Yohana 5:4 - Luganuzi Luswanu Kuli Wanhu Wose 2002

⁴ hambi Malayika wo Muwaha, nha yatimaga hanji na hanji mwilamba, yakugatilibula malenga, no munhu wo wose mono yalongolaga kwinjila mu malenga lono gali gatilibuka, yuyo yakapona mu wutamwa wakwe.]

I CILAGANE CIPYA 1991

⁴ hambi Malayika wo Muwaha, nha yatimaga hanji na hanji mwilamba, yakugatilibula malenga, no munhu wo wose mono yalongolaga kwinjila mu malenga lono gali gatilibuka, yuyo yakapona mu wutamwa wakwe.]

Yohana 5:4 ပူးပေါင်းရင်းမြစ်များ

2 Watemi 5:10

Nayo Elisha yakatuma mwitumami wakwe yakamulonjele Naamani vyono yabite yakehovuje kali mupunghati mwi'kolongo lya Yoludani, nayo konojela lukulu wutamwa wakwe.

Zabuli 119:60

Nane hamba si nocela yaye, ku wutyatya malajilizo gako,

Zimbazi 6:4

Wulece kuleka meso gako gagone, hamba nghope zako zituje nhongo.

Zimbazi 8:17

Niwendile wono wanyendile nayo mono yakunondola, kombona.

Muganuzi 9:10

Nghani yo yose yono wendile kuyituma, wuyitumaje kwe vilungo vyako vyose, hambi ku yisi ye wafu kono kobita, nha kusina milimo, hamba lihweso lyo lyose, hamba wumanye, hamba mahala bwete.

Ezekiyeli 47:8

Hanyuma u munhu yuyo yakanyitya, “I malenga gaga gakuhuluma gadomile ku lubavu lwa kucilima ye yisi, gakoleye mwi'lolo lya Yoludani, gakubita kwinjila mwi'lenga lyo mwino. Nago kolo genjila mumo mwi'lenga lyo mwino, gogapolofya gago malenga ga mwi'lenga lyo mwino gawe mapolo.

Hoseya 13:13

Isilayeli yena cilejeho co kwikala mumi. Ninga yo nghani yo wulele kuwihwesa havivi, hambi nha yenha mugalika mono yali mu cidaha co kulelwa, ninga kawa kulemelela mu'nda yo nyina.

Zakaliya 13:1

“Muwaha Mulungu we Mihanga yakutya, vilo vivyo kolo vyafika, mumvilo wolodigulwa, wuweze wanhu we ndelo ya Dawudi, ne wanhu wa ha Yelusalemi, u wubi wawo hamonga no wuhemba milungu yinji.

Zakaliya 14:8

Na mwi'zuwa lilyo, malenga maswanu golohuluma gakulawilila ku Yelusalemi. Nusu yago, golokwinjila mwi'lenga lyo mwino, ne nusu nzagwe ye kejete, golokwinjila mwi'lenga lya Meditelaneya. Lyolohuluma vilo vyose vya mu mwaka wose. Mu vipango vye cifuku ne cibahu.

Matayo 11:12

Kuwulawilila mu vilo vya Yohana sunga nalu, u Wutemi wa ku wulanga wukwinjilwa kwe vilungo muno muno, ne wanhu i wahidimbazi, wo wakujela kuwutuga kwe vilungo.

Matayo 6:33

Ninga hamonga na zizo zose, mwamule kuwulondola u Wutemi wo Mulungu, na zose zono u Mulungu yakuzihila, holeka na zizo zose mokonjelezwa.

Luka 13:24

Yesu yakawatya, Muhidimbale kwinjila mu mulango mufinyu, hambi nha nghumulonjelenyi mbeka, vyono wenji wojela kwinjila, ninga si wosuma.

Luka 16:16

U Wulajilize ne mandiko ge wawizi, vyali vili baho, sunga mwidaha lya Yohana u Mubaputizi, vyono wulawa lululya u Luganuzi Luswanu lo wutemi wo Mulungu lukuganulwa, no munhu wo wose yakuwinjila kwe vilungo.

Yohana 5:3

Mumo mo waswezaga mhuga ye watamwa, wabofu, we citewe, wono wadejepe. [Wakulindila wutilibulwe we malenga,

Yohana 5:5

Ale, hali na munhu yunji baho, mono yali mutamwa myaka makumi madatu na munana.

Yohana 5:7

U mutamwa yakamupitula yakatya, “Muwaha, ane sina munhu wo kunhajila mu malenga, mu cipango cono gakutilibuka. Hambi ane hono nghusaka kwinjila, yunji yakuwa yalongola kwinjila.”

1 Wakolinto 6:11

Nanye wanji muli nyenye vyo mwali, ninga aluno mwahovugwa mu wubi, mukanozwa muwe mwelile, no kusiwanulwa so Mulungu, mukalamulwa no Mulungu, mwi'tagwa lyo Muwaha Yesu Kilisito na ko Muhe wo Mulungu wetu.

1 Yohana 1:7

Langa hono cikale mu wuzelu, nha vyono u mwene yali mu wuzelu, baho langa cowa no wumonga sese kwa sese, ne sakami yakwe Yesu Kilisito u Mwanagwe, yocikwema mu wubi wose.