Yelemiya 7:9 - Luganuzi Luswanu Kuli Wanhu Wose 2002

⁹ Mukuhiza, mukuwulaga, mukusenyha, mukwilahiza ko wulambi, kanyhi mukumulavizya Baali makumbiko, no kuyihemba i milungu yono si mwali muyimanyile hamba hadodo.

Yelemiya 7:9 ပူးပေါင်းရင်းမြစ်များ

1 Watemi 18:21

Nayo Eliya yakawabitila wanhu yakawatya, “Alu mwene, mojendelela kukangamyanga mu mahweso mejete sunga nili? Hono Muwaha Mulungu yo Mulungu, ale muhembenyi yuyo du, na hono mukuwona vyono Baali nayo Mulungu, ale muhembenyi yuyo!” Ninga wanhu wose wakanyamala twii.

Wutuluce 20:3

Wulece kuwa na milungu yinji, langa nene du.

Isaya 1:13

Holeka yo nghani ya bwete du, yo kujendelela kundavizya vilavywa vyenyu. Hambi ane nha si nghwendezwa kanyhi, ne mhunjile yo wuvumba wono mukufusa. Hamba ne zi sikukuu zenyu ze Ndawo yo Mwezi, ne zi Sabato, hamba no wihangulize wenyu wo wuhembi, ane hamba si nozivumila yaye, hambi nha zakondya kuwifywa no wubi wenyu.

Isaya 58:2

Hambi wene nha wahembaga'ne nhondo zose, wakwiyitya vyono wena wuhile muno wo kumanya zinzila zangu, no kwibata wulajilize wangu. Wakulonga wakutya vyono wakusaka muno wapegwe malajilizo ge ling'ani, na kanyhi vyono wendile muno ho wahembe nene.”

Yelemiya 1:16

Nane, nowalipiciza i wanhu wangu, ku soko yo wubi wawo wono wetuma. Hambi nha wandeka 'ne, wakawa kuyilavizya makumbiko, i milungu yinji, kanyhi wakenozeza ne vihwani viseswe, no kuvihemba.

Yelemiya 11:13

Kanyhi, wumanye nha vyono i wanhu wa Yuda, wena milungu minji muno muno, nha vyono winha u winji we makaya gawo. Nawo i wanhu wa Yelusalemi, wazenjile makumbicilo menji muno, gehwanile no winji we zinzila zawo za mwi'kaya go kumufusiza wuvumba mulungu we cevu Baali.

Yelemiya 11:17

“Ane no Muwaha Mulungu, u Mulungu we mihanga, yo nene mono nawahadika Isilayeli hamonga na Yuda. Ninga lu lanje, nakondya kuwogofya ne magazo. Ninga zizi zose, nha weletela weneco du, so wituma zimbi wawo. Hambi nha wanghoza likuwo so wulavizya Baali makumbiko.”

Yelemiya 13:10

Hambi i wanhu wawa, nha wakulema kuzihulika zinghani zangu. Weza wanhu wabi ku wulawa na katali, wakuhemba no kuyitumamila i milungu yinji. Holeka nawo wokwihwana ne kaputula yiyino, yono yeza yisina kanyhi cambuzi co cose.

Yelemiya 18:15

Ninga i wanhu wangu wakondya kusemwa 'ne nalu wakuvifusiza wuvumba i vihwani. Nawo wekobaza mu zinzila zawo, hamba si wakusuma kuzityatya kanyhi zinzila ze katali, alu weza kukola mu zinzila zono si nozelezwe yaye.

Yelemiya 19:4

Nane nozituma zizi, vyono i wanhu wangu wakondya kundeka, no kuhavufya i hanhu baha, so wulavya makumbiko kuli milungu yinji, i milungu yono weneco, hamba i walezi wawo, hamba i watemi wa Yuda, wali si wayimanyile yaye. Nawo wakondya kuhamemya hanhu bahano, ne sakami ye wanhu wono wasina masutya.

Yelemiya 32:29

walipembele moto. Wolikongoga hamonga ne zikaya zose, zono wanhu wakuzitumamila, so wufusa wuvumba kuli Baali, mu matembe mucanyha, hamonga no kuyilavizya milungu yinji vilavywa vye divayi.

Yelemiya 44:3

vyono i wanhu wayo wetuma zimbi muno, wakanghoza 'ne likuwo. Hambi nha wayilavizyaga makumbiko milungu yinji, no kuyitumamila milungu yono wene si wayihembaga ku wulawa na katali, hamba nyenye, hamba ne walezi wenyu, si wayihembela lukulu.

Yelemiya 44:8

Alu nhawulenyi mukunghalaza, no kunghoza likuwo so wuhemba vihwani, na so wukumbika milungu yinji, mu yisi yiyi ya Misili, mono mwikaye? Hamba mukwituma zizi ho mwiyongomeze nyo weneco, ne makungugo gose ga mono'nze gamubedegalenyi, no kwitumamila litagwa lyenyu nha wulijitwe ne cevu lo?

Yelemiya 44:9

Hamba mwasemwa lo i zimbi zono zetumwa ne walezi wenyu, ne watemi, mu makaya ga mu yisi ya Yuda, na mu zinzila za mu Yelusalemi, ne walezi wenyu, ne watemi wa Yuda hamonga ne wagolece zawo, hamonga na nyenye ne wagolece zenyu lo?

Yelemiya 48:35

Kanyhi nolowemila i wanhu wa Mowabu walece kulavya vilavywa vyawo vinyanywe, mu hanhu hawo hono wahembelaga, hamonga ne makumbiko gono wayilavizyaga milungu yawo. Vyo nghutya, ane no Muwaha Mulungu.

Yelemiya 5:2

Hamba yiwe mukwiyitya mukumuhemba Muwaha Mulungu, ninga mukwilonjela caka du, hamba si mukulonga mbeka.

Yelemiya 5:7

Nayo u Muwaha Mulungu yakatya, “Alu mwene, ho nosuma wule kuwanenela wanhu wangu u wubi wawo lo? Hambi wene nha wakondya kundeka'ne nalu wakuyihemba i milungu yo wulambi. Ninga ane ho nawalisa wanhu wangu sunga wakeguta, ninga hamba nhavivyo, wene wakeyinjiza mu wusenyha, wakawa kwikala mu zinyumba hamonga ne wasenyha.

Yelemiya 7:6

Mulece kuwewonela wajenzi, hamba i wana wono wasina walezi wawo, hamba i wacekulu wafwile. Mulece kuwawulaga i wanhu wono wasina masutya mono yisi yiyi. Mulece kuyihemba milungu yinji, hambi zizo nha zo mongomezenyi bwete.

Ezekiyeli 18:18

Na ku lubavu lunji, u sogwe mweneco yo yawakonyaga wanhu no kuwahiziza, no kwituma nhondo zose i zimbi kuli wayagwe. Holeka yuyu sogwe yo, kofwa so wubi wakwe wono mweneco yali kuwituma.”

Ezekiyeli 20:30

Holeka luno, wuwalonjele Waisilayeli zono nghulonga ane nene Muwaha Mulungu, nghutya, alu nhawulenyi nanye mukwituma u wubi wuwulya du, wono sunga ne walezi wenyu wetumaga, no kuvihemba vihwani vyawo?

Ezekiyeli 23:39

Na mwi'zuwa li lilya du lyono wawawulajila i wanangu, no kuwalavya makumbiko kuli vihwani, lyo lizuwa lilyo kanyhi, lyo wenjilila na mu Nyumba yangu no kuyavufya!

Ezekiyeli 5:11

“Holeka ane vyono nili Mulungu mumi, azi zo nghani zo nghutya. Hambi 'nye nha mwayavufya Nyumba yangu ku soko ye zimbi zenyu, hamonga ne zinghani ze cevu zono mukwituma. Holeka nane nomulecenyi hamba si nomuwonelenyi lusungu yaye.

Hoseya 2:13

Nolomulipiciza ku soko ye cipango cono yakasemwa 'ne, lono yafusaga wuvumba kuli Baali, no kuvwala wihambo wo wuguzi wukamu, no kuwatyatya wendece wakwe. Vyo yakutya Muwaha Mulungu.

Hoseya 6:9

Ne wakohani wenha litewa lye wahizi wono watejeye munhu wamwibate. Wakwituma zo wuwulaji, sunga ko ku hanhu hono helile ku Shekemu. Kanyhi wakwituma wubi wuwo ne nyono du.

Amosi 4:5

Mujendelele no kulavya mikate yenyu yo wulumbize kuli Mulungu, no kwilumbila mu vilavya vyono vizize ko winji vyono mukuleta! Ayi yo nghani yono anye mwendile kwituma.

Zefaniya 1:5

Kanyhi nomuwusiza lukulu munhu wo wose, mono kabitaga mwi'tembe mucanyha, kawa kuvihemba lizuwa no mwezi sunga ne zinyelezi. Kanyhi nowawusiza lukulu wose wono wahembaga nene, no kwilahiza vyono wena cihuliko kuli'ne, na kuno kanyhi, ho wakwilahiza kuli mulungu Moleki.

Malaki 3:5

Muwaha Mulungu we mihanga yakutya, “Ane nolomuzizenyi so wuling'anizi, nane nowa muhomelezi mupelu kuli wono wendile kwituma zo wuhawi, na muli wasenyha, na muli wono walavyaga wuhomelezi wo wulambi, na muli wono wawapujilaga i wetumami wawo musahala wawo, na muli wono wawewonelaga i wafwile, ne wana wono wasina walezi wawo, ne wajenzi. Sunga na muli wose wono si wanyogopile 'ne.”

Walumi 2:2

Nase cimanyile vyono, i ning'aniza yo Mulungu yo ye mbeka mbeka kuli wono wakwituma makani ge nhavivyo.

Wukumbucize wo Wulajilize 32:17

Wakayilavizya vilavywa i milungu yo wulambi, i milungu mipya yono hamba ne walezi wawo wali si wayimanyile yaye. I milungu yono Waisilayeli wali wakali hamba nayitumamila yaye.

Wugubule 21:8

Ninga i wanhu woga, na wono si wehuwiye, na wono wena metumo ge cikomaza, ne wawulaji, ne wasenyha, ne wahawi, na wono wakuhemba vihwani, sunga ne walambi wose, awo wose lifungu lyawo mugati ye lilamba lyono likwaka moto ne cibiliti, alyo lye'fwa lye kejete.”

Wugubule 22:15

Ninga mabwa, ne wahawi, ne wasenyha, ne wawulaji, ne wahemba vihwani, sunga na wose wono wendile kulonga zo wulambi, wawo wose, si wokwinjilila lukulu mwi'kaya lilyo, langa wokwikala kunze du.

Walamuzi 5:8

Lono Waisilayeli wehagulila milungu yinji mipya. Ale kukawa no wulugu mu yisi. Wule muli wanhu we cilume elufu makumi mane, ho yuli mono yebata ngula hamba mugoha?