Yohana 4:10 - Luganuzi Luswanu Kuli Wanhu Wose 2002

¹⁰ Yesu yakamupitula yakamutya, “Mhali wuwe wumanyile i cipegwa ca kuli Mulungu, nayo yo nani mono yakukutya, wumhele malenga ning'we, nagwe wali wumulombe, nayo yali yakupele malenga go wumi.”

I CILAGANE CIPYA 1991

¹⁰ Yesu yakumupitula yakamutya, “Mhali wuwe wumanyile i cipegwa ca kuli Mulungu, nayo yo nani mono yakukutya, Umhele malenga ningʼwe, nagwe wali wumulombe, nayo yali yakupele malenga go wumi.”

Yohana 4:10 ပူးပေါင်းရင်းမြစ်များ

Yohana 4:14

Ninga muli wose mono kong'wa malenga gono nomupela, si kokalucila lukulu. Malenga gono nomupela gowa muli mwene nha muvwilo wa malenga, gakuvwila sunga ku wumi we cibitilila.”

Wugubule 7:17

hambi u Mwana we ngholo mono yali haciligati ye ligoda lyo wutemi, nha yo kolowa yo mudimi wawo, nayo kowatonga sunga ko ku mivwilo ye malenga go wumi. No Mulungu kogapatila lukulu mahozi gose ga mu meso gawo.”

Isaya 44:3

Nane noyipela malenga yisi yono yina nyhilu, kanyhi notula makolongo gahulume mu yisi nghavu. Nane nowajidila zo muhe wangu i wana wenyu. Kanyhi nowalugutiza we zindelo zenyu.

Wugubule 21:6

Hanyuma yakawa kunonjela yakutya, “Zose 'lu, zakondya! Ane yo nene wo Mwamulizo na wo Mudumo. Nayo mono yakaluce, ane nomupela co kung'wa bwete, ku wulawa mu mivwilo ye malenga go wumi.

Yohana 3:16

Ku soko u Mulungu yayenda yinze nha vivi, sunga yakamulavya Mwanagwe we ciwene, na muli wose mono yakumwihuwila, yalece kwajilila, langa yawe no wumi we cibitilila.

Yelemiya 2:13

Hambi i wanhu wangu nha wetuma wubi wuli hejete, wandeka 'ne mono nili muvwilo we malenga go wumi. Wene wehimbila visima vyono vikung'welela mbela mbela, vyono si vyosuma kwikala na malenga.

Wugubule 22:17

U Muhe hamonga na bibi halusi walonje watye, “Wuze!” Nayo u munhu wo wose mono yakuyihulika yiyi, nayo yatye, “Wuze!” Na mono yakaluce, ale yaze, nayo mono yakugasaka i malenga go wumi, yasole bwete.

Zakaliya 14:8

Na mwi'zuwa lilyo, malenga maswanu golohuluma gakulawilila ku Yelusalemi. Nusu yago, golokwinjila mwi'lenga lyo mwino, ne nusu nzagwe ye kejete, golokwinjila mwi'lenga lya Meditelaneya. Lyolohuluma vilo vyose vya mu mwaka wose. Mu vipango vye cifuku ne cibahu.

Walumi 8:32

U Mulungu mono si yamutetela u Mwanagwe we ciwene, langa yakamulavya ku so sese wose. Alu hono yetuma nhavivyo, wule, si kocipela ne ziswanu zose?

1 Wakolinto 10:4

Na kanyhi wakang'wa ne cing'wegwa cicilya ce cimuhe, hambi nha wang'wa mu wulawa mwi'bwe lililya lye cimuhe lyono lyawatyatyaga, ne libwe lyeneco lilyo, lyali yo Kilisito mweneco.

Isaya 12:3

Ne wanhu wo Mulungu wasangalalaga lono yawaponya, nha vyono malenga ge mbeho gamusangalazaga mono yena nyhilu mwizuwa likali.”

Yohana 6:35

Yesu yakawatya, “Ane yo nene ndigwa yo wumi. Mono yakuza kwangu, si kodabucila lukulu. Na mono yakwihuwila kuli nene, si kokalucila lukulu.”

Isaya 49:10

nawo si wolodabuka yaye, hamba kutuga nyhilu ya malenga. Nalyo lizuwa hamonga ne livuce lya mu nyika, si vyolowatamisa yaye, hambi nha wolowa wali mu wutonji wa mono yawendile. Mwene kowatonga ku mivwilo ye malenga.

Zakaliya 13:1

“Muwaha Mulungu we Mihanga yakutya, vilo vivyo kolo vyafika, mumvilo wolodigulwa, wuweze wanhu we ndelo ya Dawudi, ne wanhu wa ha Yelusalemi, u wubi wawo hamonga no wuhemba milungu yinji.

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Yohana 6:51

Ane yo nene indigwa yo wumi, yono yatima kulawa ku wulanga, munhu wo wose hono yalye indigwa yiyi, kokwikala mumi cibitilila, ne ndigwa yono nomupela, wo muwili wangu wono nghuwulavya so wumi we yinze.”

Isaya 43:20

Nane kolo nakondya kutula makolongo gakuhuluma mu nyika, no kuwapela malenga i wanhu wangu wahagulwa, ale baho, sunga ne malimu gose ga mu mbago nago ho gomhela cogopo, nazo zinyhewe ne zinyacihema zonghumya nene.

Isaya 35:6

Nawo we citewe, wolozumha-zumha no kuvina, nawo wono wali cibwibwi, wolokwimba na nyemo. Vikolongo vye malenga vyolohuluma mu nyika.

Zabuli 46:4

Holili likolongo lyono malenga galyo, galisangalazaga likaya lyo Mulungu, wikalo wono welile wa Mono Yalawiliciye Muli Vyose.

Wutuluce 17:6

Wulanje, nane nokwima ha mwande yako mwi'talawe, kuko he'tunda lya Holebu lyono likucemwa Sinayi. Nagwe wutowe litalawe, ne nghome yako, nago malenga golawila mumo mwi'talawe nawo wanhu wong'wa.” Ale, nayo Musa yakanoza nhavivyo ha meso ge wanyamhala we Waisilayeli.

2 Wakolinto 9:15

U Mulungu yalumbwe so cipegwa cakwe cono ase si cosuma kucikumya nha vyono yicinojeye.

Luka 11:13

Hono anye mono muli wabi, mumanyile kuwapela wana wenyu vinhu viswanu, u sogo yenyu wa ku wulanga yo yacilile, kowapela Muhe Mono Yelile wono wakumulomba.”

Isaya 42:6

“Ane yo nene Muwaha Mulungu mono nakucema, nghakupela no wusume ho wusume kuyiwona ling'ani yikunozwa kono'nze. Nane nonozeza muli gwegwe cilagane cangu ne wanhu wangu wose. Na muli gwegwe, mo nowuletela wuzelu wubulile muli makungugo.

Waefeso 2:8

Hambi nha mwakombozwa ku so lihewa lyo Mulungu mu nzila yo wihuwilo. Ne nghani yiyi si yili mu wuhidimbale wetu, langa cipegwa co Mulungu du.

1 Wakolinto 1:30

U Mulungu mweneco du yo yamulunzenyi anye na Kilisito Yesu. U Mulungu yamunoza Kilisito, yo yawe go mahala getu, na mu nzila yakwe du, ase mo cikulamulilwa no Mulungu, cikuwa cili wanhu wo Mulungu mono celile, kanyhi mono cakondya kukombozwa nayo.

Isaya 9:6

Hambi nha calelelwa mwana! Capegwa mwana wa cilume! Nayo yo kowa yo mutemi wetu. Ne litagwa lyakwe kocemwa, “Mwijizi wo Wizine, Mulungu mono yali Vilungo.” “U sogo yetu we Cibitilila, Mutemi wo Mulamu.”

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

Yohana 16:3

Wolomunozezenyi nhavivyo, ku soko vyono si wamumanyile Baba, hamba na nene si wamanyile yaye.

Metumo ge Watumwa 9:11

Nayo u Muwaha yakamutya, “Winuce wubite ku nzila yono yicemwaga nzila yono yigoloce, wukawuze mu kaya ya Yuda, munhu yunji mono kacemwaga Sawulo, munya Taliso, nayo yakulomba,

Zabuli 10:17

Gwe go Muwaha Mulungu, kubocelaga cililo co musocele, kumuhulicizaga no kumusikamya mu nhumbula yakwe.

Lwimbo Luswanu muno 4:15

Visima viyimwajilaga busitani malenga, hamonga ne mivwilo ye malenga. Ne vikolongo vya mu matunda ga Lebanoni, vyono vikuhuluma musunho. Zinghani za we cicekulu

Wahebelaniya 6:4

Hambi alu kuli wanhu wono wakondya kuwubeza u wihuwilo wawo, yosumika nhawule kuwagomola ho wanene kanyhi? Ku soko i wanhu wawo wali wakondya kuwa mu wuzelu wo Mulungu, wali wakondya kucijeza ne cipegwa ciswanu ca ku wulanga, kanyhi no kuhanjizwa mu Muhe Mono Yelile,

Ezekiyeli 16:35

Holeka 'gwe go Yelusalemi go malaya! Alu wuhulicize zono Muwaha Mulungu yakulonga yakutya,