Yohana 6:9 - Luganuzi Luswanu Kuli Wanhu Wose 2002

⁹ “Yali bahano mudodo yumonga, mono yena mikate mihano ya shayili ne zisomba nyejete; ninga vivi vyokwila cici kuli wanhu wenji nha wawa?”

I CILAGANE CIPYA 1991

⁹ “Yali bahano mudodo yumonga, mono yena mikate mihano ya Sayili ne zisomba nyejete; ninga vivi vyokwila cici kuli wanhu wenji nha wawa?”

Yohana 6:9 ပူးပေါင်းရင်းမြစ်များ

1 Watemi 4:28

Nawo wose mu wilecele wawo, walavyaga yumonga yumonga, shayili ne mahanze, vyono vyasakwaga ku soko ye zifwalasi zono zakwegaga mikokoteni yo wulugu, hamonga ne zinimu zinji.

2 Watemi 7:1

Elisha yakamupitula yakatya, “Ale wuhulicize zono Muwaha Mulungu yakulonga! Yakutya nhavi, i mitondo kwinha vivi, mumu mono Samaliya mosuma kugula kilo yidatu za wusaje wuswanu kwa fweza monga du, hamba shayili kilo mutandatu, nazo kwa fweza monga du.”

Zabuli 147:14

Kawika mulamu mu mipaka yako kanyhi yakukwigutya no wuhemba wuswanu muno.

Zabuli 78:19

Wamulonga Mulungu wakutya, “Alu mwene mbeka, Mulungu kosuma kucipela ndigwa mu muno mono nyika?

Zabuli 78:41

Wakamujela Mulungu kali kenji muno muno, wakamukalaza muno muno yuyo, Mono Yelile wa Isilayeli.

Zabuli 81:16

Ninga nali nghulise agwe, ko wuhemba wuswanu, kanyhi nali nghwigusye no wuci wa mwi'talawe.”

Ezekiyeli 27:17

Sunga ne yisi ya Yuda na Isilayeli, nawo nhavivyo, wakakuletela wuhemba no wuci, ne mafuta, no hati ye mhunjile swanu, wakakawa ne vinhu vyako.

Matayo 14:17

Ninga i wene nawo wakamutya, “Ase ahano cisina cinhu co cose, langa cina mikate mihano du, na somba nyejete.”

Matayo 16:9

Alu hongo mukali hamba natanga yaye? Alo si mukukumbucila nha vyono nayibegula ayilya i mikate mihano so wanhu walya elufu yihano? Wulenyi, mwamevya nhoto yilinga muli ze vibegulwa vyono vyasigala?

Maluko 6:38

Nayo Yesu yakawawuza, yakatya, “Alu 'nye mwina mikate milinga?” Bitenyi mukayilanje. Waza manya wakamutya, “Hoyili mikate mihano ne zisomba nyejete.”

Maluko 8:19

i cidaha cilya lono nayibegula mikate yiyilya mihano, no kuwapela wanhu elufu yihano? Wulenyi, mwatondola nhoto yilinga zono zali zimemile vibegulwa vyono vyasigala?” Wakamutya, “Ikumi na nyejete.”

Luka 9:13

Ninga Yesu yakawatya, “Muwapele nyenye ndigwa walye.” Wakatya, “Ase cisina cinji, langa mikate mihano du na somba nyejete, lunji cibite co weneco cikawagulile ndigwa wanhu wawa wose!”

Yohana 11:21

Malita yakamutya Yesu, “Muwaha, mhali wali wuwe wuli baha, u lumbu lyangu si yali yafwe ng'o.

Yohana 11:32

Nayo Malyamu yaza kufika hono hali ho yuli Yesu, yaza muwona, yakafugama, yakamutya, “Muwaha mhali wali wuwe wuli baha, ulumbu lyangu si yali yafwe ng'o.”

Yohana 21:10

Yesu yakawatya, “Letenyi ta, imasomba ganji gono munimuye lulu.”

Yohana 21:13

Yesu yakaza, yakasola mukate yakawapela, ne zisomba yakanoza nhavivyo.

Yohana 21:9

Waza kutima ku nhumbi, wakawona moto wa makala wukolelezwe, na mucanyha yayo, mwali na somba na mukate vikasikwe.

Yohana 6:11

Baho Yesu yakayisola i mikate yiyilya, yakamulumbo Mulungu, yakawagawila wanhu wono wali wekaye, ne zisomba nhavivyo, na wose wakatuga munhu ha nghango yakwe.

Yohana 6:7

Filipo yakamupitula yakatya, “Mikate ya dinali magana mejete, si yowakwila wanhu wawa, hamba munhu yasole cidodo munhu cidodo.”

2 Wakolinto 8:9

Hambi anye nha mulimanyile lihewa lyo Mutwa wetu Yesu Kilisito, nha vyono mwene hamba yawe yali yakwizize vyose, ninga yakenoza nha muciwa ku soko yenyu, anye ho mugolipile mu wuciwa wakwe.

Wukumbucize wo Wulajilize 32:14

Zing'ombe zawo hamonga ne zimhene zawo zikalavya mele menji muno. Nawo wakawa wagoli we zingholo, ne zimhene ne zing'ombe ziswanu zono zijinile. Kanyhi wakawa no wusaje wuswanu, hamonga ne divayi.

Wukumbucize wo Wulajilize 8:8

Yisi yono yikulela ngano, na shayili, na zabibu, ne makomamanga, yisi ye mafuta, no wuci.

Wugubule 6:6

Nghahulika cinhu cinji kotya nha yizi lyono likulawilila kuli vivilya viwumbwa vine vyumi. Nalyo lizi lilyo likatya, “Cibaba cimonga ca wusaje wa ngano, cogulwa dinali monga, na vibaba vidatu vya shayili, navyo vyogulwa dinali monga nhavivyo. Ninga wulanjilile, wulece kuhodanga mafuta hamba divayi!”