Yohana 10:7 - Luganuzi Luswanu Kuli Wanhu Wose 2002

⁷ Holeka Yesu yakawatya kanyhi, “Mbeka nghumutyenyi, Ane yo nene mulango we zingholo.

I CILAGANE CIPYA 1991

⁷ Holeka Yesu yakawatya kanyhi, “Mbeka nghumutyenyi, Ane yo nene mulango we zingholo.

Yohana 10:7 ပူးပေါင်းရင်းမြစ်များ

Zabuli 100:3

Mumanye vyono Muwaha Mulungu, yo Mulungu du. Yo mweneco mono yaciwumba, nase cili sawo yakwe, cili wanhu wakwe, kanyhi cili ngholo ze madimo gakwe.

Zabuli 79:13

Nase co wanhu wako, mono cili ngholo ze litewa lyako, cokulumba cibitilila, hamonga no kukukumya vilo vyose.

Zabuli 95:7

Hambi mwene nha yo Mulungu wetu, nase cili wanhu mono mwene yakucidima, ase cili ngholo zakwe zono yakuzilisa. Holeka izuwali mulihulice lizi lyakwe,

Isaya 53:6

Ase wose cinha zingholo zono zajiliye, munhu yakubita na nzila yakwe mweneco. Ninga Muwaha Mulungu yakamulipiciza so sese, u wulipicizwe wono wali wucinojeye sese co weneco.

Ezekiyeli 34:31

Holeka anye nyo ngholo zangu, nyo litewa lyangu, mono nghumulisenyi, anye muli wanhu wangu, nane yo nene u Mulungu wenyu.” Vyo yakutya u Muwaha Mulungu.

Ezekiyeli 36:38

Ne makaya nago gono gali geza matongo, nhondo golomema wanhu, nha vyono Yelusalemi baho katali, yali yimemile zingholo, zono wazilavyaga makumbiko mu vilo vye zisikukuu. Nhondo nawo ho wolomanyila vyono ane yo nene Muwaha Mulungu.”

Yohana 10:1

Yesu yakatya, “Munhu wo wose mono si yakwinjilila mu mulango we libululu lye zingholo, ninga yakukolela ha wukolo wunji, yuyo muhizi, kanyhi muboci.

Yohana 10:9

Ane yo nene mulango, munhu hono yenjilile muli nene, kopona, kokwinjila kolawaniza, nayo kowona wudimo.

Yohana 14:6

Yesu yakamutya, “Ane nha yo nene nzila, ne mbeka, no wumi. Hasina mono kosuma kubita kuli Baba, langa sunga yakolele muli nene.

Waefeso 2:18

Holeka mu nzila yakwe ase wose, Wayahudi na wono si Wayahudi, cosuma kumubitila Baba mu Muhe monga.