Yohana 1:4 - Luganuzi Luswanu Kuli Wanhu Wose 2002

⁴ U Mwene yali yo mwamulizo wo wumi; no wumi wuwo wali wuzelu we wanhu wose.

I CILAGANE CIPYA 1991

⁴ U Mwene yali yo mwamulizo wo wumi; no wumi wuwo wali wuzelu we wanhu wose.

Yohana 1:4 ပူးပေါင်းရင်းမြစ်များ

Zabuli 49:6

Wanhu wabi, wono wetumbilaga zisawo zawo, no kwilumbila winji wo wugoli wawo.

Zabuli 84:11

U Muwaha Mulungu yo mudimi wetu, kanyhi yo mutemi wetu wo lukumyo, mwene kacimotyaga vye lihewa lyakwe, kanyhi yakucipela no lukumyo. Muwaha Mulungu si yakuwa kuwema cinji co cose ciswanu, wono wetumaga ze ling'ani.

Isaya 42:16

“Nane nowatonga wanhu wangu wono wali cibofu, wakole mu nzila yono wakali nayikola hamba mwizuwa linji. Nowunoza wutitu wawo, wuwe wuzelu, ne hanhu hono hali sasala-sasala hawe hatelemeye. Nawo wuwu wo wihuwizo wangu, nowebatiliza ho walece kukatala.

Malaki 4:2

Ninga kuli'nye mono muhulicile 'ne, i vilungo vyangu vye mhonelo, vyolomulawilenyi nhe'zuwa, no kumuletelenyi mhono, nhe nyhenjezi ye lizuwa. Mowa muli welecele, akuno musangalaye, kotya nyehe ndigulile mu wulawa mwi'kumbo.

Matayo 4:16

Iwanhu wono wekalaga kutitu alu wawona u wuzelu wuwaha. Na walya wono wekalaga mu yisi nhitu ye lifwa, na mu muzizi we lifwa, alu wuzelu wuwabulilila!”

Luka 2:32

Wuzelu wo kuwagubulila wono si Wayahudi. No lukumyo lwe wanhu wako Waisilayeli.”

Yohana 11:25

Yesu yakamutya, “Ane nha yo nene wuzuce, no wumi. Nayo mono yanyihuwiye nene, hamba yafwe kowa mumi,

Yohana 12:35

Yesu yakawatya, “Cikali cidaha cidodo, u wuzelu mwina nawo. Holeka mujende lono mukali mwina wuzelu wuwo, ho citi cilece kumwaganenyi. Ku soko mono yakujenda mu citi, si yamanyile na kono yakubita.

Yohana 12:46

Ane naza, ho niwe wuzelu kononze, muli wose wono wonyihuwila, walece kwikala mu wutitu.

Yohana 14:6

Yesu yakamutya, “Ane nha yo nene nzila, ne mbeka, no wumi. Hasina mono kosuma kubita kuli Baba, langa sunga yakolele muli nene.

Yohana 3:19

Ne ning'aniza yeneco nha yoyi, uwuzelu waza kononze, ninga wanhu wakenda wutitu si nho wuzelu, vyono metumo gawo mabi.

Yohana 5:21

Nha vyono u Sogo yo munhu kawazukulaga i wafu no kuwapela wumi, nhavivyo nayo Mwana kawapelaga wumi awalya wono yendile.

Yohana 5:26

Nha vyono u Sogo yo munhu yo mwamulizo wo wumi, ale nhavivyo nayo yamupela Mwanagwe yawe mwamulizo wo wumi.

Yohana 8:12

Yesu lono yaduwaga ne Wafalisayo kanyhi, yakawalonjela, yakutya, “Ane yo nene wuzelu we yinze. Mono yakunhyatya nene, si kojendela lukulu mu wutitu, langa kowa no wuzelu wo wumi.”

Yohana 9:5

Lono nghali nili mono yinze, ane nili wuzelu we yinze.”

Metumo ge Watumwa 26:23

nha vyono Kilisito si koleka kutamiswa na kanyhi ho yawe mulongozi mu wuzuce mu wafu, ho yawalonjele zo wuzelu wo wukombozwe, vyono wukuwamulicila alu iwanhu wose, Iwayahudi sunga ne wanhu wono si Wayahudi.”

1 Wakolinto 15:45

Hambi i Mandiko nha gakutya, “Umunhu mulongozi Adamu yali ciwumbwa cono cina nhumbula nyumi.” Ninga Adamu we ndumilizo, Muhe wono wuwumifyaga.

Waefeso 5:14

Na co cose cono cikwanzalikwa cikuwa wuzelu. Na co cikuleka i Mandiko gakutya, “Wusinhuce agwe mono wugonile: Kanyhi wuzuce muli wafu nayo Kilisito kokubulilila.”

Wakolosayi 3:4

Na Kilisito wo wumi wenyu we mbeka, yalaza kwijela, ale, anye nanye baho ho molokwijela hamonga nayo mu lukumyo.

1 Yohana 1:1

Cikukwandicila zizi so i nghani yo wumi yono yali yili baho ku wulawa mwamulizo. Ase cayihulika no kuyiwona ne meso getu sese co weneco, cayiwona no kuyibata kwe miwoko yetu sese co weneco.

1 Yohana 1:2

No wumi wuwo wali weza kwanzalikwa, ase cawuwona, nalu cikulonga, kanyhi cikumulonjelenyi zo wumi wuwo we cibitilila, wono wali ko Sogo yo munhu, hanyuma wukanzalikwa kuli'se.

1 Yohana 5:11

No wuhomelezi weneco nha wowu: U Mulungu yacipela wumi we cibitilila, no wumi wuwo wuli muli Mwanagwe.

Wugubule 22:1

Hanyuma kanyhi malayika yakandajila i likolongo lye malenga go wumi gono gakung'alala nha cilole, gakulawilila he'goda lyo wutemi lyo Mulungu, hamonga no Mwana we ngholo.

Wugubule 22:16

Ane yo nene Yesu, nimutuma malayika wangu, yamuhomelelenyi i zinghani zizino mu makanisa. Ane nili wo lulelo lwa Dawudi: Ane yo nene i nyelezi i mwacinghunghu, yono ying'alalaga ya hakali mitondo!