Yohana 11:52 - Luganuzi Luswanu Kuli Wanhu Wose 2002

⁵² Kanyhi hamba si likungugo lyawo du, langa ho yasume kuwakongholela hamonga iwana wo Mulungu wono wali weyagaye.

I CILAGANE CIPYA 1991

⁵² Kanyhi hamba si likungugo lyawo du, langa ho yasume kuwakongholela hamonga iwana wo Mulungu wono wali weyagaye.

Yohana 11:52 ပူးပေါင်းရင်းမြစ်များ

Mwamulizo 49:10

Ne nghome ye citemi, si yowucila lukulu kuli'gwe Yuda. Ne zindelo zako zotema cibitilila, sunga kono kolokuziza mweneco. Yu yulya mono makungugo gose gomuhulika.

Zabuli 22:15

Mumelo wangu wanyala nhe lizaye, no lulimilwangu lukwinamatila mu zinzagasa zangu, wandeka fwiye mu manghundi.

Zabuli 22:27

Ne yinze yose yokumbucila, no kumuwuyila Muwaha Mulungu, ne zimhuga zose ze makungugo, zomuhemba.

Zabuli 72:19

Ilitagwa lyakwe lye nhojo, likumywe cibitilila. No lukumyo lwakwe lumeme mu yinze yose. Heya, heya!

Isaya 49:18

Ale, winule meso gako wulanje ako na ako wuwone cono cikuza! I wanhu wako weza kwihanguliza hamonga wakuwuya kono kwawo! Na mbeka, nha vyono ane nili Mulungu mumi, nagwe kolowa sangalalila wanhu wako, hambi nha kolowa nha bibi halusi mono yavwalile wihambo.

Isaya 49:6

Muwaha Mulungu yakanonjela yakutya, “Nina mulimo muwaha wono nghuwiciye agwe go mwitumami wangu. Ninga si mulimo wo kuwagomola du mu lukumyo i wanhu wa Isilayeli, wono wasigaye, langa nokunoza kanyhi wuwe wuzelu kuli makungugo, i yinze yose ho yisume kuponywa.”

Isaya 55:5

Langa ta, nanye mologacema makungugo gono si mugamanyile, gono nago hamba si gamumanyenyi nyenye, nago golomuzizenyi no kwilunza nanye! Ane yo nene Muwaha Mulungu, u Mulugu wako u Mulungu mono nelile wa Isilayeli, yo nene mono nolozinoza zizi zose zitumwe. Nane nolomupelenyi lilumbo no lukumyo.”

Isaya 56:8

Nayo Muwaha Mulungu we mihanga, mono yawagomola wanhu wakwe Isilayeli ku kaya ku wulawa ku wuhamywe, yakondya kwihuwiza nha vyono kowaleta na wanhu wanji ho vihangane nawo.

Isaya 60:4

Alu ta, wupituce wulanje ku zimbavu zako zose wuciwone cono cikuza, hambi i wanhu wako wose nha weza kwikongholela kono kaya! Nawo i wanago we cilume, wowuya ku wulawa ku zi'si zo kutali, nawo i wanago we cicekulu wolowa wadinghuywe nhe wana wadodo.

Ezekiyeli 34:12

Nozidima no kuzilanjilila viswanu, nha vyono mudimi kazilanjililaga zingholo zakwe, zono zali zakondya kwiyagala ako na ako, kawa kuzikonghola hamonga kanyhi. Nane nozigomola zose ku wulawa hanhu hose hono zali ziyagaliye, mwi'zuwa lyo wutitu, ne magayo mawaha.

Hoseya 1:10

Ninga i wanhu wa Isilayeli wolowa wenji liwalo lyawo nho musawawa wa mwi'lenga, wono siwusumikaga ku wupimwe hamba ku wuwalwe. Aluno Mulungu yakuwatya, anye si muli wanhu wangu, ninga lizuwa likuza lyono mwene kolowatya, “Anye muli wana wo Mulungu mumi!”

Luka 15:8

“Hamba mukuwona wule! Lunji mucekulu mono yena silinje yikumi, na hono yajilize monga, konoza wule? Kokoleleza tala, no kufwagula nyumba, no kusakula sakula sunga yayiwone.

Luka 2:32

Wuzelu wo kuwagubulila wono si Wayahudi. No lukumyo lwe wanhu wako Waisilayeli.”

Yohana 1:12

Ninga wose wono wamubocela no kumwihuwila, yawapela i vilungo vyo kunozwa kuwa wana wo Mulungu.

Yohana 1:29

I mitondo yaco, Yohana yakamuwona Yesu yakumuziza, yakatya, “Mulanje, ayu Mwana Ngholo wo Mulungu, mono yakuwusa, wubi we yinze!

Yohana 10:16

Hozili zingholo zangu zinji zono si zili mwi'bululu lili, yinojeye zizo nazo nizilete; Nazo zolihulika ilizi lyangu. Nazo zowa yitewa limonga no mudimi yumonga.

Yohana 12:32

Nane kolo nghwinulwa hacanyha ye yisi, nowakwejela wanhu wose kono kwangu.”

Metumo ge Watumwa 18:10

hambi ne nha nili hamonga nagwe. Hamba hasina munhu mono kosuma kukutamisa, hambi nha nina wanhu wenji wono wali ku lubavu lwangu, mumu mwikaya lili.”

Walumi 3:29

Alu ma, u Mulungu yo Mulungu we Wayahudi du, hamba wa wanhu wose, sunga na wono si Wayahudi nhavivyo? Na katuti yo we wanhu wose, sunga na wono si Wayahudi nhavivyo.

Walumi 4:17

Nha vyono Mandiko Gono Gelile gakulonga, “Nghuwika ho wuwe sogwe we zinghungugo nyinji.” No wihuwizo wuwo wo we mbeka hali Mulungu mono Abulahamu yamwihuwila. U Mulungu mono yakuwawumifya i wafu, na kanyhi kavitambulaga i vinhu vyono vili hasina, navyo vikuwa.

Waefeso 1:5

U Mulungu yali yehwesize ku wulawa mwa mulizo vyono yacilete kwakwe ho ciwe wakwe mu nzila ya Yesu Kilisito. Vyo yali yendile na vyo yali yehwesize.

Waefeso 3:11

U Mulungu yayituma inghani yiyo nha vyono wali winha u wutemye wakwe we cibitilila, wono yawunozeza muli Kilisito u Muwaha wetu.

Yakobo 1:1

Nene Yakobo, umwitumami wo Mulungu, na wo Muwaha Yesu Kilisito, nghumwandicilenyi nyenye, nyo we milango yikumi na myejete, mono mwiyagaye kono'nze kose. Lamucenyi!

1 Petelo 1:1

Nene Petelo, umutumwa wa Yesu Kilisito. Nghumwandicilenyi nyenye nyo wahagulwa wo Mulungu Sogo yo munhu, mono mwiyagaye no kwikala kuko ku Pontiyo, Galatiya, Kapadokiya, Asiya na Bituniya kotya muli watizizi.

1 Yohana 2:2

Kilisito lye kumbiko lyono likuwuwusa u wubi wetu, hamba si wubi wetu sese du, langa u wubi we yinze yose.

1 Yohana 3:1

Alu lanjenyi ta, vyono u Sogo yo munhu yacenda muno muno, sunga citegwe cili wana wo Mulungu! Na mbeka vyo cinha. Na co cikuleka i yinze siyikucimanya, hambi nha si yimumanyile u Mulungu.

1 Yohana 3:10

Ninga muli wose mono siketumaga ze ling'ani, hamba mono siyamwendile u nduguye, yuyo yo si mwana wo Mulungu. Na wuwo wo wisimajile wa muli wana wo Mulungu ne wana wa Setani.

1 Yohana 3:2

Mo wendece wangu, alu ase cili wana wo Mulungu, ninga yikali sinejela calinze vyono colowa. Ninga cimanyile du vyono i cipango Kilisito kolo yakwijela, colokwihwana nayo, hambi nha colomuwona vyono yenha.

Wugubule 5:9

Nawo wakemba u lwimbo aluno lupya. “Agwe yo gwegwe mono wunojeye wucisole citabu cico, no kubena vinamatizo vyayo. Vyono agwe wakondya kuwulagwa, wukamugulila Mulungu ne sakami yako, wose we zimbeyu zose, we zinonga zose, ne wanhu wose ne zinghungugo zose.