Yohana 17:3 - Luganuzi Luswanu Kuli Wanhu Wose 2002

³ Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

I CILAGANE CIPYA 1991

³ Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Yohana 17:3 ပူးပေါင်းရင်းမြစ်များ

1 Zinghomo 28:9

Na ku lubavu lwa Solomona, yakamulonjela yakatya, “Gwe mwanangu Solomona, nghukulajiliza nagwe nhavivyo, wumumanyile lukulu Mulungu wo sogo, kanyhi wumwitumamile kwe nhumbula yako yose, hamonga no mutima muzelu. Hambi mwene nha yagamanyile mahweso getu gose, hamonga ne visakwa vyetu. Holeka hono wumubitile, mwene kokubocela, ninga hono wijelele wumulece, mwene nhondo, kukulecela lukulu cibitilila.

2 Zinghomo 15:3

Hambi nha wulawa vilo vinji, Waisilayeli wali wekaye wasina Mulungu we mbeka, hamba Wakohani, wono wali wawejize, kanyhi wali wasina hamba wulajilize, wono wali wawutyatye.

Zabuli 9:10

Nawo wose wono walivumilaga litagwa lyako, 'gwe go Muwaha Mulungu wawo wo wakwitumbilaga gwegwe, hambi 'gwe nha si kumutagaga yaye, u munhu wo wose mono yakukulondola gwegwe.

Zimbazi 8:35

Hambi mono yakumbona 'ne, nha kawonaga wumi, nayo Muwaha Mulungu kokwendezwa nayo.

Isaya 48:16

Alu, musejelele behi nane, muhulice zono nghulonga, hambi 'ne nha nongaga calinze ku wulawa mwamulizo, ne zinghani zangu ziwezaga za mbeka vilo vyose.” Nalu u Muwaha Mulungu yanhuma no kumhela vilungo.

Isaya 53:11

Nayo yalaza kuwa yapuluta mu magazo, hanyuma kolowa na nyemo, baho ho komanyila vyono kumbe magazo gakwe si gali ga bwete yaye. U mwitumami wangu mwihuwilwa mono nyendezwe nayo, yuyo yo kowudinghula wuling'anizwe wa wenji, nane nowanenela ku soko yakwe.

Isaya 61:1

Muwaha Mulungu, kamemya'ne no muhe wakwe. Kasiwanula ho niwaganulile luganuzi luswanu i waciwa, niwaponye wono wadejepe mu nhumbula niwanzize zo wulecelwe wawo awalya i wahamywa, no wulecelwe wa kuli wafungwa mu jela.

Yelemiya 10:10

Ninga agwe go Muwaha Mulungu, nha yo gwegwe du, go Mulungu we mbeka, yo gwegwe du go Mulungu mumi, kanyhi yo gwegwe du go mutemi we cibitilila. Na lono wuwe wakolwa ne likuwo, i yinze yicicimaga, sunga ne makungugo, si gakuwa kusuma yaye kulikangalila likuwo lyako.

Hoseya 6:3

Alenyi cimumanye Muwaha Mulungu. Mwene kokuza kuli'se lono wela hakali mitondo muno, nayo kokuza kuli'se kotya mvula ye mhinga yono yidedewazaga yisi.”

Maluko 9:37

“Mono yakumubocela mwana mudodo mono yenha yuyu mwi'tagwa lyangu, yakumbocela nene, na mono yakumbocela nene, siyakumbocela nene du, langa yakumubocela yuyo mono yanhuma.”

Luka 9:48

Yakawatya. “Muli wose, mono komubocela mwana yuyu mudodo mwi'tagwa lyangu, yakumbocela nene: na muli wose mono yakumbocela nene, yakumubocela mono yanhuma, hambi u mudodo muno muli nyenye, nha yo muwaha wa wose.”

Yohana 10:36

Alu ma, u mwene mono Baba yamuhagula, yakamutuma kononze, mukumutya yakutovula, ati vyono nheye, ‘Ane nili Mwana wo Mulungu?’

Yohana 11:42

Nane manyile vyono wukuwa kuhuliciza ane nhondo zose. Ninga ku soko ye wanhu wono wali baha, holeka nonjile, ho nawo wehuwile, vyono yo gwegwe mono wanhuma.”

Yohana 14:26

Ninga u mutazi, Muhe Mono Yelile, mono Baba komutuma mwitagwa lyangu, ko mwijizenyi zose no kumukumbucizenyi zose zono nomulonjelenyi.

Yohana 17:18

Nha vyono agwe wanhuma ane kononze, nhavivyo na nene nane, niwatuma kononze.

Yohana 17:21

Nghuwalombela wose ho wawe cinhu cimonga. Baba, nghulomba wawe muli sese, nha vyono cinha nagwe, Baba, agwe wuli muli nene, nane nili muli gwegwe. Nghulomba wawe cinhu cimonga, we yinze ho wehuwile vyono yo gwegwe mono wanhuma.

Yohana 17:23

ane niwe muli wene, nagwe wuwe muli nene, nghulomba ho wakwilanicizwe no kuwa cinhu cimonga, we yinze ho wamanye vyono yo gwegwe wanhuma, na vyono wukawenda wene nha vyono wunyendile ane.

Yohana 17:25

Gwe, Baba we ling'ani, we yize si wakumanya, ane langa nakumanya, na wawa, wamanya vyono yo gwegwe mono wanhuma.

Yohana 17:8

Ane nakondya kuwapela inghani yako yono wamhela, nawo wayibocela, nawo wamanya vyono mbeka nalawa kwako, nawo wehuwiye vyono gwegwe wanhuma.

Yohana 3:17

Hambi u Mulungu, nha si yamutuma Mwanagwe kononze, ho yayiling'anize iyinze, langa ho yayikomboze.

Yohana 3:34

Hambi mono yatumwa no Mulungu, nha yo kalongaga zinghani zo Mulungu, hambi u Mulungu nha yakumupela munhu yuyo Muhe wakwe wusina cipimo.

Yohana 5:44

Mosuma wule kwihuwila, kumbe nanye ho mwendile kubocela lukumyo lono lukulawa muli nyenye nyo weneco, hamba si mukulondola lukumyo lono lukulawa kuli Mulungu mono yali wene?

Yohana 6:57

Baba u mumi yo yanhuma, nane nili mumi ku soko yo Mwene, yo nhavivyo nayo mono yakunyilya nene kowa mumi ku soko yangu.

Yohana 7:29

Ninga ane nimumanyile, hambi nha nalawa kwakwe, nayo yo yanhuma.”

Yohana 8:19

Baho nawo wakamutya, “U Sogo yali hayi?” Yesu yakawatya, “Anye vyono si mumanyile ane, yo yikuleka si mumumanyile na Baba. Ninga hono mwali mumanye ane, mwali mumumanye na Baba nhavivyo.”

1 Wakolinto 15:34

Ale, mwinukaje! Mwamulaje kanyhi kwikala mu mikalile miswanu, mulece kwituma wubi. Hambi wanji wa muli nyenye nha si wamumanyiye lukulu u Mulungu. Nane nghumulonjelenyi mbeka, vyono co cevu ciwaha kuli'nye!

1 Wakolinto 8:4

Holeka kuli i zindigwa zono zikumbiciywe vihwani, ase cimanyile, vyono vihwani si cinji mono yinze, ase cimanyile vyono u Mulungu yo yumonga du.

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kung'alala mu wusu wa Kilisito.

Wafilipi 3:10

Nane cono nghuhila, ho nimumanye u mwene Kilisito, kanyhi nivimanye ne vilungo vyo wuzuce wakwe, no kuhanga i magayo gakwe, no kwihwana nayo,

Wafilipi 3:8

Heya, hamba si nhavivyo du, ninga nghawona vyono vyose wo wambuce wa bwete, ku so wuswanu wo wumumanya Kilisito Yesu u Mutwa wangu. Hambi nha ku so mwene, ane navumila kugaleka gose, nane nghagawona gago gose nha takataka, ho nimutuje Kilisito,

1 Watesalonike 1:9

Hambi i wanhu wawo weneco nha wakuciganulila nha vyono caza kwenyu, ne nghango ya vyono mwacibocela, na vyono mukaleka vihwani, no kumupitucila u Mulungu mumi na we mbeka,

2 Watesalonike 1:8

hamonga ne malambi go moto, ho yawalipicize wawalya wose wono wakumulema u Mulungu, na wawalya wono si wakuluhulika u Luganuzi Luswanu lo Muwaha wetu Yesu.

Wahebelaniya 3:1

Ale, anye wandugu zangu, mo wanhu wo Mulungu, mono mwacemwa no Mulungu, mwihwesaje za Yesu mono u Mulungu yamutuma yawe Mukohani Muwaha wo wihuwilo wetu.

2 Petelo 1:2

Ilihewa no Mulamu vyeze kuli'nye mu wumumanyo Mulungu, na Yesu Kilisito Mutwa wetu.

2 Petelo 1:3

Mu vilungo vyakwe vyo wulungu, u Mulungu yacipela vyose vyono cisakaga, ho cisume kwikala mu mikalile yo kumogopo Mulungu, no kumumanya mwene mono yacicema ho ciwuhanje ulukumyo no wuswanu wakwe mweneco.

2 Petelo 1:8

Na kolo mukuwa no winji wa zizi zose, zomunozenyi muwe muli wetumi, no kutuga cambuzi mu wumumanya Mutwa wetu Yesu Kilisito.

1 Yohana 1:2

No wumi wuwo wali weza kwanzalikwa, ase cawuwona, nalu cikulonga, kanyhi cikumulonjelenyi zo wumi wuwo we cibitilila, wono wali ko Sogo yo munhu, hanyuma wukanzalikwa kuli'se.

1 Yohana 1:3

Cico cono cawona, na cono cahulika, co cikumwanzizenyi nanye, nanye ho muhanje nase mu wumonga wono cina nawo no Sogo yo munhu no Mwanagwe Yesu Kilisito.

1 Yohana 2:23

Hambi muli wose mono si yakumuvumila u Mwana, siyakumuvumila sunga no Sogo yo munhu, na muli wose mono yakumuvumila u Mwana, yo yena no Sogo yo Munhu.

1 Yohana 4:6

Ninga ase cili wo Mulungu. No munhu mono yamumanyile Mulungu, yuyo langa kacihulikaga, no munhu mono si wo Mulungu, ase si kacihulikaga. Holeka mumo mo cikusuma kumanyila u wisimajile wo Muhe we mbeka, no muhe wo wulambi.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.