Yohana 1:6 - Luganuzi Luswanu Kuli Wanhu Wose 2002

⁶ U Mulungu yakamutuma munhu litagwa lyakwe Yohana.

I CILAGANE CIPYA 1991

⁶ U Mulungu yakamutuma munhu itagwa lyakwe Yohana.

Yohana 1:6 ပူးပေါင်းရင်းမြစ်များ

Malaki 3:1

Nayo Muwaha Mulungu yakupitula yakutya, “Ane, nomutuma mutumwa wangu yanozelezeze nzila. Nayo Muwaha Mulungu mono mukumulanjilila, kolokuza nhinicizo mu Wuhembelo wakwe. No mutumwa mono mukumulanjilila, kolokuza no kuganula icilagane cangu.”

Matayo 11:10

“Yuyu yo yalongwa mu Mandiko Gono Gelile vyono, Lanjenyi ta, nghumutuma u mutumwa wangu, ho yakulongolele no kukunozelezeza i nzila yako.”

Matayo 21:25

Wulenyi ta, u wulajilize wa Yohana wo kubaputiza walawa kuli nani? Wule, walawa ku wulanga hamba kuli wanhu?” Ninga iwene wakalongana weneco wose wakutya, “Hono citye, ‘Walawa ku wulanga,’ nayo kociwuza yatye, ‘Alu nhawule si mwamwihuwila?’

Luka 1:13

Ninga malayika yakamutya, “Zekaliya, wulece kogopa, hambi wulombe wako nha wuhulikwa, no mugolece wako Elizabeti kokulelela mwana wa cilume, nagwe komucemela litagwa lyakwe Yohana.

Luka 1:76

Nagwe, mwanangu, kocemwa muwizi wo Mulungu Mono Yalawiliciye muli vyose, hambi nha kolongola ha mwande yo Muwaha wumunozelezeze nzila yakwe.

Yohana 1:33

Nane sinamumanya: langa u Mulungu mono yanhuma nghawabaputize wanhu kwe malenga, yali yanonjela yakutya, ‘U munhu yuyo mono komuwona u Muhe yakumutimila, yakumwikalila, yuyo yo yakubaputiza mu Muhe Mono Yelile.’

Yohana 3:28

Nyenye nyo weneco muli wahomelezi wa vyono nalonga, ‘Ane yo si nene Kilisito, langa natumwa ho nimulongolele u mwene.’

Metumo ge Watumwa 13:24

Na lono Yesu yali yakali sinaza, Yohana yamulongolela, yakawa kuwaganulila wanhu wose wa Isilayeli, vyono yiwanojeye wanene no kubaputizwa.