Yohana 10:9 - Luganuzi Luswanu Kuli Wanhu Wose 2002

⁹ Ane yo nene mulango, munhu hono yenjilile muli nene, kopona, kokwinjila kolawaniza, nayo kowona wudimo.

I CILAGANE CIPYA 1991

⁹ Ane yo nene mulango, munhu hono yenjliile muli nene, kopona, kokwinjila kolawaniza, nayo kowona wudimo.

Yohana 10:9 ပူးပေါင်းရင်းမြစ်များ

Zabuli 95:7

Hambi mwene nha yo Mulungu wetu, nase cili wanhu mono mwene yakucidima, ase cili ngholo zakwe zono yakuzilisa. Holeka izuwali mulihulice lizi lyakwe,

Isaya 40:11

Kololidima litewa lyakwe nho mudimi. Kolozikongholela hamonga zinyana ze zingholo, yazidinghule mu mawoko gakwe. Kolozitonga mhola mhola zono zikosa.

Ezekiyeli 36:38

Ne makaya nago gono gali geza matongo, nhondo golomema wanhu, nha vyono Yelusalemi baho katali, yali yimemile zingholo, zono wazilavyaga makumbiko mu vilo vye zisikukuu. Nhondo nawo ho wolomanyila vyono ane yo nene Muwaha Mulungu.”

Zakaliya 10:12

Nolowanoza i wanhu wangu wawe ne vilungo, nawo wolowa kuhemba 'ne, no kunyogopa nene.” Vyo yakutya u Muwaha Mulungu.

Yohana 10:1

Yesu yakatya, “Munhu wo wose mono si yakwinjilila mu mulango we libululu lye zingholo, ninga yakukolela ha wukolo wunji, yuyo muhizi, kanyhi muboci.

Yohana 10:3

U mulindiliza mulango we libululu, kamudigulilaga yuyo, ne zingholo zikuwa kumuhulika lizi lyakwe, nayo yakuwa kuzicema kwe matagwa zingholo zakwe, yimonga yimonga, kazitulusaga zilawile kunze.

Yohana 10:7

Holeka Yesu yakawatya kanyhi, “Mbeka nghumutyenyi, Ane yo nene mulango we zingholo.

Yohana 14:6

Yesu yakamutya, “Ane nha yo nene nzila, ne mbeka, no wumi. Hasina mono kosuma kubita kuli Baba, langa sunga yakolele muli nene.

Waefeso 2:18

Holeka mu nzila yakwe ase wose, Wayahudi na wono si Wayahudi, cosuma kumubitila Baba mu Muhe monga.