Yohana 16:2 - Luganuzi Luswanu Kuli Wanhu Wose 2002

² Wanhu wolowa kumuwinjenyi mu matang'anilo gawo go wuhembelo. Kanyhi icidaha cikuza cono, muli wose mono kolomuwulajenyi anye, kowona nha yakumwitumamila u Mulungu.

I CILAGANE CIPYA 1991

² Wanhu wolowa kumuwinjenyi mu matangʼanilo gawo go wuhembelo. Kanyhi icidaha cikuza cono, muli wose mono kolomuwulajenyi anye, kowona nha yakumwitumamila u Mulungu.

Yohana 16:2 ပူးပေါင်းရင်းမြစ်များ

Yohana 9:22

Ninga i walezi wakwe walonga zizi, vyono wawogopaga iwalongola we Wayahudi, hambi iwalongola wawo nha wali walagane vyono, munhu wo wose mono komuvumila vyono Yesu yo Kilisito, yawinjilwe kunze ye nhang'anilo yo wuhembelo.

Matayo 10:28

Kanyhi mulece kuwogopa awalya wono wawulagaga u muwili du, na kumbe si wosuma kuyiwulaga nhumbula. Yili ciba muno hono mumogope ayulya mono kosuma kuwongomeza u muwili, hamonga ne nhumbula mu moto we gehena.

Wugubule 6:9

Hanyuma kanyhi u Mwana we ngholo yakacinamatula i cinamatizo ce hano. Ale, hasi ye cikumbicilo co kufusiza wuvumba, nghawona awalya wono wawulagwa ku soko ye nghani yo Mulungu, na ku soko yo kuyiganula.

Yohana 12:42

Hamba nhavivyo, iwalongola wenji we Wayahudi, wamwihuwila Yesu. Ninga si wasuma kumuvumila ciwonelela, vyono wawogopaga Iwafalisayo, ho walece kuwawinga mu nhang'anilo yo wuhembelo.

Luka 6:22

“Muli wamoti 'nye, kolo wanhu wakumusulenyi, na kolo wakumusiwanulenyi, no kumulijenyi, no kuliviza litagwa lyenyu nha wetuma vibi, ku soko yo Mwana wo Munhu.

Isaya 66:5

Alu muhulicize zono Muwaha Mulungu yakulonga, anye mono mumuhulicile kanyhi mumogopile, yakutya, nhavi, “Alu anye vyono muli wehuwilwa kuli'ne, holeka wanji wa muli nyenye wakumusulenyi, ninga hamba nhavivyo, si wosuma kumunozenyi cinji yaye. Wene wekaliye zo kumusekanjenyi du, wakutya, ‘Ale ta, Muwaha Mulungu yalajile zo wuwaha wakwe yamuponyenyi, nase cimuwonenyi musangalaye.’ Ninga wene wakolwa cevu!

1 Wakolinto 4:13

na hono wakucivila ko wulambi, ase cikuwapitula kwe cogopo du. Sunga na lulu baha du, ase cikutendelwa nha cili makwe ge yinze du, sunga na kuli wanhu wose, ase cikwijela kotya nha cili cugulu ca takataka du!

Metumo ge Watumwa 7:56

Yakatya, “Lanjenyi ta! Nghuwona wulanga wugubuce, no Mwana wo Munhu yemile u kulume ko Mulungu.”

Matayo 24:9

“Kanyhi nawo wolomulavyenyi ho mutamiswe no kuwulagwa. Ne makungugo gose kono galila, golomusulenyi anye, ku soko ye litagwa lyangu.

Yohana 9:34

Nawo wakamupitula wakumutya, “Waco 'gwe, nha walelelwa mu wubi wose, alu ho kosuma nhawule kucijiza ase?” Hodu wakawa kumuwinjila kunze ye nhang'anilo yo Wuhembelo.

Isaya 65:5

Hanyuma, wawa kuwalonjela wanhu wanji wakutya, ‘Mulece kucisejelela behi, hambi 'se nha si cinojeye cipamizwe na nyenye, hambi 'se nha celile!’ Holeka nane, si nosuma kwikalana ne wanhu we liwala lilyo. Ne likuwo lyangu kuli wene, nha lyacile kotya moto wono si wuzimaga.

Metumo ge Watumwa 5:33

Ninga wose wono wali wali baho mwi'balaza lilyo wali weza kuzihulika zizi, wakakolwa ne likuwo, sunga wahilaga kuwawulaga.

Yohana 4:21

Yesu yakamutya, “Gwe yaya wunyihuwile, icipango cikuza, cono si molomuhemba u Sogo yo munhu, hamba mwi'tunda lili, kuko ku Yelusalemi.

Wafilipi 3:6

nane nali nili mupiligazi muno, ninga naligazaga likanisa. Na ku so wiling'ano wono wukutujilwa mu wuhulika u wulajilize, ane nghawa sina yilema lyo lyose.

Danyeli 11:33

Ne walongola we wanhu wono wena mahala, wolowejiza wanhu wenji. Ninga hamba nhavivyo, wanji wa muli wene wolowulagwa mu wulugu, hamba wologumilwa mu moto, na wanji wolosolwa wawopwe mu jela.

Yohana 4:23

Ninga i cipango cikuza, na lulu caza, lono wahembi we mbeka, womuhemba u Sogo yo munhu mu mbeka, mu vilungo vyo Muhe wo Mulungu. Hambi Sogo yo Munhu nha wo kasakaga i wanhu wono wakumuhemba mu nzila yiyo.

Yohana 16:25

“Zizi nimulonjelenyi mu vihwanicizo. Ninga cidaha cikuza, lono si nomulonjelenyi kanyhi mu vihwanicizo, ninga nomulonjelenyi za Baba ciwonelela.

Yohana 16:32

Lanjenyi ta, cidaha cikuza, sunga na lulu caza, hono mokwiyagalila munhu kwakwe, munhu kwakwe, na mondeka nene nili wene. Ninga kumbe hamba si nili wene ng'o, hambi nha cina na Baba.

Walamuzi 6:30

Hobaho wakamulonjela Yowashi wakatya, “Mulavyanizaje mwanango kononze cimuwulaje! Hambi nha kakumula i cikumbicilo ca Baali, kanyhi kadumula sunga ne cihwani co mulungu we cicekulu, Ashela, cono cali cili behi yayo.”