Yohana 2:18 - Luganuzi Luswanu Kuli Wanhu Wose 2002

¹⁸ Baho iwawaha we Wayahudi wakamuwuza Yesu wakutya, “Alo konoza citanjiloci, cono colajila vyono agwe wina ling'ani yo kunoza zizi?”

I CILAGANE CIPYA 1991

¹⁸ Baho iwawaha we Wayahudi wakamuwuza Yesu wakutya, “Alo konoza citanjlioci, cono colajila vyono agwe wina lingʼani yo kunoza zizi?”

Yohana 2:18 ပူးပေါင်းရင်းမြစ်များ

1 Watemi 13:3

Nayo muwizi yakamulonjela kanyhi Yelobowamu yakatya, “Ne citanjilo cayo cocino, i cikumbicilo cici, copanduka cilawe hejete, ne mavu gono gali mumo gomwajika geyagale caka. Nagwe baho ho komanyila nha vyono, mbeka Muwaha Mulungu kalonjela muli'ne.”

Wutuluce 7:9

“Hono mutemi Falawo yasace kuwona mapoto ho yamwihuwilenyi, ale, wumutyaje Haluni yayigumile nghome yakwe ha mwande yo mutemi, nayo yohunduka nzoka.”

Matayo 21:23

Yesu yakenjila kanyhi mu Nyumba yo Mulungu yakawa yakwijiza mumo, na lono yejizaga, i wakohani wawaha, hamonga ne wanyamhala we wanhu wakamuwuza, wakutya, “Alu mwene, wukwitumila zizi zose mu wulajilize wa hayi? Hamba yo nani mwene mono yakupelile u wulajilize wuwuno?”

Maluko 8:11

Iwafalisayo wakaza, wakanza kwiwuza na Yesu. Nawo wakawa kumujela, wakamusaka yawanozeze citanjilo cono cikulajila vyono mwene yena wukombolwe kulawa ku wulanga.

Luka 11:29

Ne lipuga lye wanhu lyaza kucila kumuziza, Yesu yakawalonjela yakatya, “Lulelo lulu lubi; lulondolaga citanjilo; ninga si lopegwa citanjilo cocose, langa citanjilo ca Yona.

Yohana 1:19

Awu wo wuhomelezi wa Yohana wono yawulonga, lono wawaha we Wayahudi wa ku Yelusalemi, wamutumila wakohani ne Walawi wamuwuze vyono mwene yo nani.

Yohana 1:25

Nawo wakamuwuza Yohana wakamutya, “Alu agwe hono si wuli Kilisito, hamba Eliya, hamba muwizi yulya, nhawule wukubaputiza?”

Yohana 6:30

Baho wakamutya, “Alo konoza citanjilo ci, ciciwone, nase ho cikwihuwile?”

Metumo ge Watumwa 4:7

Waza kuwawika iwatumwa hamwande yawo, wakawawuza wakutya, “Alu 'nye, mukwitumila zizi mu vilungo vya hayi, na mwitagwa lya nani?”

Metumo ge Watumwa 5:28

“Ase camulemezenyi cagalanze, vyono mulecele lukulu kwijiziza mwi'tagwa lyo munhu yuyu, alu kumbe anye mwagatandaza imafundo genyu hanhu hose mu Yelusalemi, sunga nalu mukuhila kuciletela lilema lyo wufwe wo munhu yuyo.”