa wose mu mwezi monga.

Malaki 3:5

Muwaha Mulungu we mihanga yakutya, “Ane nolomuzizenyi so wuling'anizi, nane nowa muhomelezi mupelu kuli wono wendile kwituma zo wuhawi, na muli wasenyha, na muli wono walavyaga wuhomelezi wo wulambi, na muli wono wawapujilaga i wetumami wawo musahala wawo, na muli wono wawewonelaga i wafwile, ne wana wono wasina walezi wawo, ne wajenzi. Sunga na muli wose wono si wanyogopile 'ne.”

Luka 6:26

Woyi he nye kolo wakumulumbizenyi wanhu wose, hambi walezi wawo nha vyo wawatendela i wawizi wo wulambi.”

Yohana 17:14

Ane niwapela inghani yako, nawo we yinze wakawasula, hambi wene nha si we yinze, nha vyono ane nane si nili we yinze.

Yohana 3:19

Ne ning'aniza yeneco nha yoyi, uwuzelu waza kononze, ninga wanhu wakenda wutitu si nho wuzelu, vyono metumo gawo mabi.

Walumi 8:7

Hambi mono yatemigwe ne mahweso ge cimunhu-munhu, nha vili sili no Mulungu, si kawuhulikaga u wulajilize wo Mulungu, hamba si kosuma kuwuhulika yaye.

Wagalatiya 4:16

Alu ma! Neza nili mulugu wenyu vyono nghumulonjelenyi i mbeka?

Yakobo 4:4

Anye muli wanhu mono si muli wehuwilwa, mwihwanile wasenyha. Simumanyile vyono munhu hono yawe kuyenda yinze, yawa mulugu wo Mulungu? Wo wose mono yakusaka yawe kuyenda yinze, yakwinoza yawe mulugu wo Mulungu.

1 Yohana 4:5

I wene walongaga za mononze, nayo yinze yikuwa huliciza vyono wene wo wa mononze.