Yohana 2:11 - Luganuzi Luswanu Kuli Wanhu Wose 2002

¹¹ Aci co citanjilo cilongozi, Yesu yacinozeza ku Kana ya ku Galilaya, yakalulajila u lukumyo lwakwe, nawo wejizwa wakwe wakamwihuwila.

I CILAGANE CIPYA 1991

¹¹ Aci co citanjilo cilongozi, Yesu yacinozeza ku Kana ya ku Galilaya, yakalulajila u lukumyo lwakwe, nawo wejizwa wakwe wakamwihuwila.

Yohana 2:11 ပူးပေါင်းရင်းမြစ်များ

1 Watemi 17:24

Nayo mucekulu mufwile yakamupitula yakatya, “Alu nhondo ho namanya he, vyono agwe mbeka wuli munhu wo Mulungu, kanyhi na vyono Muwaha Mulungu yakulonjela muli gwegwe!”

Zabuli 72:19

Ilitagwa lyakwe lye nhojo, likumywe cibitilila. No lukumyo lwakwe lumeme mu yinze yose. Heya, heya!

Zabuli 96:3

Mugalonjele makungugo zo lukumyo lwakwe, hamonga na ze metumo gakwe, mawaha kuli wanhu wose.

Wutuluce 14:31

Nawo Waisilayeli wali weza kuliwona litumo lilyo lyo wizine, lyono yetumile Muwaha Mulungu kuli Wamisili, nhondo nawo wakawa na cogopo kuli Muwaha Mulungu. Wakamwihuwila Muwaha Mulungu, hamonga na Musa mwitumami wakwe.

Wutuluce 4:9

Ninga yiwezaga lunji so mapoto gagano gose vyono mejete, walece hamba kukwihuwila, na hono walemele lukulu kuzihulika zono wukuwalonjela, ale, wuneje malenga madodo ga mwi'kolongo lya Nile, wugamwaje hasi. Nago malenga gago, gohunduka kamonga baho hasi gawe sakami.”

Muganuzi 9:7

Holeka, wubite wukalye ndigwa yako ko wusangalale, wukang'we ne divayi yako ne nhumbula yono wusangalaye, hambi Mulungu nha yakondya kuyilumbiliza milimo yako.

Isaya 40:5

Ne nhojo yo Muwaha Mulungu yologubulwa, ne wanhu wose woloyiwona. Muwaha Mulungu mweneco yo yehuwiza zizi.”

Malaki 2:2

Ninga hono mulece kuzihuliciza zono nghulonga, nane nomuletelenyi wulijitwe. Novilijita sunga na vyose vyono mukuvibocela so vitumamilwa vyenyu. Heya, nakondya kuvilijita, ku soko vyono si mukwibata lilajilizo lyangu musimbiliye.

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Yohana 1:17

Hambi u Mulungu, nha yawulavya Wulajilize mu nzila ya Musa, ninga i lihewa ne mbeka, vyaziza mu nzila ya Yesu Kilisito.

Yohana 1:43

I mitondo yaco, Yesu yakasaka kubita ku Galilaya, na kuko yakamwagana Filipo, Yesu yakamutya, “Wunhyatye.”

Yohana 1:50

Yesu yapitula yakamutya, “Alo wukwihuwila vyono nghulonjeye, nakuwona he 'sina lyo mukuyu? Kowona mawaha gono gacizize gaga.”

Yohana 10:41

Ne wanhu wenji wakamubitila, wakatya, “Yohana si yanoza citanjilo co cose. Ninga zose zono Yohana yalonga za muli munhu ayu, za mbeka.”

Yohana 11:15

Ninga nane nghusangalala ku soko yenyu, vyono ane si nali nili kuko, nanye ho mwihuwile. Alenyi le cibite kuli mwene.”

Yohana 11:47

Holeka i Wakohani wawaha, ne Wafalisayo wakekonghola hamonga, wakatya, “Alu conoza nhawule? Hambi munhu ayu nha yakunoza vitanjilo vinji muno.

Yohana 12:18

Holeka imhuga yose ye wanhu, yikamuhinjiliza, hambi nha wali wahulika vyono Yesu yali yacinoza i citanjilo cico.

Yohana 12:37

Ninga hamba yawe yanoza vitanjilo vinji hali wene, si wamwihuwila ng'o.

Yohana 12:41

Isaya yazilonga zizi, vyono yaluwona ulukumyo lwa Yesu, yakalonga zo mwene.

Yohana 14:13

Na yo yose yono molomba mwitagwa lyangu, nokwituma, ho Sogo yo Munhu yakumizywe muli mwanagwe.

Yohana 16:27

hambi Baba nha yamwendilenyi mweneco, vyono nanye munyendile ane, mukehuwila vyono nalawa kuli Mulungu.

Yohana 16:30

Alu nhondo camanya he, vyono wuzimanyile zose, hamba si wukusaka munhu yakuwuze cinji, holeka cihuwiye vyono walawa kuli Mulungu.”

Yohana 2:1

Lizuwa lye kadatu, kwali na wutozi ku Kana ya ku Galilaya; u nyina wa Yesu nayo yali yali kuko,

Yohana 2:23

Nayo Yesu, lono yali ku Yelusalemi ku sikukuu ya Pasaka, wanhu wenji wamwihuwila, waza kuviwona ivitanjilo vyono yavinoza kuko.

Yohana 3:2

Yuyo yamubitila Yesu mwizuwa linji ne cilo, yakamutya, “Labi, cimanyile vyono wuli mwijizi mono watumwa no Mulungu. Hambi nha hasina munhu, mono kosuma kunoza vitanjilo vinha vivi vyono wukunoza agwe, hono Mulungu yalece kuwa hamonga nayo.”

Yohana 4:3

Hobaho Yesu yaza kuhulika zizi, yakawuka ku Yudiya, yakawuya ku Galilaya.

Yohana 4:46

Yesu yakabita kanyhi kuko ku Kana ya ku Galilaya, i hanhu hono yagagalusiza malenga gakawa divayi. Kwali ko yuli yunji muwaha we likulu, u mwanagwe we cilume yali yatamigwe ku Kapelanawumi.

Yohana 4:54

Aci co citanjilo ce kejete, cono yanoza Yesu lono yalawila ku Yudiya yakubita ku Galilaya.

Yohana 5:23

ho wanhu wose wamogope u Mwana, nha vyono wamogopaga u Sogo yo munhu. Mono siyakumogopa Mwana, si yakumogopa no Sogo yo munhu mono yamutuma.

Yohana 6:14

Iwanhu wawo waza kuciwona citanjilo cono Yesu yanozize, wakatya, “Ayu he yo muwizi mbeka, mono yakuza kononze.”

Yohana 6:2

Ne mhuga mbaha ye wanhu wakamutyatya kuko, hambi iwanhu wawo nha wali waviwona ivitanjilo vyono yanozaga vyo kuwaponya i watamwa.

Yohana 6:26

Yesu yakawapitula, yakatya, “Mbeka, nghumulonjelenyi, mukunondola, si vyono mwawona vitanjilo, langa vyono mwalya imikate mukeguta.

Yohana 6:30

Baho wakamutya, “Alo konoza citanjilo ci, ciciwone, nase ho cikwihuwile?”

Yohana 7:31

Wanhu wenji wa mwipuga lililya lye wanhu wakamwihuwila, wakatya, “Wulenyi ti, Kilisito kolo yakuza, konoza vitanjilo vicizize vyono yanozize yuyu?”

Yohana 9:16

Wanji wa muli Wafalisayo, wakatya, “U munhu mono yanozize zizi, si munhu wo Mulungu yaye, ku soko si yakwibata u wulajilize we Sabato.” Ninga wanji wakatya, “Hambi u munhu mubi kosuma wule kunoza vitanjilo vyono vinha vivi?” Kukawa no witemanuce muli wene.

2 Wakolinto 3:18

Holeka ase wose mono si cifunicize wusu wetu, cikululajila lukumyo lo Muwaha kotya nha mwi'lole, no lukumyo lulo nalo lono lukulawa kuli Muwaha, mono wo Muhe, wucikawanizaga ho cihwane muno muno ne cihwani cakwe, ku so lukumyo lono lucilile.

2 Wakolinto 4:17

Hambi u wugaye wono cikuwutuga nha wudodo, kanyhi wa cidaha cidodo vivi du, ninga hamba nhavivyo, wosuma kucipela u lukumyo lono lucizize u wulanjilile wetu wose, u lukumyo lono lusina ndumo.

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kung'alala mu wusu wa Kilisito.

Wukumbucize wo Wulajilize 5:24

wakanyitya, ‘Cakondya kuwona vyono, Muwaha Mulungu, u Mulungu wetu, kelajila u Wuwaha wakwe hamonga no lukumyo lwakwe, lono cimuhuliciye yakulonga mu wulawa mu moto! Holeka izuwali, cakondya kumanya vyono, munhu wo wose kojendelela du kuwa mumi, hamba yiwe Mulungu kakondya kulongana nayo.

1 Yohana 5:13

Nghumwandicilenyi ho mumanye vyono mwina wumi we cibitilila, anye mono mwihuwiye mwitagwa lyo Mwana wo Mulungu,