Yohana 10:2 - Luganuzi Luswanu Kuli Wanhu Wose 2002

² Langa mono yakwinjilila mu mulango, yuyo yo mudimi we zingholo.

I CILAGANE CIPYA 1991

² Langa mono yakwinjilila mu mulango, yuyo yo mudimi we zingholo.

Yohana 10:2 ပူးပေါင်းရင်းမြစ်များ

Zabuli 23:1

U Muwaha Mulungu, yo mudimi wangu, holeka sinocepucilwa na cinji.

Zabuli 80:1

Wucihulicize 'gwe go mudimi wa Isilayeli, mono kuwatongaga wana wa Yusufu, nhe zingholo. Agwe mono wikaye mwi'goda lyako lyo wuwaha, mucanyha ye makelubi,

Muganuzi 12:11

Nazo zinghani ze wanhu we mahala, zihwanile zinghome zono zina visonje, zono wadimi wazitumamilaga kuzitonga zingholo. Ne zimbazi zono zikonghoywe no kuwikwa hamonga, zizo zikalaga zikamile kotya zimambo zono nghomanhilwe hasi. Hambi nha zalawa kuli Mulungu u mudimi yumonga wa sese wose.

Isaya 40:11

Kololidima litewa lyakwe nho mudimi. Kolozikongholela hamonga zinyana ze zingholo, yazidinghule mu mawoko gakwe. Kolozitonga mhola mhola zono zikosa.

Isaya 63:11

Baho nhondo nawo wanhu wakwe, wakakumbucila i vilo vye katali, vya Musa u mwitumami wo Muwaha Mulungu, wakawa kwiwuza wakutya, “Alu mwene yali hayi u Muwaha Mulungu, mono yawaponya i walongola we wanhu wakwe mwi'lenga? Hamba yali hayi mwene u Muwaha Mulungu mono yamupela Musa u muhe wakwe?

Ezekiyeli 34:23

Nozipela mutemi mono yehwanile mutemi Dawudi, yo yawe mudimi wazo. Nayo kozilanjilila muno.

Mika 5:5

Hono Waashuli waze wayisole yisi yetu no kugabena magomawakali getu, nase cowategula watemi wetu we vilungo wakawahome.

Zakaliya 11:3

I watemi wako wakulila ko wusungu wuwaha no kukalala, hambi u lukumyo lwawo nha lwaduma, wuhulicize ne mikolomo ye zisimba hambi i mbago yono zikalaga ya mu nhumbi ya Yoludani, nha yahondanjika.

Zakaliya 11:5

Hambi i wanya zingholo, nha wakuwa kuziwulaga du, kanyhi wasina wulipicizwe, langa wakuwa kuziguza nyama no kutya, ‘Yalumbizwe Muwaha Mulungu. Hambi ase nha cili wagoli!’ Hamba ne wadimi wawo we zingholo zizi, wakuwa wasina lusungu ne zingholo zizi.”

Zakaliya 11:8

Nghawa sina witumbilo kuli wadimi wadatu wa ha mwamulizo, wono wakasula muno ho baho nane nghawa kuwawusa wose mu mwezi monga.

Zakaliya 13:7

U Muwaha Mulungu we mihanga yakutya, “Winuce 'gwe go mumaje, wumuhungucile mudimi wangu, mono yakunyitumamila. Wumuwulagaje, ne zingholo zokwiyagala, Nane nowatowanga wanhu wangu.

Matayo 15:11

I cinhu cono cikumwavufya munhu, si acilya cono cikumwinjila mu mu mulomo wakwe, langa acilya cono cikulawila mu mulomo wakwe. Cico langa co cikumwavufya munhu.”

Yohana 10:14

Ane yo nene u mudimi muswanu. Iwangu niwamanyile, nawo iwangu, wamanyile'ne,

Yohana 10:7

Holeka Yesu yakawatya kanyhi, “Mbeka nghumutyenyi, Ane yo nene mulango we zingholo.

Yohana 10:9

Ane yo nene mulango, munhu hono yenjilile muli nene, kopona, kokwinjila kolawaniza, nayo kowona wudimo.

Metumo ge Watumwa 20:28

Mwikamisaje mo weneco, mulikamisaje na lilyo i litewa lyose, lyono u Muhe Mono Yelile yamuwicenyi anye ho mulidime. Mulidimaje ilikanisa lyo Mulungu, lyono yaligula ne sakami yo Mwanagwe.

1 Timoteyo 4:14

Wulece kuleka kucitumamila i cipegwa cicilya ca Kilisito cono cili muli'gwe, cono wapelelwa mu zinghani ze wawizi, na mu wuwicilwe miwoko ne wanyamhala.

Tito 1:5

Ane nakuleka ku Kilete ho wunozeleze zono zasigala zono zali zikali nakamilicila, kanyhi ho wuwahagule wanyamhala wa Kanisa no kuwawika mu makaya gose. Ninga weze kukumbucila zono nakulajiliza,

Wahebelaniya 13:20

U Mulungu yamuzukula u Muwaha wetu Yesu Kilisito mono yo Mudimi wetu Muwaha we zingholo, ku soko yo wumwaje we sakami yakwe yono yakangaza i cilagane ce cibitilila.

1 Petelo 2:25

Nanye mwali mwinha zingholo zono zali zajiliye, ninga lu mumuwuyila Mudimi no mulanjilizi we zinhumbula zenyu.

1 Petelo 5:4

Na mu cidaha kolo u Mudimi Muwaha yakwijela, nanye molobocela u mukumbo wo lukumyo wono siwunyalaga.

Wugubule 1:20

Ne nhunizo hundikwe ye zinyelezi zo mupunghati zono wuziwene mu muwoko wangu wo kulume, hamonga na hundikwe yo wuwiko wu wulya we zitala mupunghati za zahabu, nha yoyi, zi zilya i zinyelezi zo mupunghati, wo wamalayika we makanisa go mupunghati, na wulya u wuwiko mupunghati we zitala, go makanisa mupunghati.”