Yohana 1:41 - Luganuzi Luswanu Kuli Wanhu Wose 2002

⁴¹ Andeleya yakamula kumulondola u muwahawe Simoni, yakamutya, “Cimuwona Mesiya” (nhunizo yayo Kilisito.)

I CILAGANE CIPYA 1991

⁴¹ Andeleya yakamula kumulondola u muwahawe Simoni, yakamutya, “Cimuwona Mesiha” (nhunizo yayo Kilisito.)

Yohana 1:41 ပူးပေါင်းရင်းမြစ်များ

Yohana 4:25

Nayo u mucekulu yakamutya, “Manyile vyono Kilisito yakuza, na kolo yakuza mwene, kocilonjela zose.”

Yohana 1:45

Nayo Filipo yakamwagana Nataneli, yakamutya, “Cimuwona ayulya mono Musa yandika i zakwe, mu citabu co Wulajilize, na kanyhi mono wawizi nawo wandika i zakwe, Yesu u mwana wa Yusufu, mulawa ku Nazaleti.”

Zabuli 89:20

Nimuhagula Dawudi u mwitumami wangu, niwa kumwitila ne mafuta gangu gono gelile.

Metumo ge Watumwa 10:38

Yo Yesu wa Nazaleti, mono mumumanyile vyono u Mulungu yamwitila Muhe Mono Yelile ne vilungo. U Mulungu yali yali hamonga nayo, umwene yakola ako na ako yakwituma viswanu, no kuwaponya wose wono wagazagwa na Setani.

Luka 2:38

Na mu cipango cico Ana yakalawila, nayo yakanza kumulumba Mulungu, nayo yakalonga zo mwana yuyo kuli wose wono walanjililaga wukombozi wa Yelusalemi.

Luka 2:17

Nawo waza kumuwona u mwana yuyo, wakayanzalika nghani yono walonjelwa yo mwana yuyo.

Metumo ge Watumwa 4:27

“Kwaco mbeka, Helode na Pontiyo Pilato, wena ne wanhu wono si Wayahudi, ne zimhuga za Isilayeli, nha wekongholela baha mu kaya yiyi ku soko yo mwitumami wako mono yelile, Yesu mono wamunoza yawe Kilisito.

Isaya 61:1

Muwaha Mulungu, kamemya'ne no muhe wakwe. Kasiwanula ho niwaganulile luganuzi luswanu i waciwa, niwaponye wono wadejepe mu nhumbula niwanzize zo wulecelwe wawo awalya i wahamywa, no wulecelwe wa kuli wafungwa mu jela.

Isaya 11:2

Nayo muhe wo Muwaha Mulungu kolomupela mahala, hamonga no wizuce no wunghula wo kuwatemela wanhu wakwe. Nayo kolowumanya wuhile wo Muwaha Mulungu kanyhi kowa ne cogopo kuli mwene.

Zabuli 45:7

Agwe mbeka wendile wiling'ano, ninga si wendile wubi, na ku soko yiyo, holeka Mulungu, u Mulungu wako yakakuhagula, nayo yakakujidila nyemo mbaha muno kuciza wayago.

Zabuli 2:2

Watemi wa mononze wakwiwikaniza, wawaha nawo wakwiheha hamonga, ho wamubedegale Muwaha Mulungu, hamonga no mwitilwa mafuta wakwe muhagulwa!

2 Watemi 7:9

Ninga hanyuma wakakumbucila, wakalongana weneco wose wakutya, “Ninga si yowa viswanu hono cijendelele kunoza nhavivi! Hambi ayino nha nghani swanu, holeka si yowa viswanu hono cinyamale nayo. Na hono cilindile sunga welelecele, ho cikayilonje nghani yiyi, cimanye vyono cotuga wulipicizwe. Holeka alenyi cibite lulu baha du, cikawalonjele wetumami wo mutemi!”

1 Yohana 1:3

Cico cono cawona, na cono cahulika, co cikumwanzizenyi nanye, nanye ho muhanje nase mu wumonga wono cina nawo no Sogo yo munhu no Mwanagwe Yesu Kilisito.

Matayo 1:23

“Langa ta, u musindile kolodinghula muda, nayo kololela u mwana we cilume, nayo kocemwa Emanuweli. Nhunizo yayo wo wutya, ‘U Mulungu yali hamonga nase.’ ”