Yohana 10:3 - Luganuzi Luswanu Kuli Wanhu Wose 2002

³ U mulindiliza mulango we libululu, kamudigulilaga yuyo, ne zingholo zikuwa kumuhulika lizi lyakwe, nayo yakuwa kuzicema kwe matagwa zingholo zakwe, yimonga yimonga, kazitulusaga zilawile kunze.

I CILAGANE CIPYA 1991

³ U mulindilizo mulango we libululu, kamudigulilaga yuyo, ne zingholo zikuwa kumuhulika lizi lyakwe, nayo yakuwa kuzicema kwe matagwa zingholo zakwe, yimonga yimonga, kazitulusaga zilawile kunze.

Yohana 10:3 ပူးပေါင်းရင်းမြစ်များ

Zabuli 80:1

Wucihulicize 'gwe go mudimi wa Isilayeli, mono kuwatongaga wana wa Yusufu, nhe zingholo. Agwe mono wikaye mwi'goda lyako lyo wuwaha, mucanyha ye makelubi,

Wutuluce 33:17

Muwaha Mulungu yakamulonjela Musa yakatya, “Alu vyono wakondya kutuga wendezwe hali'ne, na vyono nane nghumanyile ne litagwa lyako, holeka nghani yiyi yono wuyilonjile, ale, nane noyituma.”

Zimbazi 27:23

Wuhidimbale kuzidima ngholo ne zing'ombe zako, ko wulanjilizi muno.

Lwimbo Luswanu muno 8:13

Leka ta, nilihulicize lizi lyako go mwendece wangu ku wulawa mu busitani, nawo wayangu wakuhila walihulice lizi lyako lono wukulonga. Zinghani za we cicekulu

Isaya 40:11

Kololidima litewa lyakwe nho mudimi. Kolozikongholela hamonga zinyana ze zingholo, yazidinghule mu mawoko gakwe. Kolozitonga mhola mhola zono zikosa.

Isaya 42:16

“Nane nowatonga wanhu wangu wono wali cibofu, wakole mu nzila yono wakali nayikola hamba mwizuwa linji. Nowunoza wutitu wawo, wuwe wuzelu, ne hanhu hono hali sasala-sasala hawe hatelemeye. Nawo wuwu wo wihuwizo wangu, nowebatiliza ho walece kukatala.

Yohana 10:14

Ane yo nene u mudimi muswanu. Iwangu niwamanyile, nawo iwangu, wamanyile'ne,

Yohana 10:16

Hozili zingholo zangu zinji zono si zili mwi'bululu lili, yinojeye zizo nazo nizilete; Nazo zolihulika ilizi lyangu. Nazo zowa yitewa limonga no mudimi yumonga.

Yohana 10:4

Nayo kolo yazilavya kunze, kazilongolelaga ku mwande, nazo zingholo zimutyatyaga, hambi nha zimumanyile lizi lyakwe.

Yohana 10:9

Ane yo nene mulango, munhu hono yenjilile muli nene, kopona, kokwinjila kolawaniza, nayo kowona wudimo.

Yohana 6:37

Wose wono yakumhela Baba, wokuza kwangu, nane si nomutaga kunze wo wose mono yakuza kwangu.

Yohana 6:45

Yandikwa ne wawizi, ‘Iwanhu wose wokwijizwa no Mulungu.’ Muli wose mono yakumuhulika Baba, no kwiyijiza muli Mwene, yuyo yo yakuza kwangu.

Walumi 8:30

Holeka u Mulungu yakawacema wawalya wono yali yawasiwanula, na wawo wono yawacema, yakawanoza wavumilwe hali mwene, na wawo wono yawanoza ho wavumilwe hali mwene, kanyhi yakawakumya.

1 Wakolinto 16:9

Hambi nha ndiguliywe mulango mugazi muno muno ku soko yo mulimo wangu muwaha wono wuli baha, hamba hawe howali na wenji wono wakumhinga mhinga.

Wafilipi 4:3

Nagwe go mwitumami muyangu mwihuwilwa, nghukunena wuwatazaje wadala wawo, hambi nha wetuma wahidimbaye u mulimo wo kuluganula u Luganuzi Luswanu, hamonga nane na Kelementi, hamonga ne wetumami wayangu wanji wose, wono i matagwa gawo, gandicigwe mu citabu co wumi.

Wakolosayi 4:3

Mucilombelaje na sese nhavivyo, u Mulungu ho yacipele i cilejeho co kuyiganulila i nghani yakwe Kilisito yono hundikwe. Alu ane nili mu jela ku soko ya yiyo.

2 Timoteyo 2:19

Ninga musinji wono wukamile, wono wawikwa no Mulungu si wusinjisikaga yaye, na mucanyha yo musinji wuwo, zandikwe zinghani azi, “U Muwaha yawamanyile i wakwe,” na kanyhi, “Na muli wose mono yakwiyitya, mwene yo wo Muwaha, yimunojeye yeleje no wavu.”

1 Petelo 1:12

Nayo Mulungu yakawagubulila mu vilo vyono walongaga ze zinghani zizo, zono anye, alu mwakondya kuzihulika, kulawa kuli wawalya watumwa wono wakamuganulilenyi u Luganuzi Luswanu, lwe vilungo vyo Muhe Mono Yelile, mono yatumwa ku wulawa ku wulanga, vyono wuwo mulimo wawo, si wali so cambuzi cawo weneco, langa ku soko yenyu. Zizo zo nghani zono hamba wamalayika wali wende kuzimanya.

1 Yohana 4:6

Ninga ase cili wo Mulungu. No munhu mono yamumanyile Mulungu, yuyo langa kacihulikaga, no munhu mono si wo Mulungu, ase si kacihulikaga. Holeka mumo mo cikusuma kumanyila u wisimajile wo Muhe we mbeka, no muhe wo wulambi.

3 Yohana 1:14

Ninga nitumbiye vyono si notinya kukuwona, baho ho coduwana cidomile.

Wugubule 20:15

No munhu wo wose mono litagwa lyakwe si lyejela lyandikwe mu citabu co wumi, u munhu yuyo yagumilwa mwilamba lyo moto.

Wugubule 3:20

Wuhulicize ta! Ane nimile ha mulango, nghukong'onha. Munhu hono yalihulice lizi lyangu, no kudigulo mulango, ane nokwinjila mumo mu nyumba yakwe, nane nolizana nayo zindigwa, nayo kolya hamonga nane.

Wugubule 7:17

hambi u Mwana we ngholo mono yali haciligati ye ligoda lyo wutemi, nha yo kolowa yo mudimi wawo, nayo kowatonga sunga ko ku mivwilo ye malenga go wumi. No Mulungu kogapatila lukulu mahozi gose ga mu meso gawo.”